අද 2020 අප්රේල් 27
වේලාව පස්වරු 7.00යි.
මා පදිංචිව සිටින්නේ පේරාදෙණිය විශ්වවිද්යාලයේ නිල නිවාසයකයී. එය පිහිටා ඇත්තේ සමසෞඛ්ය පීඨය (පැරණි දන්ත වෛද්ය පීඨය පැවති) අසල ඔගස්ටා හිල් නමින් හඳුන්වන කඳුගැටයේ ය. එතනට ගන්නෝරුව කෘෂිකර්ම දෙපාර්තමේන්තුවට අයත් පිට්ටනිය හා අදාළ භුමිභාගය මනාව දිස්වේ. අද හවස්වරුව පුරා එම පිට්ටනිය පරිශ්රයෙන් ශබ්ද විකාශන යන්ත්රවල හඬ ඇසේ. අපි ඒ දෙස විපරම් කර බැලුවෙමු. එම පිටියට රැස්කර සිටින්නේ නිවාඩු ලබා මහනුවර අවට ප්රදේශවල පිහිටි තම නිවෙස්වලට පැමිණි හමුදා සෙබළුන්ය. මොවුන් මෙහි රැස්කර සිටින්නේ හමුදා කඳවුරු වෙත රැගෙන යාමට බව අදාළ නිවේදනවලින් කියැවේ. ඔවුන් රැගෙන යාමට පැමිණි බස්රථ ගණනාවක්ද පෙනේ.
සති හෝ මාස ගණනකින් සිය දෙමව්පියන්, අඹුදරුවන් හා පවුලේ උදවිය සමග සතුටින් නිවාඩුව ගත කිරීමට සහ තම යුතුකම් ඉටු කිරීමට පැමිණි සෙබළ සෙබළියන්ට දැන් වහා තම සමීපතමයන් අතහැර නැවත සිය හමුදා කඳවුරුවලට වාර්තා කිරීමට සිදුව ඇත. ඔවුන්ට එසේ යාමට සිදුව ඇත්තේ එක්කෝ ඔවුන් රෝග වාහකයන් වේ යැයි බලධාරීන් සිතන නිසා විය හැකියි. නැත්නම් ඔවුන් ගමේ සිටිනවාට අසල්වැසියන් දක්වන අකමැත්ත හෝ ඔවුන් නිවෙස්වල සිටීමට විරුද්ධව අසල්වැසියන් කරන පැමිණිලි නිසා විය හැකියි. මේ තත්වයම කුලී නිවාසවල සිටි සෞඛ්ය කාර්ය මණ්ඩලවල අයට ද මීට පෙර උදා වූ බව අපි දනිමු. මේ තත්වයට හේතුව ඔවුන්ට කොරෝනා වයිරසය ආසාදනය වී ඇතැයි යන අනුමානයයි.
ඒ කෙසේ වෙතත් වර්තමානයේ හමුදා සෙබළාට මේ තත්වය උදාවූයේ ඇයි. ඔහු වසංගතය නිවාරණය කිරීමේ ජාතික මෙහෙවර සඳහා දායක වීමේ පාපයටයි. අපට වාර්තා වන අන්දමට තම ගමන් පහසුව සලසා ගැනීමට පුද්ගලික රථයකට හෝ පොදු ප්රවාහන සේවයට අයත් රථයකට සංඥා කළ ඒවා නොනවත්වා යන අවස්ථා එමටය. අපට ලැබෙන තොරතුරු අනුව ඔහු ගමේ සිටිනවාට අකමැති වුණේ කවුද? බොහෝවිට ඔහුගේ අසල්වැසි සිංහලයායි. එදා වීරෝධාර රණවිරුවා අද සිංහලයාට අරුචි වූයේ ඇයි. හමුදා සෙබළා තම සතුරාගේ එදිරිවාදියා වන තාක් ඔහු අපට වීරෝදාර රණවිරුවෙකි. එහෙත් ඔහු අපට අනතුරුදායක වන විට ම සෙබළාගේ වීරේදාර රණවිරු ලේබලය ගැලවී යයි. දේශප්රේමී සිංහලයිනි, අපට කීමට ඇත්තේ එක් දෙයකි. වැඩේ කැතැයි, නින්දිතයි, හීයි, ග්රාම්යයි...
දැන් වේලාව සවස 7.30ට ආසන්නයි. ගෙවල් ඇතුළේ සිටීමට පවා බිය දනවන අයුරින් හතර වටින් බක්මහ හෙණ හඬ ඇසේ. වැස්ස වැටෙන්නට ඉතා ආසන්නය. ශබ්ද විකාශන යන්ත්රවලින් නිකුත්වන නිවේදන තවමත් ඇසේ. එදා වීරෝදාර රණවිරුවෝ වත්මන් හමුදා සෙබළු තවමත් ගන්නෝරුව පිට්ටනියේය.
