තම ආත්ම ලාභය තකා රට විකුණන් කන මැදමූලන රාජපක්ෂලාට ආණ්ඩුව තුල සිටින අනෙකුත් ශ්රීලනිප නායකයන් රැවටීම නිමා වී තිබේ. රාජපක්ෂලාට තිබූ ගෞරවය අහෝසි වී තිබේ. මේ බව සනිටුහන් කරමින් අද නුවර බැසිල් රාජපක්ෂගේ මූලිකත්වයෙන් පැවැති සංවර්ධන රැස්වීමට සහභාගී වූයේ එක් ඇමැතිවරයෙක් පමණි. එනම් අර්ල් ගුණසේකර පමණි. දිස්ත්රික්කයේ අනෙකුත් ඇමැතිවරුන් වන මහින්දානන්ද, එස්.බී., සරත් අමුණුගම, කෙහෙලිය ආදී කිසිවෙක් සහභාගී වූයේ නැත. මන්ත්රීවරුන් ලෙස සහභාගී වූයේ ද ලොහාන්, එරික් සහ දිලූම් පමණි. පළාත් සභා මන්ත්රී වරුන් ද සහභාගී වී සිටියේ 7 දෙනෙකු පමණි. සංවර්ධනයට යයි කියා බැසිල් මුදල් ඛෙදන රැස්වීමක් වීද මෙපමණ සුළු පිරිසක් සහභාගී වීමෙන් පෙන්නුම් කරන්නේ මැදමූලන රාජපක්ෂලා ආණ්ඩුවෙන්ම කොන්වීමේ බරපතල ඛේදවාචකය යැයි සහභාගී වූ ශ්රිලනිප සාමාජිකයෙක් ලංකා ඊ නිව්ස් වෙත පැවසීය.
මෙවැනිම සිදුවීමකට බැසිල් රාජපක්ෂ සති දෙකකට පමණ පෙර දඹුල්ලේදී ද මුහුණ දුන්නේය. එදින ඔහු කොළඹ සිට හෙලිකොප්ටරයකින් දඹුල්ලට ගියේය. ඔහු පිලිගැනීමට කිසිදු ඇමැතිවරයෙක් පැමිණ සිටියේ නැත. මේ ගැන කිපුණු බැසිල් පැමිණ සිටි පිරිසට දොස් කීවේය. විශේෂයෙන්ම දඹුල්ලේ ඇමැති ජනක බණ්ඩාර තමා පිලිගැනීමට එහි නොපැමිණීම ගැන දොස් කීවේය. නමුත් එහි සිටි කටකාර පැරණි ශ්රීලනිප සාමාජිකයෙක් බැසිල්ගේ මුහුණටම කීවේ ජනක බණ්ඩාර බැසිල්ට වඩා ජ්යෙෂ්ඨ ඇමැතිවරයෙක් බැවින් හරිනම් ඔබතුමා ඔහු හමුවීමට යනවා මිස ජනක බණ්ඩාර ඔබව පිලිගැනීමට නොපැමිණීම වරදක් නොවන බවයි. පැරණි ශ්රීලනිප ජ්යෙෂ්ඨයාගේ එම පිළිතුරෙන් බැසිල්ගේ මුහුණ කළු වී තොල් ඇඹරී ගියේ ය. මෙය අසා සිටි තවත් අයෙක් පසුව කීවේ ජනකලා ඇමැතිකම් කරද්දී බැසිල්ලා ඇමරිකාවේ පැට්රල් ගහමින් සිටි අතර අයියා ජනාධිපති වීමෙන් පසුව හෙලිකොප්ටරයෙන් ඇවිත් ලොකුකම් පෙන්වන්න එනවා කියා ය. එම සිදුවීමෙන්ද පෙන්නුම් කෙළේ රාජපක්ෂලාට ආණ්ඩුව තුල තිඛෙන පිළිගැනීම දැන් නිමා වෙමින් පවතින බවත් මුහුණටම විරෝධය පෑම සිදුකරන බවත් ය. ජඩමාධ්ය මගින් මේ දේවල් හෙළි නොකිරීම නිසා රාජපක්ෂලා තවමත් වීරයන් යැයි ජනතාව සිතා සිටිති.
DAT AZ 
