ගොඩක් අය කමෙන්ට් දාල තියෙන්නෙ කස්ටමර් pov එකෙන් නෙ. මේ මුදලාලි pov එකෙන්.
කෙනෙක් දාල තිබ්බ ගාන ඇහුවත් කියන්නෙ නෑ කියල. සමහරු රැක් එකෙන් බඩු ගන්නත් කලින් ගාන අහනව. තව සමහරු දේවල් 4-5ක් ඉල්ලල ඒ ඉල්ලපු සැනින් ගාන කීයද අහනව. සමහරු තුන්ඩුව දෙද්දිම ගාන අහනව. සමහරුන්ගෙ තුන්ඩුවේ අයිටම් 5-6යි ඒ ටික හදන්නත් වෙලා යනව. ඒ ඒ ඔක්කොටම කලින් ගාන අහනව.
ඉතින් ඔය ඔක්කොටම නිහඩව ඉන්නව එක තමා අපිත් කරන්නෙ. නැත්නම් උත්තර දෙනව නම් කියන්න තියෙන්නෙ "පොඩ්ඩක් හිටපන් අතට ගන්නකම් බලන්න" නැතන්ම් "බඩු ගොඩයි නෙ ගාන බලල එකතු කරනකම් හිටපිය" කියන්න තමා. ඉතින් එහෙම කියන්නෙ නැතුව ඉවසීමෙන් ඉන්න එකට තමා නිහඩව ඉන්නෙ.
තව සමහරුන්ට කොමන් සෙන්ස් නෑ. එයාලට අපි කියන මෙලෝ ලබ්බක් තේරෙන්නෙ නෑ. එයාලට "අ" යන්නෙ ඉදන් කියන්න ඕනෙ දෙයක් තේරුම් කරන්න. ඉතින් ඒ වගේ අය කතාවට එද්දිම ඕනෑවට එපාවට කතාකරල යවනව.
තව සමහරු බක පන්ඩිතයි අනික් එකා කියන කිසිදෙයක් මායිම් නොකර එයාට කියන්න ඕනෙ ටික එයාම කියනව. අපි කියන ඒව එයාල අහන්නෙත් නෑ, ගනන්ගන්නෙ නැතුව එයාලම කියාගෙන යනව. එතකොට එයාල තව දවසක කතාවට ආවට ගනන් ගන්නෙ නෑ. එයාලම කියෝල යනව.
තව සමහරු කතා කරන්න ගත්තාම ඉවරයක් නෑ. එකෙක්ගෙන් යාපනේ ගියා කිව්වාම "කොහොමද යාපනේ හොදයි දවස් කීයක්ද" ඇහුව. මේක යාපනේ යන්න ට්‍රේන් එකේ ටිකට් බුක් කරපුව, කට්ටිය වමනෙ දාපුව, නිදාගත්තුව උදේ දවල් රෑ කාපුව ඔක්කොම කියවන්න ගත්ත, ඉතින් ඒ වගේ අය ආයිත් දවසක මොනා හරි කිව්වාම වැඩි විස්තර අහන්නෙ නෑ. වාතයක් වෙනව. තව කස්ටමර් කෙනෙක් ආවොත් එයාට සර්විස් එක දෙන්නත් නෑ කියෝනව.
සමහර වෙලාවට අපිට මහන්සි, එතකොට කවුරු කියවන්න ආවත් ගනන් ගන්නෙ නෑ යවන්න බලන්නෙ. ඒකම තමයි අපි තේබොන, කනබොන වෙලාවට ආවාමත් ඉක්මනට යවන්න බලන්නෙ. ර්ප්ලයි කරන්නෙ නෑ, කියන අහන ඒවට. මොකද තේ එක නිවෙන්න කලින් බොන්න ඕනෙ අනික සමහරදාට 6ට හදන තේ එක 9ටවත් බීගන්න බෑ.
මැනස් නැති මිනිස්සු ඉන්නව. තව කෙනෙක්ගෙන් අහන්න ඕනෙ නැති දේ දන්නෙ නැති උන් සහ ආඩපාලි කියන උන්. පහත් කරන කුනු කතා කියන උන්, කටහොද නැති උන්. ඒ කවුරුත් ගනන් ගන්නෙ නෑ. එයාලට අහන දේකට උත්තරයක් දුන්නමාත් උන් ඒකට ආඩපාලි කියනව. උන්ගෙන් කුනු කතා අහගන්න ඕනෙ නැති නිසා නිහඩව ඉන්නව.
දේශපාලන මතය නිසා නිහඩ වෙනව. ටීවී එකේ යන දේකට ජෙප්පන්ට බැන්නත් පොහොට්ටුවට බැන්නත් සජබෙට බැන්නත් දන්නෙ නැති අය එක්ක මුකුත් කියන්නෙ නෑ නිහඩව ඉන්නව.
ඕප දූප චීත්ත කස්ටමර්ල් එක්ක කිසිම දෙයක් කියන්නෙ නැති තරම් අහන ගොඩක් ඒවට නිහඩ වෙනව. එහෙම කෙනෙක් ඉද්දි අපිට කොච්චර හිතවත් කෙනෙක් මොනාහරි ව්යාපාරික නොවන දෙයක් ඇහුවත් නිහඩ වෙනව. එතකොට ඇත්තටම රිප්ලයි නොකරන්නෙ අහන කෙනා නිසා නෙමේ වටපිටේ ඉන්න අය නිසා. ඇහුන් නෑ වගේ ඉන්නව.
දැන් හෙට අලුතෙන් කෙනෙක් කතාවට ආවාම ඔය උඩ තියෙන කෙනෙක්ගෙන් මොනවගේ කෙනෙක්ද කියල දන්නෙ නෑ. ඒ නිසා බොහොම සීරුමාරුවට කතා කරනව. සෙට් වෙන්නෙ නැතිදේවල් අහද්දි නිහඩ වෙනව.
