සඳගිරිසෑයේ මැණික් -මාල සොරාගෙන යැයි පැමිණිල්ලක්
(ෂේන් සෙනෙවිරත්න)
මහනුවර හන්තාන දේශයේ පිහිටි සඳගිරි සෑය විහාරස්ථානයේ චෛත්ය ගර්භයට පිවිසෙන දොරගුළු තුනක් කඩා එහි තුළ ධාතු කරඬුවට පළඳවා තිබූ මැණික් සහිත රන්මාල 10ත් 12ත් අතර ප්රමාණයක් සොරාගෙන ගොස් ඇති බව එහි විහාරාධිපති හිමියන් විසින් මහනුවර මූලස්ථාන පොලිසියට පැමිණිලි කර තිබේ.
මහනුවර හන්තාන සඳගිරි සෑය විහාරස්ථානයේ විහාරාධිපති හිමියන් වන ගඟසිරිපුර ධම්මාලෝක හිමියන් විසින් පොලිසියට සිදු කරන ලද පැමිණිල්ලකට අනුව පුළුල් විමර්ශන ආරම්භ කොට තිබේ.
එහි ධාතු ගර්භය තුළ තැන්පත් කොට තිබූ රන් කරඬුවක් සහ සර්වඥ ධාතූන් වහන්සේලා සොරුන් විසින් රැගෙන ගොස් නොමැති බවද ධම්මාලෝක හිමියන් කියයි.
