IT උපාධිය සහ රැකියා වෙළඳපොලේ යථාර්ථය: රැල්ලට යන සිසුන්ට සහ දෙමව්පියන්ට විවෘත සටහනක්
අද අපේ ලංකාවේ කාර්යාලයට අලුතින් Interns ලා බඳවා ගැනීම සඳහා සම්මුඛ පරීක්ෂණ (Interviews) කිහිපයක් පැවැත්වුවා. මේ අත්දැකීමෙන් පසුව අද අපේ රටේ IT ක්ෂේත්රය සහ අධ්යාපන ක්රමය පිළිබඳව පවතින සැබෑ තත්ත්වය ගැන සටහනක් තබන්නට මට සිතුණා.
සහතික තිබුණට ප්රායෝගික දැනුම කෝ?
සම්මුඛ පරීක්ෂණයට පැමිණි බොහෝ දෙනෙක් NSBM Green University වැනි අධ්යාපන ආයතනවල වල දෙවන වසරේ දෙවන අර්ධයේ (Second year, second semester) ඉගෙනුම ලබන සිසුන්. නමුත් කනගාටුවට කරුණ නම්, ඉන් බහුතරයකට අවම තරමේ මූලික HTML ගැනවත් ප්රායෝගික දැනුමක් නොමැති වීමයි. පොඩි HTML code එකක්වත් දන්නේ නැහැ. අනේ මන්ද මේ අධ්යාපන ආයතනවලින් ළමයින්ට උගන්වන්නේ මොනවද කියලා. එක්කෙනෙක් කියනවා මම HTML දන්නේ නැතිලු එයා ඉගන ගත්තේ Java සහ Python ලු. නමුත්, ඒ Java සහ Python ඉතා සරල ප්රායෝගික ප්රශ්නයක් ඇසූ විට එයට පිළිතුරු දීමට ඔවුන් අපොහොසත්.
රැල්ලට IT කිරීම සහ දෙමව්පියන්ගේ මුදල්
බොහෝ දෙනෙක් හිතාගෙන ඉන්නේ IT (Information Technology) කියන්නේ ලේසියෙන් සල්ලි මවන්න පුළුවන් මැජික් එකක් කියලා. මේ නිසාම තමන්ට ඇත්තටම හැකියාවක්, ආශාවක් හෝ උනන්දුවක් නැති වුණත් හුදෙක් රැල්ලට IT උපාධි කරන්න සිසුන් පෙළඹිලා තියෙනවා. දෙමව්පියනුත් තමන්ගේ දහඩිය මහන්සියෙන් හම්බකරන විශාල මුදලක් වියදම් කරලා දරුවන්ව මේ පාඨමාලා වලට යොමු කරනවා. කොහොමහරි කටපාඩම් කරලා විභාග පාස් කරගෙන උපාධිය ගත්තත්, ප්රායෝගික දැනුමක් නැති නිසා කර්මාන්තය තුළ ඔවුන්ට රැකියාවක් සොයාගැනීම ඉතා අසීරුයි. තමන්ට ඇත්තටම හැකියාවක් ඇති, තමන් ආශා කරන වෙනත් විෂයපථයකින් ඉදිරියට ගියා නම් මීට වඩා සාර්ථක වෙන්න ඔවුන්ට අවස්ථාව තිබුණා.
අධ්යාපන ආයතන වල වගකීම
මේ තත්ත්වයට අපේ රටේ බොහෝ උසස් අධ්යාපන ආයතනත් වගකිව යුතුයි. අද වන විට ඇතැම් ජනප්රිය පෞද්ගලික විශ්වවිද්යාල සහ අධ්යාපන ආයතන (NSBM, SLIIT වැනි) මුදල් පසුපස හඹා යන ව්යාපාර බවට පත්වෙලා දෝ කියා සැකයක් මතු වෙනවා. ඔවුන්ගේ ප්රධාන අරමුණ වී ඇත්තේ තොග වශයෙන් සිසුන් බඳවාගෙන මුදල් ඉපයීම මිසක්, කර්මාන්තයට ගැළපෙන (Industry-ready) ගුණාත්මක වෘත්තිකයන් බිහිකිරීම නොවෙයි. මේ නිසා සෑම වසරකම විශාල සිසුන් ප්රමාණයක් එලියට ආවත්, සැබෑ නිපුණතාවයක් ඇති ගුණාත්මක සිසුන් ඉන්නේ ඉතාමත් අල්ප ප්රමාණයක්.
ක්ෂේත්රයට එන්න ඉන්න අයට පණිවිඩයක්
IT ක්ෂේත්රය කියන්නේ නිරන්තරයෙන් අලුත් වන, මහන්සි වී වැඩ කළ යුතු තැනක්. විශේෂයෙන්ම වෘත්තීය ජීවිතයේ මුල් අවදියේදී දිව රෑ නොබලා, ඉමහත් කැපවීමෙන් වැඩ කරන්නට ශක්තියක් සහ මානසිකත්වයක් තිබිය යුතුමයි. ඒ සඳහා ඔබ කරන දේ ගැන සැබෑ ආශාවක් (Passion) සහ උනන්දුවක් තිබීම අත්යවශ්යයි. ඔබත් IT ක්ෂේත්රයට පිවිසෙන්නට බලාපොරොත්තු වන කෙනෙක් නම්, හුදෙක් රැල්ලට හෝ මුදල් පරමාර්ථයෙන් පමණක් මේ තීරණය ගන්න එපා. උපාධි සහතිකයට වඩා, ඔබේ ප්රායෝගික හැකියාව (Practical Skills) සහ තාක්ෂණය සමඟ යාවත්කාලීන වීමේ හැකියාව අද රැකියා වෙළඳපොලේ වටිනාම සාධකය බව සිහි තබා ගන්න.
තමන්ගේ Rich Stand එක පෙන්නන්නයි විතරයි 
