පිය සටහන්

[yakshaya]

වසර ගනන් තෙරපුන සිතිවිළි නේක
දෝරෙ ගැලුව සිත තුල පසුගිය දාක
ශල්‍යාගාරය තුල එක් සීතල ඇඳක
සිඟිති පුතෙක් ආවා සිට සුරලොවක

පුංචි පුතා අඬනා විට කිරි ඉල්ලා
තාත්තත් පුතේ ඇඬුවා කඳුළු නොසලා
අම්මයි පුතයි ඉන්නා විට නැලවීලා
ඈතින් බලන් හිටියේ මම සැනසීලා

රෑ මැදියමේ නිදි වරණා එක සතුටක්
නුඹේ පුංචි රෙදි හෝදන එක පිරියක්
නුඹව වඩන් ඉන්නා එක මට දිරියක්
දරු සෙනෙහසට සියලුම දුක් වේය සැපක්

නුඹ දාලා දුරු රට ආමුත් පුතුනේ
සැමදා සිතින් ඉන්නේ නුඹ ළඟමයි නේ
රන් කැටියා නොමැති උවත් ළඟ අනේ
නුඹෙ කිරි සුවඳ පිරිලා ඇත මේ නිවහනේ

හොඳ මිනිසෙකු වෙන්නට වාසනාවන්
නිරෝගීව සැමදා ඉන්නට වාසනාවන්
මගේ පුතුන් මට හැමදා වාසනාවන්
පුතුන්, දියනි ලොවටම වාසනාවන්

 

[yakshaya]

මටත් පුතෙක් හම්බුනාමයි තාත්ත කෙනෙක් ගෙ අගේ හරියටම තේරුනෙ. ළමයි වෙනුවෙන් දෙමව්පියො කරන කැප කිරීම් පුදුමයි. මම අපේ තාත්තගෙ හිත පොඩ්ඩක් හරි රිද්දපු අවස්තා කොච්චර තියෙන්න ඇද්ද. ඒත් තාත්තා මාව අත ඇරියෙ නැහැ නේ. අදටත් තාත්තා මට උදව් කරනව. අදටත් තාත්තා මට වැඩිය දන්නවා.

සියළු තාත්තලාට උපහාර වේවා.

 

[TakurZ]

පෙරදා නොතිබූ ගෞරවයක්,
පෙරදා නොතිබූ ආදරයක්,
පෙරදා නොතිබූ ආඩම්බරයක්,
තම පියා ගැන හිතෙන දවසක්,
වේ නම් ලොවේ..
වෙනින් වෙද
තමනුත් "පියා" නම් ලද දිනේ මෙන්..

අපූරු නිර්මාණයක්
​

 

[yakshaya]

පෙරදා නොතිබූ ගෞරවයක්,
පෙරදා නොතිබූ ආදරයක්,
පෙරදා නොතිබූ ආඩම්බරයක්,
තම පියා ගැන හිතෙන දවසක්,
වේ නම් ලොවේ..
වෙනින් වෙද
තමනුත් "පියා" නම් ලද දිනේ මෙන්..

අපූරු නිර්මාණයක්
​

ඉස්තුතියි මචං.

 

[yakshaya]

ලේ කිරි කර දෙන්නෙ අම්මා නේ පුතුට
පුතු නළවන්න හොඳටම පුළුවන් ආච්චිට
මාමල බාප්පලගේ රැකවරණය තියනව තිතට
ළඟ නැති උනත් සතුටුයි නුඹෙ තාත්තට

 

[yakshaya]

පුතුනේ ලොවෙහි ඇත නොයෙකුත් සුකුරුත්තම්
වාහන ඉඩ කඩම් සහ අබරණ ආයිත්තම්
කෙටි කල් පවතින්නෙ ඔය වැනි සෝභන කැටයම්
එනිසා පුතේ වඩවා ගන් හොඳ පිළිවෙත් සහ ගුණදම්

 

[yakshaya]

බැංකු ගිණුම් පුරවා නැත පුත නුඹ හට දෙන්න
ගේ දොර ඉඩ කඩම් නැත අප හට වත් ඉන්න
ගුණයෙන් උතුම් හොඳ මිනිසෙකු ලෙස ඉන්න
අපි කැප වෙනව පුතු හොඳ මග ගෙනියන්න

 

[cspmaxx]

මඔන දේ නැති වුනත් පුතෙකුට දෙන්න පුළුවන් ලොකුම දේ තාත්තගෙ ආදරයනේ...
අපූරු කවි ටික සහෝ..

 

[yakshaya]

මඔන දේ නැති වුනත් පුතෙකුට දෙන්න පුළුවන් ලොකුම දේ තාත්තගෙ ආදරයනේ...
අපූරු කවි ටික සහෝ..

