විවිධ අපරාධ සම්බන්ධයෙන් වරදකරුවන් වී සිරදඬුවම් නියම වූ භික්ෂූන් වහන්සේලා 28 දෙනෙකු මේ වන විට බන්ධනාගාරගතව සිටින බවට තොරතුරු වාර්තා වනවා.
එම භික්ෂූන් වහන්සේලා අතරින් එක් හිමිනමකට එරෙහිව නඩු කිහිපයකදී නියම වූ සිරදඬුවම් සම්පූර්ණයෙන් ගෙවා අවසන් කිරීමට තවත් වසර 108ක කාලයක් ගතවන බව සඳහන් වනවා.
ඒ, ආඬිගම සීලවංශ හිමියන් වන අතර, උන්වහන්සේට එරෙහිව කුරුණෑගල, පුත්තලම, පොළොන්නරුව සහ රත්නපුර ඇතුළු ප්‍රදේශවල නඩු 10කට අධික සංඛ්‍යාවක් පවතිනවා.
එම නඩුවලට අදාළව වසර 7ත් 15ත් අතර කාලසීමාවන් සඳහා සිරදඬුවම් නියම වී තිබෙනවා.
ළමයින් 26 දෙනෙකු අපයෝජනය කිරීම සම්බන්ධයෙන් ද උන්වහන්සේට චෝදනා එල්ල වී ඇති අතර, 2024 වසරේදී වරදකරු කර තිබෙනවා.
මේ අතර, ස්ත්‍රී දූෂණයක් සම්බන්ධයෙන් වැවතැන්නේ සිරිනිවාස හිමියන්ට වසර 20යි මාස 7ක සිරදඬුවමක් නියම වී ඇති බව සඳහන් වනවා.
අනෙකුත් භික්ෂූන් වහන්සේලාට නියම වී ඇති සිරදඬුවම් කාලසීමා නම්,
කොක්ගල්ලේ තිලකඥාන හිමි – වසර 24යි
මෝදරවානේ අමරසිරි හිමි – වසර 12යි
තිබිරිගොල්ලේ සිරිරතන හිමි – වසර 12යි
බඹරගම ධම්මරතන හිමි – වසර 10යි
හපුවලානේ ජිනදම්ම හිමි – වසර 10යි
කුමාර ඇල්ලේ මිහිඳු හිමි – වසර 15යි
කළුකහගල්ලේ සුමනසිරි හිමි – වසර 7යි
තැටිල්ලේ කාශ්‍යප හිමි – වසර 7යි
එළිවිටියේ ගුණරතන හිමි – වසර 7යි
ඇත්පිටියේ චන්ද්‍රානන්ද හිමි – වසර 14යි. (අභියාචනයක් ඉදිරිපත් කර තිබෙනවා.)
රේවත හිමි – වසර 12යි
ජාඇළ ඥානේස්වර හිමි – වසර 13යි
බැමිනියන්වල ප්‍රඥාවංශ හිමි – වසර 10යි
මොරවක සීලානන්ද හිමි – වසර 11යි
බෙංගමුවේ චන්ද්‍රානන්ද හිමි – වසර 7යි
කොටගල ධම්මරතන හිමි – වසර 12යි
මුල්ලේරියාවේ විමලතිස්ස හිමි – වසර 10යි
වක්වැල්ලේ චූලාලංකාර හිමි – වසර 12යි
නාරංඕවිට තිලකරත්න හිමි – වසර 3ත් 12ත් අතර
පොරවගම විජිත හිමි – වසර 10යි
තංගල්ලේ රතනසිරි හිමි – වසර 57යි
පෝරුවදණ්ඩේ ඥානකිත්ති හිමි – වසර 12යි
මීට අමතරව, මනුෂ්‍ය ඝාතනයකට සම්බන්ධයෙන් භයව ධම්මානන්ද හිමියන්ට කුරුණෑගල මහාධිකරණය විසින් පසුගිය ජුනි මාසයේදී මරණීය දණ්ඩනය නියම කර තිබෙනවා.
මුදල් වංචාවක් සම්බන්ධයෙන් ගිරිහාගම ධම්මරතන හිමියන්ට වසර 12යි මාස 3ක සිරදඬුවමක් නියම වී ඇති අතර, මත්ද්‍රව්‍ය සම්බන්ධ වරදක් හේතුවෙන් පානදුර සිරි සුමේධ හිමියන් ද බන්ධනාගාරගතව සිටින බව සඳහන්.
එසේම, අධිකරණයට අපහාස කිරීමේ සිද්ධියක් සම්බන්ධයෙන් මේ වන විට ගලගොඩඅත්තේ ඥානසාර හිමියන් ද බන්ධනාගාරගතව සිටිනවා.