වේලාව පස්වරු 7.00යි.
මා පදිංචිව සිටින්නේ පේරාදෙණිය විශ්වවිද්යාලයේ නිල නිවාසයකයී. එය පිහිටා ඇත්තේ සමසෞඛ්ය පීඨය (පැරණි දන්ත වෛද්ය පීඨය පැවති) අසල ඔගස්ටා හිල් නමින් හඳුන්වන කඳුගැටයේ ය. එතනට ගන්නෝරුව කෘෂිකර්ම දෙපාර්තමේන්තුවට අයත් පිට්ටනිය හා අදාළ භුමිභාගය මනාව දිස්වේ. අද හවස්වරුව පුරා එම පිට්ටනිය පරිශ්රයෙන් ශබ්ද විකාශන යන්ත්රවල හඬ ඇසේ. අපි ඒ දෙස විපරම් කර බැලුවෙමු. එම පිටියට රැස්කර සිටින්නේ නිවාඩු ලබා මහනුවර අවට ප්රදේශවල පිහිටි තම නිවෙස්වලට පැමිණි හමුදා සෙබළුන්ය. මොවුන් මෙහි රැස්කර සිටින්නේ හමුදා කඳවුරු වෙත රැගෙන යාමට බව අදාළ නිවේදනවලින් කියැවේ. ඔවුන් රැගෙන යාමට පැමිණි බස්රථ ගණනාවක්ද පෙනේ.
සති හෝ මාස ගණනකින් සිය දෙමව්පියන්, අඹුදරුවන් හා පවුලේ උදවිය සමග සතුටින් නිවාඩුව ගත කිරීමට සහ තම යුතුකම් ඉටු කිරීමට පැමිණි සෙබළ සෙබළියන්ට දැන් වහා තම සමීපතමයන් අතහැර නැවත සිය හමුදා කඳවුරුවලට වාර්තා කිරීමට සිදුව ඇත. ඔවුන්ට එසේ යාමට සිදුව ඇත්තේ එක්කෝ ඔවුන් රෝග වාහකයන් වේ යැයි බලධාරීන් සිතන නිසා විය හැකියි. නැත්නම් ඔවුන් ගමේ සිටිනවාට අසල්වැසියන් දක්වන අකමැත්ත හෝ ඔවුන් නිවෙස්වල සිටීමට විරුද්ධව අසල්වැසියන් කරන පැමිණිලි නිසා විය හැකියි. මේ තත්වයම කුලී නිවාසවල සිටි සෞඛ්ය කාර්ය මණ්ඩලවල අයට ද මීට පෙර උදා වූ බව අපි දනිමු. මේ තත්වයට හේතුව ඔවුන්ට කොරෝනා වයිරසය ආසාදනය වී ඇතැයි යන අනුමානයයි.
ඒ කෙසේ වෙතත් වර්තමානයේ හමුදා සෙබළාට මේ තත්වය උදාවූයේ ඇයි. ඔහු වසංගතය නිවාරණය කිරීමේ ජාතික මෙහෙවර සඳහා දායක වීමේ පාපයටයි. අපට වාර්තා වන අන්දමට තම ගමන් පහසුව සලසා ගැනීමට පුද්ගලික රථයකට හෝ පොදු ප්රවාහන සේවයට අයත් රථයකට සංඥා කළ ඒවා නොනවත්වා යන අවස්ථා එමටය. අපට ලැබෙන තොරතුරු අනුව ඔහු ගමේ සිටිනවාට අකමැති වුණේ කවුද? බොහෝවිට ඔහුගේ අසල්වැසි සිංහලයායි. එදා වීරෝධාර රණවිරුවා අද සිංහලයාට අරුචි වූයේ ඇයි. හමුදා සෙබළා තම සතුරාගේ එදිරිවාදියා වන තාක් ඔහු අපට වීරෝදාර රණවිරුවෙකි. එහෙත් ඔහු අපට අනතුරුදායක වන විට ම සෙබළාගේ වීරේදාර රණවිරු ලේබලය ගැලවී යයි. දේශප්රේමී සිංහලයිනි, අපට කීමට ඇත්තේ එක් දෙයකි. වැඩේ කැතැයි, නින්දිතයි, හීයි, ග්රාම්යයි...
දැන් වේලාව සවස 7.30ට ආසන්නයි. ගෙවල් ඇතුළේ සිටීමට පවා බිය දනවන අයුරින් හතර වටින් බක්මහ හෙණ හඬ ඇසේ. වැස්ස වැටෙන්නට ඉතා ආසන්නය. ශබ්ද විකාශන යන්ත්රවලින් නිකුත්වන නිවේදන තවමත් ඇසේ. එදා වීරෝදාර රණවිරුවෝ වත්මන් හමුදා සෙබළු තවමත් ගන්නෝරුව පිට්ටනියේය.
