ආසියාවේ උසම ගොඩනැගිල්ල කොළඹ දී – ආයෝජන මණ්ඩල ගිවිසුම් අත්සන් කරයි
ආසියාවේ උසම ගොඩනැගිල්ල සහ ලෝකයේ 9 වැනියට උසම ගොඩනැගිල්ල ලෙසින් සැලකෙන ‘වර්ල්ඩ් කැපිටල් සෙන්ටර්‘ පරිශ්රය වසර 2022 දී විවෘත කෙරෙන බව සමාගම විසින් අනාවරණය කර සිටී. මෙම ව්යාපෘතිය සඳහා වන ගිවිසුම්, ලංකා ආයෝජන මණ්ඩලය සමඟ පසුගිය දා අත්සන් තැබුණු අතර එය ඇමරිකානු ඩොලර් බිලියන 2 ක ව්යාපෘතියකි.
කොළඹ නගර මධ්යයේ ඉදිවන මෙම දැවැන්ත ගොඩනැගිල්ල කුළුණු දෙකකින් සමන්විත වේ. මීටර 625 ක උසකින් යුතු එය මහල් 117 කින් යුක්ත වන බව සඳහන්ය.
නේවාසික ඒකක 1,200 ක්, හෝටල් කාමර 2,000 ක්, වෙළෙඳසැල් 3,000 ක් සහ 5,000 ක වාහනැ නැවතීමේ පහසුකම් සහිත රථගාලක් මීට අන්තර්ගත වේ. එසේම ලොව වේගවත්ම විදුලි සෝපානය, නිරීක්ෂණ මැදිරි හා හෙලිකොප්ටර් ගොඩබෑමේ පහසුකම් මෙම ගොඩනැගිල්ල සතුවේ.
මීට අදාළ ගිවිසුම අත්සන් තැබීම ආයෝජන මණ්ඩල සභාපති උපුල් ජයසූරිය මහතාගේ ප්රධානත්වයෙන් පසුගිය දා සිදුකෙරුණු අතර වර්ල්ඩ් කැපිටල් සෙන්ටර් හි සභාපති අහමඩ් මවුලානා මහතා ඇතුළු නියෝජිතයින් රැසක් ඊට එක්විය.
මාත් ගිහින් නැහැ බන්.
