විදුලිය යන එන වෙලාවට ටීවී එකයි ෆ්‍රිජ් එකයි බේරගන්නේ කොහොමද? මෙන්න හේතු සහ විසඳුම් ⚡

මේ දවස්වල විදුලිය ගිහින් ආපහු එනකොට ගොඩක් අයගේ ටීවී එක, ෆ්‍රිජ් එක, රවුටරේ වගේ දේවල් පිච්චිලා යනවා කියලා අහන්න ලැබෙනවා. පොඩි දේවල් ටිකක් කරොත් ඒ හානිය ගොඩක් අඩු කරගන්න පුළුවන්.

1. විදුලිය ගිය ගමන් ටීවී එකයි ෆ්‍රිජ් එකයි ප්ලග් එකෙන් ගලවන්න, නැත්නම් ස්විච් එක ඕෆ් කරලා තියන්න. ආපහු එන පළවෙනි ටිකේ කරන්ට් එක අඩු වැඩි වෙන්න පුළුවන්.

2. විදුලිය ආපහු ආවට පස්සේ විනාඩි 5ක් විතර ඉඳලා තමයි ෆ්‍රිජ් එකයි ටීවී එකයි ආපහු ඔන් කරන්න. එතකොට කරන්ට් එක සාමාන්‍ය ගාණට ඇවිත් තියෙයි.

3. ටීවී එකටයි රවුටරේටයි හොඳ සර්ජ් ප්‍රොටෙක්ටර් එකක් දාන්න. ගාණ පොඩ්ඩක් වැඩි වුණත් පිච්චෙනවට වඩා ඒක ලාබයි.

4. ෆ්‍රිජ් එකට වෝල්ටේජ් ගාඩ් එකක් දාන්න. කරන්ට් එක වැඩි වුණොත් හරි අඩු වුණොත් හරි ඒකෙන් ෆ්‍රිජ් එක නවත්තලා පරිස්සම් කරනවා.

5. රවුටරේටයි ලැප්ටොප් එකටයි පොඩි යූපීඑස් එකක් තිබ්බොත් විදුලිය ගියත් එක පාරටම ඕෆ් වෙන්නේ නෑ, වැඩේ ඉවර කරලා හෙමින් ඕෆ් කරන්න පුළුවන්.

6. ලූස් වෙලා තියෙන ප්ලග් පොයින්ට්, දිරපු වයර් තියෙනවා නම් ඒවා ඉක්මනට හදාගන්න. විදුලිය යන එන වෙලාවට මුලින්ම අවුල යන්නේ එතනින්.

7. අකුණු ගහන වෙලාවට නම් ප්ලග් ඔක්කොම ගලවලා දාන එක තමයි හොඳම දේ. සර්ජ් ප්‍රොටෙක්ටර් එකටත් අකුණක් දරාගන්න අමාරුයි.

ඔයාලටත් මේ වගේ ප්‍රශ්නයක් තියෙනවා නම් මෙතන දාන්න, මම දන්න විදියට උත්තර දෙන්න බලන්නම්. දන්න අයත් ඔයාලගේ අදහස් දාන්න, හැමෝටම ඒක උදව්වක් වෙයි.

weere_singhe මචං, DB බොක්ස් එකටම හයි කරන්න පුළුවන් over/under voltage protector එකයි surge protector එකයි දෙකම තියෙනවා. හොඳ බ්‍රෑන්ඩ් එකකින් බලලා, හරි electrician කෙනෙක්ට කියලා earth එකත් check කරගෙනම හයි කරගන්න. ෆ්‍රිජ් එක නිවි නිවී පත්තු වෙන අවුලට නම් delay timer එක තියෙන fridge guard එකක් දාන්න, කරන්ට් එක ආවත් විනාඩි 3-5ක් යනකන් compressor එක on වෙන්නේ නෑ, එතකොට ෆ්‍රිජ් එකට වෙන හානිය ගොඩක් අඩු වෙනවා.