2010/01/26 දිවයින කතුවැකිය
අද දවස
ත්රස්තවාදය මුලිනුපුටා දැමීමෙන් පසුව පැවැත්වෙන ප්රථම ජාතික මැතිවරණය අදට යෙදී තිබේ. ඇත්තෙන්ම මෙය මැතිවරණයක් නොව ජනාධිපතිවරණයකි. ජනාධිපතිවරණ, නිලවරණ සහ මැතිවරණ හැඳින්වීමට Election යනුවෙන් පොදු වචනයක් ඉංග්රිසියෙන් ඇතත් වඩාත් විවිධාංගිකරණය වූ භාෂාවක් වන සිංහලයට එවැනි පොදු වදනක් නැති. එය අඩුපාඩුවක් නොව සිංහලයෙහි ඇති පුළුල්භාවය විදහා දක්වන්නකි. භාෂාව ගැන වෙන දවසක කතා කරමු. අද අපේ මාතෘකාව ජනාධිපතිවරණය ය.
අප දන්නා එකම දවස අද දවස ය. ඊයේ දවස ගෙවී ගිය අතර නොදන්නා හෙට දවස එළැඹෙන තෙක් අපි අද දවස තුළ ජීවත් වෙමු. හෙට දවසේ යහ සාධනය පිණිස අද දවස තුළ අප කරන කියන දේ වැදගත් ය. ශ්රී ලංකාවේ හය වැනි ජනාධිපතිවරණය අද පැවැත්වේ. ඡේ. ආර්. ජයවර්ධන විසින් හඳුන්වා දෙන ලද මැතිවරණ ක්රමය තුළ ආර්. ප්රේමදාස මහතා බඳු අකාලයේ මියගිය කෙනකු හැර අන් හැම දෙනාම වාර දෙකක් සම්පූර්ණ කළහ. ජනාධිපති මහින්ද රාජපක්ෂ අද මුහුණ දෙන්නේ එකී දෙවන වාරයට ය. මෙපමණ අවධානයට ලක් වූ ජනාධිපතිවරණයක් හෝ අන් කිසිදු මැතිවරණයක් ලංකා ඉතිහාසයේ තිබී නැත. මේ ජනාධිපතිවරණය සඳහා දේශපාලනඥයන්ද ජනමාධ්ය ද මහජනයාද උනන්දු වූයේ ලෝකයේ පැවැත්වෙන අවසාන මැතිවරණය මෙය විය හැකි බව සලකා ය. ප්රචණ්ඩ ක්රියා බහුල නොවුවද පූර්ව මැතිවරණ ප්රචාරක ව්යාපාරය මඩ කුණු සහ අපවාදවලින් ගහන විය. ඇතැම් වගකිවයුතු අපේක්ෂකයකු කතා කළ ආකාරය ඉතා පහත් විය. මනුෂ්යයා සිය මානසිකත්වය තුළ රෙජිමේන්තුගත විය යුතු නැත. හේ නිදහසේ සිතන, අපහාසයට කන්දී තර්කානුකූලව එයට පිළිතුරු සපයන කෙනකු විය යුතුය. අනාගත නායකත්වය යනු රටේ හා ජාතියේ අනාගතය තීරණය කරන මහඟු සාධකයකි. කිසිම අපේක්ෂකයකුට පරමාදර්ශී විය නොහැක. එහෙත් අවම වශයෙන් ඔවුනට ආදර්ශවත් විය හැකිය.
