අන්තර් විශ්වවිද්යාල පොන්න බල මණ්ඩලය - Iupf
"අපිව කැම්පස් වලට දාලා ඊට පස්සෙ රැකියා නෑ කියන්න උඹලට තියෙන අයිතිය මොකක්ද?"
පසුගිය 11 වැනිදා රැකියා විරහිත උපාධිධාරීන් පැලවත්තේ පැවැත්වූ විරෝධතාව අතර මේ සහෝදරිය මේ වන විට සමාජ මාධ්ය තුළ වයිරල් වී තිබේ. එසේම ඇයට ලැබෙන ප්රතිචාර බොහොමයක සාරය වී ඇත්තේ ලිංගික ඊර්ෂ්යාව සහ කුහකකම බවත් පැහැදිලිය. මානසික ලෙඩවලට අපට ප්රතිකාර දිය නොහැකි හෙයින් අපි මේ උද්ඝෝෂණය ගැන පළ වූ සමහර අදහස් කීපයක් විමසා බලමු.
මෙය ධනවාදය විසින් ඔළුවලට කා වද්දන ලද අදහසකි. රැකියාව යනු මානව අයිතියකි. මිනිසකු ලෙස උපත ලබන ඕනෑම අයෙකුට ගෞරවාන්විත ජීවිතයක් ගෙවීමට සුදුසු රැකියාවක් ලැබීමේ අයිතියක් ඇති අතර එය විශ්වීය මානව හිමිකම් ප්රකාශනය විසින්ද පිළිගෙන තිබේ. රැකියාව අයිතියක් යැයි අප කියන්නේ ජවිපෙ, පෙසප හෝ වෙන යම් පක්ෂයක මතවාද අනුව යමින් නොවන බවත්, රැකියාව අයිතියක් යැයි කී විට ඊට සිනාසෙන අය සිනාසෙන්නේ විශ්වීය මානව හිමිකම් ප්රකාශනයට බවත් අවධාරණය කරමු.
පෞද්ගලික ව්යාපාර යනු ලාභය උපරිම කරගැනීම පරමාර්ථය කරගත් ධනේශ්වර උපකරණ මිස, ජීවත්වීමට ගෞරවාන්විත වැටුපක් ලබාදීමේ ලා සමත් ආයතන නොවන බව මේ වන විට ලෝක මට්ටමේ පවා පිළිගෙන තිබේ. කුප්රකට බිලියනපති ජෙෆ් බෙසොස්ට හිමි ඇමසෝන් සමාගමේ සේවකයන්ට මුත්රා කිරීමට පවා නිවාඩුවක් නොදෙන හෙයින් ඔවුන් කොකා කෝලා බෝතල්වලට මුත්රා කළ පුවත සිහියට ගන්න. පෞද්ගලික ව්යවසායෙහි සැබෑ මුහුණුවර එයයි. ලංකාවේ කම්කරු නීති තිබියදී පවා ඒවා අමු අමුවා උල්ලංඝණය කරන නිදහස් වෙළද කලාප වල සහොදරියන් විඳින දුක් කම්කටොළු අප දන්නෙමු. අවම වශයෙන් ඔසප් දිනයට හෝ නිවාඩුවක් ගැනීමට අයිතියක් නැත. මේ සියල්ල පවතින්නේ කම්කරු නීති මතය. කම්කරු නීති යනු ධනේශ්වරයට අවශ්ය වෙලාවට අහෝසි කළ හැකි කඩදාසි පමණකි. වසර 13ක අධ්යාපනය සහ වසර 4ක උපාධිය තුළ අනෙකවිධ කම්කටොළු මැද විභාග සිය ගණන් ලියා උපාධිය ලැබූ පසු ඔවුන්ගේ ඉරණම විය යුත්තේ කවුරුන් හෝ මුදලාලි කෙනෙකු පෝසත් කරවීම නොවේ.
මෙය අපේ වරදක් නොවේ. රැකියා හැදීම රජයේ වැඩකි. දැනටත් ගුරු පුරප්පාඩු පමණක් 60,000කට ආසන්නව තිබේ. ඒවාට බඳවාගැනීමට කිසිදු බාධාවක් නැත. එහෙත් රජය තැත් කරන්නේ පාසල් වසා දමා ගුරුවරුන් ගෙදර යැවීමටය. පුරප්පාඩු තිබේ නම් රැකියා නෑ කියන්නේ කෙසේද? පුරප්පාඩු නැතිනම් අලුතෙන් පුරප්පාඩු නිර්මාණය කළ නොහැකිද? ආණ්ඩුවට මුදල් නැතිවීම අපේ වරදක් වන්නේ කෙසේද?
(දෙවනි කොටස හෙට)
See less
මුන් දුවන්නේ
Rag එකෙන් + රජයේ දේවල් වලට ගෑවුන (රජයට සම්බන්ද ආයතන බැංකු සංස්ථා පවා ) වෘතීය සමිති පිහිටෙන්
පොඩි උන් බලෙන් අරන් එන්නේ උධ්ගෝෂණ වලට Rag එක පිහිටෙන්
තව වෘතීය සමිති පිහිටෙන්
වෘතීය සමිති වල (හැම පක්ෂේකම වෘතීය සමිති වල උන් ජෙපි ,නිල්(+පොහොට්ටු ) ,කොළ ) උන් තමයි රජයේ ආයතන + රජයේ බැංකු + සංස්ථ වල transfer & උසස් වීම් දෙන office ඇතුලේ බලේ අල්ලාගෙන ඉන්නේ .
99% රජයේ (රජයට සම්බන්ද ආයතන බැංකු සංස්ථා පවා ) රස්සා කරන උන්ට ,
කැමති උනත් අකමැති උනත් වෘතීය සමිති වලට join වෙන්න වෙනවා ,වෘතීය සමිති strike වලට සහභගි වෙන්න වෙනවා ,
නැත් නම් transfer & උසස් වීම් ගන්න ලේසි නැහැ
Last edited:
