මාවනැල්ල නගරය තුළ ගව ඝාතනාගාරයක් ස්ථාපිත කිරීමට රජය හෝ අදාළ බලධාරීන් ගෙන ඇති තීරණයට එරෙහිව ප්රදේශයේ මහා සංඝරත්නය සංවිධානය කළ සුවිශේෂී විරෝධතා පාගමනක් අද (17) දින සාර්ථකව පවත්වා තිබේ.
"සිවුරේ බලය" මැනවින් විදහා දක්වමින්, මෙම යෝජිත ව්යාපෘතිය මඟින් ප්රදේශයේ ආගමික හා සංස්කෘතික පරිසරයට සිදුවන හානිය අවධාරණය කිරීම මෙහි ප්රධාන අරමුණ වී ඇත.
ප්රදේශයේ විහාරස්ථාන රැසක් නියෝජනය කරමින් මාවනැල්ල ප්රදේශයේ වැඩවසන මහා සංඝරත්නය තිස් නමකට අධික පිරිසක් මෙම විරෝධතාව සඳහා එක්ව සිටියහ.
උන්වහන්සේලා බෙලිගම්මන පොත්ගුල් විහාරස්ථානයේ සිට මාවනැල්ල ප්රාදේශීය සභාව දක්වා ඉතාමත් ශාන්ත මෙන්ම දැඩි අධිෂ්ඨානයෙන් යුතුව පා ගමනින් වැඩම කළහ. මෙම පා ගමන නැරඹීමට සහ ඊට සහයෝගය දැක්වීමට ප්රදේශවාසී බෞද්ධ ජනතාව ද මාර්ගය දෙපස රැස්ව සිටි බව වාර්තා වේ.
මාවනැල්ල ප්රාදේශීය සභාව වෙත වැඩම කළ මහා සංඝරත්නය, මෙම යෝජිත ගව ඝාතනාගාරය වහාම නතර කරන ලෙස බලකරමින් සකස් කළ නිල විරෝධතා ලිපි ලේඛන මාවනැල්ල ප්රාදේශීය සභාවේ සභාපතිවරයා වෙත සහ මාවනැල්ල ප්රාදේශීය ලේකම්වරිය වෙත නිල වශයෙන් භාර දීමට කටයුතු කළහ.
එහිදී ප්රදේශයේ සාමකාමී පැවැත්ම සහ ජනතාවගේ ආගමික හැඟීම්වලට ගරු කරමින් මෙම තීරණය වහාම හකුලා ගන්නා ලෙස සංඝරත්නය බලධාරීන්ගෙන් දැඩි ලෙස ඉල්ලා සිටියහ.
Deiyo passe Yana agam thamai cancer mulu loketama..