ත්රස්තවාදය මුලිනුපුටා දැමීමෙන් පසු රාජ්ය බලය උදෙසා පැවැත්වෙන පළමු වන තරගය මෙය බව අපි මෙහි මුලදීම සඳහන් කළෙමු. ත්රස්තවාදය උපුටා දැමුවාට බෙදුම්වාදය උපුටා දැමීමට හැකිවී ද යන කාරණය ගැන මෙහිදී සලකා බැලිය යුතුව තිබේ. ත්රස්තවාදය නැතත් බෙදුම්වාදය දුර්වලව හා සන්සුන්ව, එහෙත් හැකි ඕනෑම විටෙක නැගී සිටීමට සූදානමින් සැඟව පවතී. අවශ්ය වන්නේ සුළු අත දීමක් පමණි. උතුරු නැගෙනහිර එක් කිරීම, දෙමළ ත්රස්තවාදීන් සිහි කිරීම සඳහා විනාඩි පහක් නිශ්ශබ්දව සිටීම වැනි ඕනෑම කාරණයක් මෙවැනි අත දීමක් වන්නේය. මේ රටේ මීළඟ නායකයා දෙමළ ජනයාගේ ප්රශ්නයට විසඳුමක් සෙවිය යුතුමය. ජනාධිපති රාජපක්ෂ මේ රට ද සියලු ජාතීන්ද ත්රස්තවාදයෙන් නිදහස් කර දුන්නේය. දැන් ඉතිරිව ඇත්තේ දේශපාලන විසඳුම පමණි. සංවර්ධනය ගැන අමුතුවෙන් කතා කළ යුතු නැත්තේ යුද්ධය කිරීමත් රටේ සංවර්ධනයත් එකිනෙකට සමගාමීව ක්රියාත්මක වූ බැවිනි. ඉදිරියෙහි ඇති එකම තර්ජනය බෙදුම්වාදය යළි හට ගැනීමට ඇති ඉඩකඩ බව අවධාරණය කරමු. කිසිවෙක් උතුරු නැගෙනහිර එක් කිරීම, උතුරට හෝ නැගෙනහිරට ස්වයංපාලන බලතල පමණ ඉක්මවා ලබා දීම, එල්. ටී. ටී. ඊ. ය යළි පණගැන්වීමට උදව් කිරීම වැනි ඊළාම්වාදී ක්රියාපිළිවෙත් අනුගමනය කරන්නට සූදානම් වන්නේ ද, ඔහු වහා පිටුදැකිය යුතුය. බෙදුම්වාදයටත් ත්රස්තවාදයටත් ඒකාධිපතිත්වයටත් එරෙහිව ජනාධිපතිවරුන් කිහිප දෙනකුම සමග මේ පුවත්පත ගැටුණේය. ඉදිරියටත් එසේමය. ප්රජාතන්ත්රවාදය දිනේවා!
අද දවස
ත්රස්තවාදය මුලිනුපුටා දැමීමෙන් පසුව පැවැත්වෙන ප්රථම ජාතික මැතිවරණය අදට යෙදී තිබේ. ඇත්තෙන්ම මෙය මැතිවරණයක් නොව ජනාධිපතිවරණයකි. ජනාධිපතිවරණ, නිලවරණ සහ මැතිවරණ හැඳින්වීමට Election යනුවෙන් පොදු වචනයක් ඉංග්රිසියෙන් ඇතත් වඩාත් විවිධාංගිකරණය වූ භාෂාවක් වන සිංහලයට එවැනි පොදු වදනක් නැති. එය අඩුපාඩුවක් නොව සිංහලයෙහි ඇති පුළුල්භාවය විදහා දක්වන්නකි. භාෂාව ගැන වෙන දවසක කතා කරමු. අද අපේ මාතෘකාව ජනාධිපතිවරණය ය.
