මන්නාරම මුරුන්කන් රෝහලේ බංකු ලෑල්ලක් සේ යොදාගත් ඓතිහාසික සෙල්ලිපිය
මුරුන්කන් රෝහල් පරිශ්‍රයේ බංකුවක් ලෙස භාවිත කරමින් තිබී හමුවූ මෙම ඓතිහාසික පුවරු සෙල්ලිපිය, ශ්‍රී ලංකාවේ පුරාවිද්‍යා ක්ෂේත්‍රයේ සුවිශේෂී මෙන්ම විස්මයජනක අනාවරණයකි. සාමාන්‍යයෙන් රෝගීන්ගේ පහසුව සඳහා සිමෙන්ති කණු මත තබා තිබූ ගල් පුවරුවක් පිටුපස, වසර දහස් ගණනකට එපිට අනුරාධපුර රාජධානියේ අතීත උරුමය සැඟවී තිබීම සැබැවින්ම කුතුහලය දනවන අපූරු සොයාගැනීම කි.
ක්‍රිස්තු වර්ෂ 2 වන සියවසට (ක්‍රි.ව. 134-140) අයත් මහල්ලකනාග රජ සමයේ පිහිටුවන ලද මෙම සෙල්ලිපිය, මන්නාරම දිස්ත්‍රික්කයේ අතීත දේශපාලනික හා ආගමික පසුබිම වටහා ගැනීමට ලැබුණු ප්‍රබලතම සාක්ෂියකි. මන්නාරම් ප්‍රදේශයෙන් හමුවන බොහෝ සෙල්ලිපි 9 වන සහ 10 වන සියවස්වලට අයත් වන පසුබිමක, 2 වන සියවස තරම් මුල් යුගයකදී අනුරාධපුර මධ්‍යම රජයේ ආධිපත්‍යය හා පාලන බලය මන්නාරම දක්වා ව්‍යාප්තව පැවති බව තහවුරු කරන එකම ඓතිහාසික ලේඛනය වන්නේ ද මෙයයි.
පූර්ව බ්‍රාහ්මී අක්ෂර මාලාවෙන් සහ පැරණි සිංහල භාෂාවෙන් අඹා ඇති සෙල්ලිපිය මගින් එකල පැවති ආගමික හා කෘෂිකාර්මික පරිපාලනය පිළිබඳ වැදගත් තොරතුරු රැසක් අනාවරණය වේ. "හත" නමැති ප්‍රදේශයේ "කලහඛිලික" නම් විහාරය මහල්ලකනාග රජු ( ? මහා දාඨික මහානාග රජු ) විසින් කරවූ බවත්, "බොරනක" ගමට අයත් "නලහ" සහ "නලක" යන වැව්වලින් ලැබුණු ආදායම මෙම විහාරයට මෙන්ම "ඛකිණි" විහාරයට පූජා කළ බවත් එහි ඉතා පැහැදිලිව සටහන් කර ඇත.
සෙන්ටිමීටර 103ක දිගකින් සහ සෙන්ටිමීටර 56ක පළලකින් යුත් මෙම පුවරුව මුලින්ම මතුවන්නේ මුරුන්කන් රෝහල් භූමියේ වෛද්‍ය හා හෙද නිල නිවාස ඉදිකිරීම සඳහා භූමිය සුද්ධ පවිත්‍ර කිරීමේදීය. විශාල ගල් ටැම් සහ අතීත ගොඩනැගිලි නටබුන් අතර තිබී හමුවූ මෙය, පසුව පුරාවිද්‍යා දෙපාර්තමේන්තුවේ අවදානයට යොමු වන තෙක්ම රෝහලට පැමිණි රෝගීන්ට අසුන් ගැනීමට බංකුවක් ලෙස දීර්ඝ කාලයක් තිස්සේ භාවිත කර තිබිණි.
Kokila Withanathanthri
මුරුන්කන් රෝහල් පරිශ්‍රයේ බංකුවක් ලෙස භාවිත කරමින් තිබී හමුවූ මෙම ඓතිහාසික පුවරු සෙල්ලිපිය, ශ්‍රී ලංකාවේ පුරාවිද්‍යා ක්ෂේත්‍රයේ සුවිශේෂී මෙන්ම විස්මයජනක අනාවරණයකි. සාමාන්‍යයෙන් රෝගීන්ගේ පහසුව සඳහා සිමෙන්ති කණු මත තබා තිබූ ගල් පුවරුවක් පිටුපස, වසර දහස් ගණනකට එපිට අනුරාධපුර රාජධානියේ අතීත උරුමය සැඟවී තිබීම සැබැවින්ම කුතුහලය දනවන අපූරු සොයාගැනීම කි.
ක්‍රිස්තු වර්ෂ 2 වන සියවසට (ක්‍රි.ව. 134-140) අයත් මහල්ලකනාග රජ සමයේ පිහිටුවන ලද මෙම සෙල්ලිපිය, මන්නාරම දිස්ත්‍රික්කයේ අතීත දේශපාලනික හා ආගමික පසුබිම වටහා ගැනීමට ලැබුණු ප්‍රබලතම සාක්ෂියකි. මන්නාරම් ප්‍රදේශයෙන් හමුවන බොහෝ සෙල්ලිපි 9 වන සහ 10 වන සියවස්වලට අයත් වන පසුබිමක, 2 වන සියවස තරම් මුල් යුගයකදී අනුරාධපුර මධ්‍යම රජයේ ආධිපත්‍යය හා පාලන බලය මන්නාරම දක්වා ව්‍යාප්තව පැවති බව තහවුරු කරන එකම ඓතිහාසික ලේඛනය වන්නේ ද මෙයයි.
පූර්ව බ්‍රාහ්මී අක්ෂර මාලාවෙන් සහ පැරණි සිංහල භාෂාවෙන් අඹා ඇති සෙල්ලිපිය මගින් එකල පැවති ආගමික හා කෘෂිකාර්මික පරිපාලනය පිළිබඳ වැදගත් තොරතුරු රැසක් අනාවරණය වේ. "හත" නමැති ප්‍රදේශයේ "කලහඛිලික" නම් විහාරය මහල්ලකනාග රජු ( ? මහා දාඨික මහානාග රජු ) විසින් කරවූ බවත්, "බොරනක" ගමට අයත් "නලහ" සහ "නලක" යන වැව්වලින් ලැබුණු ආදායම මෙම විහාරයට මෙන්ම "ඛකිණි" විහාරයට පූජා කළ බවත් එහි ඉතා පැහැදිලිව සටහන් කර ඇත.
සෙන්ටිමීටර 103ක දිගකින් සහ සෙන්ටිමීටර 56ක පළලකින් යුත් මෙම පුවරුව මුලින්ම මතුවන්නේ මුරුන්කන් රෝහල් භූමියේ වෛද්‍ය හා හෙද නිල නිවාස ඉදිකිරීම සඳහා භූමිය සුද්ධ පවිත්‍ර කිරීමේදීය. විශාල ගල් ටැම් සහ අතීත ගොඩනැගිලි නටබුන් අතර තිබී හමුවූ මෙය, පසුව පුරාවිද්‍යා දෙපාර්තමේන්තුවේ අවදානයට යොමු වන තෙක්ම රෝහලට පැමිණි රෝගීන්ට අසුන් ගැනීමට බංකුවක් ලෙස දීර්ඝ කාලයක් තිස්සේ භාවිත කර තිබිණි.
Kokila Withanathanthri
