තම්බ්‍රලිංග රාජදානිය ගැන ඔබ දන සිටියාද ?

තාම්බ්‍රලිංගය යනු ක්‍රිස්තු වර්ෂ 2 වන සියවසේ සිට 14 වන සියවස දක්වා මලයා අර්ධද්වීපයේ පැවති පැරණි, ඉන්දීය ආභාෂය ලත් රාජධානියකි. මෙහි අගනුවර වූයේ නගර ශ්‍රී ධර්මරාජ (Nagara Sri Dharmaraja . වර්තමාන තායිලන්තයේ Nakhon Si Thammarat) නගරයයි. මෙම රාජධානියේ වැසියන් සහ පාලකයන් ශ්‍රී ලංකාවේ ඉතිහාස මූලාශ්‍රවල හඳුන්වා දී ඇත්තේ "ජාවක" (Javaka) හෝ මැලේ (Malay) ජාතිකයන් වශයෙනි.

තාම්බ්‍රලිංග ඉතිහාසයේ වඩාත්ම ප්‍රසිද්ධම පාලකයා වන්නේ චන්ද්‍රභානු ශ්‍රී ධම්මරාජ (Chandrabhanu) රජුය. 13 වන සියවසේදී (ක්‍රි.ව. 1247 සහ 1262 දී පමණ) ලංකාව ආක්‍රමණය කරන්න උත්සහා කර ඇත. චන්ද්‍රභානු රජු ශ්‍රී ලංකාව ආක්‍රමණය කිරීමට දෙවරක්ම උත්සාහ කළ අතර, එම අවස්ථා දෙකේදීම ඔහු දැඩි ලෙස පරාජයට පත් විය

13 වන සියවසේ අගභාගය වන විට තායිලන්තයේ නැගී ආ සුඛෝතායි (Sukhothai) රාජධානියට සහ පසුව 14 වන සියවසේදී අයුත්තා (Ayutthaya) රාජධානියට යටත් වීමෙන් තම්බ්‍රලිංග රාජධානිය ස්වාධීන රාජ්‍යයක් ලෙස අවසන් වී, තායිලන්තයේ කොටසක් බවට පත් විය.


https://en.wikipedia.org/wiki/Tambralinga

https://en.wikipedia.org/wiki/Dambadeniya–Tambralinga_wars

මෙම තම්බලිංග හෝ ජාවක පාලන සමය ලංකාවේ මලයානු (Malay) සංස්කෘතික සබඳතා ශක්තිමත් වීමට මඟ පෑදීය. යාපනයේ පවතින චාවකච්චේරි (Javakacheri - ජාවකයන්ගේ ග්‍රාමය) සහ ජාවකකෝට්ටේ වැනි ස්ථාන නාමයන් බිහිවීමට මෙම ඓතිහාසික තම්බලිංග ආක්‍රමණය සෘජුවම බලපෑවේය. තම්බලිංග (Tambralinga) දේශය සහ ශ්‍රී ලංකාව අතර පැවති සබඳතාව හුදෙක් චන්ද්‍රභානුගේ ආක්‍රමණයට පමණක් සීමා වූවක් නොවේ. දේශපාලනික, ආගමික සහ සමාජයීය වශයෙන් මෙම රාජධානි දෙක අතර ඉතා ගැඹුරු සහ දිගුකාලීන සබඳතා පැවතුණි.

Anyhacker said:

ඇත්තටම රසවත් ඉතිහාසයක් මේක. තම්බ්‍රලිංගය කියන්නේ අද තායිලන්තයේ Nakhon Si Thammarat පැත්තේ තිබුණු බලවත් රාජධානියක්. එහි රජු චන්ද්‍රභානු 1247 දී සහ 1262 දී දෙවතාවක්ම ලංකාව ආක්‍රමණය කළේ දළදා වහන්සේ අත්පත් කරගන්න හිතාගෙන — ඒත් දෙවතාවම පරාජය වුණා. අපේ ඉතිහාස පොත්වල මේ ගැන වැඩිය කතා වෙන්නේ නෑ, හොඳ thread එකක්.

Click to expand...

ඔව්, ඇත්තටම ඒක හරි. තම්බ්‍රලිංග රාජධානිය ගැන අපේ ඉතිහාස පොත්වල තියෙන්නේ ඉතා අල්ප වශයෙන්. පාඨශාලා පාඩම්වල දකින්න ලැබෙන්නේ බොහෝ විට දකුණු ඉන්දීය ආක්‍රමණ සහ පෘතුගීසි, ලංදේසි, ඉංග්‍රීසි යුගයන් ගැන විතරයි. ඒ නිසා අග්නිදිග ආසියාවෙන් ආපු මේ ආක්‍රමණ ගැන බොහෝ දෙනා දන්නේ නෑ

---

Inigo Montoya said:

ඔය තායි, මලයා මිනිස්සු ඒ කාලේ යසට බෝට්ටු හදාගෙන ඉන්දියා සාගරේ තරණය කළා. මැඩගස්කර් දිවයින් වලටත් මලයා මිනිස්සු ගිහින් තියෙනවා. අදත් උන්ගේ භාෂාව මලයා භාෂාවට සමානයි. මිනිස්සුත් සමානයි.

Click to expand...

ඔව්, මැඩගස්කරයේ කතා කරන මැලගසි භාෂාව මැලේ පොලිනේසියානු භාෂා පවුලට අයිතියි. එහි ළඟම ඤාති භාෂාව බෝර්නියෝවේ කතා කරන බාරිතෝ භාෂාව බව භාෂාවේදීන් පෙන්වා දී තියෙනවා.
------ Post added on Oct 9, 2026 at 4:21 PM

kingcapton said:

මේ ගැන අහල තිබුනෙ නෑ,

Click to expand...

ලංකාවේ උපසම්පදා භික්ෂූන් වහන්සේලා හිඟ වූ අවස්ථාවේදී, දෙවන පරාක්‍රමබාහු රජුගේ ආරාධනයෙන් තම්බ්‍රලිංග දේශයෙන් භික්ෂූන් වහන්සේලා ලංකාවට වැඩම කරවලා තියෙනවා

kingcapton said:

අපි අහල තිබුනෙ සියම් දේශය හා බුරුමය කියන පැරණි නම්.

Click to expand...

තම්බ්‍රලිංග කියන්නේ මුල් කාලයේදී තනිවම පැවතුණු නිදහස් රාජ්‍යයක්. ඒ නිසා ඒක මුලදී සියාම් (නැත්නම් වර්තමාන තායිලන්ත) දේශයට අයිති වෙලා තිබුණේ නැහැ. හැබැයි කාලයත් එක්ක මේ රාජ්‍යය සියාම් අධිරාජ්‍යයට යටත් වුණා. අද වෙනකොට මේ ප්‍රදේශය හඳුන්වන්නේ තායිලන්තයට අයිති නකොන් ශ්‍රී ධම්මරාජ් (Nakhon Si Thammarat) කියලායි.