අප දන්නා එකම දවස අද දවස ය. ඊයේ දවස ගෙවී ගිය අතර නොදන්නා හෙට දවස එළැඹෙන තෙක් අපි අද දවස තුළ ජීවත් වෙමු. හෙට දවසේ යහ සාධනය පිණිස අද දවස තුළ අප කරන කියන දේ වැදගත් ය. ශ්රී ලංකාවේ හය වැනි ජනාධිපතිවරණය අද පැවැත්වේ. ඡේ. ආර්. ජයවර්ධන විසින් හඳුන්වා දෙන ලද මැතිවරණ ක්රමය තුළ ආර්. ප්රේමදාස මහතා බඳු අකාලයේ මියගිය කෙනකු හැර අන් හැම දෙනාම වාර දෙකක් සම්පූර්ණ කළහ. ජනාධිපති මහින්ද රාජපක්ෂ අද මුහුණ දෙන්නේ එකී දෙවන වාරයට ය. මෙපමණ අවධානයට ලක් වූ ජනාධිපතිවරණයක් හෝ අන් කිසිදු මැතිවරණයක් ලංකා ඉතිහාසයේ තිබී නැත. මේ ජනාධිපතිවරණය සඳහා දේශපාලනඥයන්ද ජනමාධ්ය ද මහජනයාද උනන්දු වූයේ ලෝකයේ පැවැත්වෙන අවසාන මැතිවරණය මෙය විය හැකි බව සලකා ය. ප්රචණ්ඩ ක්රියා බහුල නොවුවද පූර්ව මැතිවරණ ප්රචාරක ව්යාපාරය මඩ කුණු සහ අපවාදවලින් ගහන විය. ඇතැම් වගකිවයුතු අපේක්ෂකයකු කතා කළ ආකාරය ඉතා පහත් විය. මනුෂ්යයා සිය මානසිකත්වය තුළ රෙජිමේන්තුගත විය යුතු නැත. හේ නිදහසේ සිතන, අපහාසයට කන්දී තර්කානුකූලව එයට පිළිතුරු සපයන කෙනකු විය යුතුය. අනාගත නායකත්වය යනු රටේ හා ජාතියේ අනාගතය තීරණය කරන මහඟු සාධකයකි. කිසිම අපේක්ෂකයකුට පරමාදර්ශී විය නොහැක. එහෙත් අවම වශයෙන් ඔවුනට ආදර්ශවත් විය හැකිය.
ත්රස්තවාදය මුලිනුපුටා දැමීමෙන් පසු රාජ්ය බලය උදෙසා පැවැත්වෙන පළමු වන තරගය මෙය බව අපි මෙහි මුලදීම සඳහන් කළෙමු. ත්රස්තවාදය උපුටා දැමුවාට බෙදුම්වාදය උපුටා දැමීමට හැකිවී ද යන කාරණය ගැන මෙහිදී සලකා බැලිය යුතුව තිබේ. ත්රස්තවාදය නැතත් බෙදුම්වාදය දුර්වලව හා සන්සුන්ව, එහෙත් හැකි ඕනෑම විටෙක නැගී සිටීමට සූදානමින් සැඟව පවතී. අවශ්ය වන්නේ සුළු අත දීමක් පමණි. උතුරු නැගෙනහිර එක් කිරීම, දෙමළ ත්රස්තවාදීන් සිහි කිරීම සඳහා විනාඩි පහක් නිශ්ශබ්දව සිටීම වැනි ඕනෑම කාරණයක් මෙවැනි අත දීමක් වන්නේය. මේ රටේ මීළඟ නායකයා දෙමළ ජනයාගේ ප්රශ්නයට විසඳුමක් සෙවිය යුතුමය. ජනාධිපති රාජපක්ෂ මේ රට ද සියලු ජාතීන්ද ත්රස්තවාදයෙන් නිදහස් කර දුන්නේය. දැන් ඉතිරිව ඇත්තේ දේශපාලන විසඳුම පමණි. සංවර්ධනය ගැන අමුතුවෙන් කතා කළ යුතු නැත්තේ යුද්ධය කිරීමත් රටේ සංවර්ධනයත් එකිනෙකට සමගාමීව ක්රියාත්මක වූ බැවිනි. ඉදිරියෙහි ඇති එකම තර්ජනය බෙදුම්වාදය යළි හට ගැනීමට ඇති ඉඩකඩ බව අවධාරණය කරමු. කිසිවෙක් උතුරු නැගෙනහිර එක් කිරීම, උතුරට හෝ නැගෙනහිරට ස්වයංපාලන බලතල පමණ ඉක්මවා ලබා දීම, එල්. ටී. ටී. ඊ. ය යළි පණගැන්වීමට උදව් කිරීම වැනි ඊළාම්වාදී ක්රියාපිළිවෙත් අනුගමනය කරන්නට සූදානම් වන්නේ ද, ඔහු වහා පිටුදැකිය යුතුය. බෙදුම්වාදයටත් ත්රස්තවාදයටත් ඒකාධිපතිත්වයටත් එරෙහිව ජනාධිපතිවරුන් කිහිප දෙනකුම සමග මේ පුවත්පත ගැටුණේය. ඉදිරියටත් එසේමය. ප්රජාතන්ත්රවාදය දිනේවා!
