මහනුවර දුම්රිය ස්ථානයේ සිට පේරාදෙණිය දක්වා දුම්රිය එන්ජිම ප්රවාහනය කරමින් තිබූ විශේෂ ලොරි රථයක් කාර්මික දෝෂයකට ලක්වීම හේතුවෙන් පේරාදෙණිය - පැණිදෙනිය මාර්ගයේ ගමනාගමනයට බාධා එල්ල වී තිබේ.
අදාළ රථය මාර්ගය මැද නතර වීම හේතුවෙන් එක් මන්තීරුවක් සම්පූර්ණයෙන්ම අවහිර වී ඇති අතර, මේ හේතුවෙන් එම මාර්ගයේ ගමනාගමන කටයුතුවලට මේ වනවිට යම්තාක් දුරට බාධා පැමිණ ඇති බව වාර්තා වේ.
උඩරට දුම්රිය මාර්ගයේ කඩුගන්නාව සහ රඹුක්කන අතර නායගිය ස්ථාන ප්රතිසංස්කරණය කිරීමේ කටයුතු සඳහා අවශ්ය දුම්රිය එන්ජිමක්, මහනුවර සිට පේරාදෙණිය දුම්රිය ස්ථානය දක්වා ප්රවාහනය කරමින් තිබියදී මෙම අනපේක්ෂිත කාර්මික දෝෂය හටගෙන ඇත.
මාර්ගයේ අවහිරතාව ඉවත් කර ගමනාගමනය යථා තත්ත්වයට පත් කිරීම සඳහා මේ වනවිට කටයුතු යොදමින් පවතී.