ඉස්තූති වේවා.

තාත්ත කෙනෙකුට වැදගත් වෙන මෙන්න මෙහෙම කියමනක් තියනවා.

A truly rich man is one whose children run into his arms when his hands are empty." -- Author Unknown

 

[Anura8241]

මට කුඩා කලදිම(අවු.4 1/2)පිය සෙනෙහස අහිමි උනාට අන් පියවරුන් තුලින් මා දෑක තිබෙනවා,
ඔවුන්
තම දුවාදරුවන්ට දක්වන සෙනෙහසේ තරම,ලබාදෙන රෑකවරනයෙ තරම.

"පුදුමයි පුතුනි කිම මගෙ ලේ කිරිනොඋනේ" කිවුවෙ නිකම් වෙන්න බෑහෑනෙ

 

[yakshaya]

මට කුඩා කලදිම(අවු.4 1/2)පිය සෙනෙහස අහිමි උනාට අන් පියවරුන් තුලින් මා දෑක තිබෙනවා,
ඔවුන්
තම දුවාදරුවන්ට දක්වන සෙනෙහසේ තරම,ලබාදෙන රෑකවරනයෙ තරම.

"පුදුමයි පුතුනි කිම මගෙ ලේ කිරිනොඋනේ" කිවුවෙ නිකම් වෙන්න බෑහෑනෙ

කනගාටුයි සහොදරයා තාත්තගෙ අහිමි වීමට. ජීවිතේ එහෙම තමයි. තාත්ත සතුටු වෙනව ඇති හොඳ පුතෙක් හැදුව කියල.

අපිට ලමයි හම්බෙල අපිත් තාත්තල උනාම තමයි අපේ තාත්තලගෙ අගේ හොඳටම තේරෙන්නෙ.

 

[yakshaya]

පළවෙනි හිනා කට නුඹගේ දකින තුරා
පළවෙනි වරට නුඹ අම්මා කියන තුරා
හිස ඔසවා වාරු ගන්න වෙර දරන තුරා
ඉන්නට බැරි විය මම ආවෙමි දුරු කතරා

 

[rauxz]

ලස්සන නිර්මාණයක් සහෝ..
ඔයා වැරදි නමක්නේ දාගේන තියෙන්නේ..ඔයාල කොහොමද සහෝදරයා යක්ශයා කියන්නේ..රෙප් දෙන්න බෑලූ..

 

[yakshaya]

18 වෙනි සංශෝදන වැඩක් නෑ
පබා පැනපු එක මට කමක් නෑ
වයඹ ගහන මැච් මම බැලුවෙ නෑ
පුතුගෙ හුරතලේ වගෙ වෙන කිසිත් නෑ

 

[yakshaya]

පියඹන්නට තටු ලැබුනා නම් හොඳය
පිහිනන්නට වරලක් තිබුනොත් එලය
කාලය ක්‍ෂණයකින් ගෙවුනොත් අගෙය
ළඟ නැති උනත් සිත ඇත්තේ පුතු ළඟය

 

[yakshaya]

තව දවසක් ගෙවිලා යයි ලැසි ගමනේ
පුතු දැක ගන්න මට ඉවසුමකුත් නෑනේ
කලිසම් පොඩියකුත් ඔහු හට ගත්තානේ
තව ටික දොහයි මම ගෙදරට එනවානේ

 

[yakshaya]

හිනා කටක් මෝදු වෙලා පුතු මුවගේ
දැඟලිල්ලත් දැන් ටික ටික වැඩි වාගේ
පුංචි කොන්ඩෙ කපලා අද සුදු පුතුගේ
හුරතල් පුතා හැමදාමත් වෙයි මම වාගේ

 

[yakshaya]

වාහන පේලි කඩ සාප්පු ගොඩක් ඇත
නෙක විසිතුරු බඩු භාණ්ඩ නොයෙක් අත
නේක වර්ග රස මසවුල රාක්ක පිරී ඇත
අම්මයි නුඹයි වෙතමයි පුතේ මගේ හිත

 

[yakshaya]

ඕ ඕ කිය කියා මොනවද පුතු කියන්නේ
ඇස් කරකවා දැන් හැම තැන බලන්නේ
මම නැති උනත් පුතු සතුටෙන් වැඩෙන්නේ
ඒ ගැන සිත සිතයි මම නොසැලී සිටින්නේ

 

[yakshaya]

දොයි දොයි දොයි දොය්ය බබා
සුවසේ නිදියන් මගෙ චූටි බබා
කිරි සිහිනෙන් නැලවෙන්න බබා
සිනා සලා යලි නැගිටින්න්න බබා