ශ්රී ලංකා රුපියලේ සීඝ්ර කඩාවැටීමක්: ආසියාවේ දුර්වලම කාර්ය සාධනය පෙන්නුම් කරන මුදල් ඒකකය බවට පත්වේ
copyright:Hiru news
ජාත්යන්තර බ්ලූම්බර්ග් (Bloomberg) සඟරාව වාර්තා කරන පරිදි, ශ්රී ලංකා රුපියලේ අගය මේ මස තුළ ආසියානු කලාපයේ වේගවත්ම පහත වැටීම වාර්තා කරමින් දැඩි අස්ථාවරත්වයකට ලක්ව තිබෙනවා.
මුදල් නියෝජ්ය අමාත්ය අනිල් ජයන්ත ප්රනාන්දු මහතා පාර්ලිමේන්තුවේදී පවසා සිටියේ, රුපියලේ අගය තවදුරටත් පහත වැටෙනු ඇතැයි පවතින වෙළඳපොළ අපේක්ෂාවන් මෙම කඩාවැටීම තවදුරටත් තීව්ර කර ඇති බවයි.
බ්ලූම්බර්ග් දත්තවලට අනුව, රුපියලේ අගය මේ මස තුළ 4.6%කින් පහත වැටී ඇති අතර, බදාදා දින වන විට එය ඩොලරයකට සාපේක්ෂව රුපියල් 334.52ක් දක්වා 1.2%ක අවප්රමාණය වීමක් වාර්තා කළේය. මෙය 2023 මාර්තු මාසයෙන් පසු වාර්තා වූ රුපියලේ පහළම අගයයි.
ඉරාන-ඇමරිකානු ගැටුම් ආරම්භ වීමත් සමඟ ඉන්ධන ආනයන පිරිවැය හය ගුණයකින් ඉහළ යාම මෙම මූල්ය අර්බුදයේ ප්රධාන හේතුව බව එම වාර්තා පෙන්වා දෙනවා.
මුදල් අමාත්යාංශයේ නියෝජ්ය අමාත්යවරයා සඳහන් කළ පරිදි, ආනයනකරුවන් වැඩි වශයෙන් ඩොලර් මිලදී ගැනීමට කටයුතු කරන අතර, අපනයනකරුවන් තමන් උපයන විදේශ විනිමය රුපියල් බවට පරිවර්තනය කිරීම ප්රමාද කිරීම හේතුවෙන් විදේශ විනිමය වෙළඳපොළ තුළ උග්ර හිඟයක් නිර්මාණය වී ඇත. මීට අමතරව, රාජ්ය සුරැකුම්පත් සහ කොටස් වෙළඳපොළෙන් විදේශ ආයෝජන පිටතට ගලා යාම ද මෙම තත්ත්වය උග්ර කිරීමට හේතු වී තිබෙනවා
රී ලංකා මහ බැංකු අධිපති ආචාර්ය නන්දලාල් වීරසිංහ උපුටා දක්වමින් දිනපතා ඉංග්රීසි පුවත්පතක් වාර්තා කරන්නේ, විදේශ විනිමය වෙළඳපොළේ පවතින අස්ථාවරත්වය පාලනය කිරීම සඳහා මහ බැංකුව අවශ්ය අවස්ථාවන්හිදී වෙළඳපොළට මැදිහත් වෙමින් සිටින බවයි.
මෙම අර්බුදය පිළිබඳව අදහස් දක්වන 'ඇඩ්වොකාටා' (Advocata) ආයතනයේ ප්රධාන විධායක නිලධාරී ධනනාත් ප්රනාන්දු පෙන්වා දෙන්නේ, යුද්ධය අවසන් වීම වෙළඳපොළ විශ්වාසය යළි ගොඩනැගීමට උපකාරී වනු ඇති නමුත්, ගැටුම කෙදිනක අවසන් වේද යන්න පිළිබඳව නිශ්චිත අනාවැකියක් පැවසීම අපහසු බවයි.
ඔහු වැඩිදුරටත් සඳහන් කරන්නේ, අතීතයේදී මෙවැනි විනිමය අනුපාත කඩාවැටීම් පාලනය කිරීම සඳහා ද්රවශීලතාවය අඩු කිරීම සහ මූල්ය ප්රතිපත්ති දැඩි කිරීම වැනි පියවර අත්යවශ්ය වූ බවයි.
කඩාවැටෙමින් පවතින රුපියලේ අගය ආරක්ෂා කර ගැනීම සඳහා ශ්රී ලංකා රජය මේ වන විට දැඩි පියවර කිහිපයක් ගෙන තිබෙනවා. ඒ අනුවයි පෞද්ගලික වාහන ආනයනය සඳහා මාස තුනක කාලයකට 50%ක විශේෂ ආනයන තීරුබදු ගාස්තුවක් පැනවීම, ඉන්ධන සීමා කිරීම් සහ විදුලි ගාස්තු ඉහළ දැමීම වැනි පියවර ක්රියාත්මක කර ඇත්තේ.
Nav 50 Kata heta edan tel gassanawa
