කුරුණෑගල අවුලේගම පන්සලකදී
දායකයාට පිහියෙන් ඇන්න
භික්ෂුවට මරණ දඬුවම...
රු.15,000ක ගනුදෙනුවකට බහින්බස් වෙලා
භික්ෂුව අධික බීමතිනුත් ඉඳලා..
පූජාබිමකදී මුදල් ගනුදෙනුවක් සම්බන්ධයෙන් බහින්බස් වී තියුණු ආයුධයක් භාවිතාකර මනුෂ්ය ඝාතනයක් සිදුකළ අපරාධය සම්බන්ධ කුරුණෑගල මහාධිකරණයේ වසර 10 පුරා පැවති නඩු විභාගයේදී මහාඅධිකරණ විනිසුරු ටිකිරි ජයතිලක තීන්දුව ප්රකාශ කර අදාළ චූදිත චීවරධාරියාට මරණ දඩුවම නියම කළේය.
කුරුණෑගල, අවුලේගම පදිංචි කේ.කේ. කන්තානගර (38) නැමැති දෙදරු පියාට තියුණු ආයුධයකින් ඇන සිදුකළ අමානුෂික මනුෂ්ය ඝාතනයක් සම්බන්ධයෙන් පැවැති නඩු විභාගයේදී චූදිත අවුලේගම ධම්මානන්ද (48) නමැති චීවරධාරියාට මෙසේ මරණීය දණ්ඩනය නියම විය.
2015 දෙසැම්බර් 19 දින හෝ ආසන්න දිනයකදී පන්සල් භූමියේදී චීවරධාරියා සමග රූපියල් 15,000/- මුදල් ගනුදෙනුවක් සම්බන්ධයෙන් ඇතිවූ බහින්බස්වීමකදී බමන මතින් සිටි චීවරධාරියා තමන්ගේ හිතවත් දායකයාට තියුණු ආයුධයකින් ඇන අඟල් 18 පමණ තුවාල සිදුකිරීමෙන් රෝහල්ගත කර මාස දෙකකට අධික කාලයක් කුරුණෑගල ශික්ෂණ රෝහලේ 28 වාට්ටුවේ නේවාසිකව ප්රතිකාර ලබමින් සිටියදී 2016 මාර්තු 17 දින ඔහු ජීවිතක්ෂයට පත්ව ඇත.
වසර 10 ක පමණ කාලයක් පුරා පැවති නඩු විභාගයෙන් පසු කුරුණෑගල පළාත්බද මහාධිකරණයේ දී පැවති නඩු විභාගයේදී මනුෂ්ය ඝාතනය සම්බන්ධයෙන් අවුලේගම, ධම්මානන්ද නමැති චීවරධාරියා වැරදිකරු කළ මහාධිකරණ විනිසුරු මරණීය දණ්ඩනය නියම කරන ලදී.
නඩු විභාගයේ පැමිණිල්ල වෙනුවෙන් රජයේ අධිනිතිඥ අෂාන් බණ්ඩාර පෙනීසිටි අතර අගතියට පත් පාර්ශ්වය වෙනුවෙන් ටයිටස් මනතුංග සහ වින්ද්යා දිවුල්වැව යන නීතිඥවරු අධිකරණයේ පෙනීසිටියහ.
වාරියපොළ පොලිසිය අපරාධය සම්බන්ධයෙන් පොලිස් පරීක්ෂණ මෙහෙය විය.
