Kaveesha Nadun Kaggodaarachchi
ඔබ දුප්පත් ද පොහොසත් ද?
"මගේ දියණියට දිළිඳු පුද්ගලයෙක් හා විවාහ වෙන්නට බැහැ" එසේ පවසන්නේ ලොව අංක එකේ ධනවතෙකු වෙන බිල් ගේට්ස්.
මීට වසර කිහිපයකට පෙර එක්සත් ජනපදයේ පැවති මූල්ය ආයෝජන ගැන සම්මන්ත්රණයක දී එහි ආරාධිත කථිකයෙක් ලෙස සහභාගී වූ බිල් ගේට්ස්ගෙන් කෙනෙක් ඇසුවේ හාස්යයජනක ප්රශ්නයක්.
ඒ තමයි, ලෝකයේ ධනවත්ම මිනිසා වෙන ඔහු, තම දියණිය දිළිඳු, සාමාන්යය කෙනෙක් හා විවාහවීම පිළිගන්නවා ද කියලා.
ඔහුගේ පිළිතුර සෑම කෙනෙක් තුළම විශේෂ වෙනසක් ඇතිකරන්නට හේතු වුනා.
බිල් -
මුලින්ම තේරුම්ගන්න ඕනේ දේ තමයි ධනය කියන්නේ ලොකු බැංකු ගිණුමක් නෙමෙයි කියන එක. ධනය කියන්නේ මූලිකවම ධනය නිපදවන්න ඇති හැකියාව.
උදාහරණයකට ලොතරැයි දිනුමක් හරි සූදුවෙන් හරි ලොකු මුදලක් දිනන කෙනෙක් ගන්න. ඔහු මිලියන 100 ක් දිනුවත් ධනවතෙක් නෙමෙයි: ඔහු මුදල් ගොඩක් ඇති දුප්පතෙක්. මේ නිසා තමයි ලොතරැයි දිනුම් හිමියන්ගෙන් 90% ක්ම ඉන් වසර පහක් ඇතුලත කඩා වැටුන ආර්ථිකයකට හිමිකම් කියන්නේ.
තව ඉන්නවා ධනවත් මිනිස්සු. හැබැයි ඔවුන්ට මුදල් නැහැ.
හොඳම උදාහරණ තමයි බහුතරයක් ව්යවසායකයෝ. ඔවුන් දැනටමත් ධනයට පාර හොයාගෙන ඉන්න අය. මුදල් නැතත් ඔවුන් මූල්යය දැනුමෙන් පොහොසත්. අන්න ඒකයි නියම ධනවත් බව කියන්නේ.
එතකොට ධනවතා සහ දිළින්ඳා එකිනෙකාගෙන් වෙනස්වෙන්නේ කොහොමද?
සරලවම ධනවතා ධනවත්වීම සඳහා මියයන්නට සූදානම් අතරේ දුප්පතා ධනවත්වීමට මිනීමරන්නට සූදානම්.
අලුත් දේවල් ඉගෙනගන්න, පුහුණුවෙන්න, නිරන්තරයෙන් තමන්ව වැඩි දියුණු කරන්න උත්සාහ කරන තරුණ කෙනෙක් දුටුවාම - විශ්වාස කරන්න, ඔබ ඒ දකින්නේ ධනවතෙක්.
රජයට බැන බැන, සියලු ධනවත්තු හොරු යැයි කියමින් වටේම ඉන්නා අයට දොස්දෙවොල් තබන තරුණ පුද්ගලයෙක් එහි අනිත් පැත්ත! ඔහු දිළින්දෙක්.
විධිමත් තොරතුරු සහ පුහුණුව තමන්ව ඉහළට නංවන බව ධනවතා හිතන අතරේ දුප්පතා හිතන්නේ ඔහුට ඉහළ යන්න නම් අනිත් අය ඔහුට ඒවා සැපයිය යුතු බවයි.
ඉතින්, මගේ දුව දිළින්ඳෙක් හා විවාහ වෙන එකට මම අකැමැති වෙන්නේ කිසිසේත්ම මුදල් නිසා නෙමෙයි. මම කතාකරන්නේ ධනය නිපදවන්න ඔහු තුල ඇති හැකියාව ගැනයි.
මෙහෙම කියනවාට සමාවෙන්න. ඒත් ගොඩක් අපරාධකරුවෝ දුප්පතුන්. මුදල් ඉදිරියේ ඔවුන් උමතු වෙනවා. ඒ නිසා තමයි ඔවුන් හොරකමට පෙළඹෙන්නේ. ඔවුන්ට එය පුදුම සතුටක්, ඇයි ඉතින් තමන්ගේ මහන්සියෙන් ධනය උපයන්න ඔවුන් දන්නේ නැහැ නේ!
එක දවසක්, බැංකුවක ආරක්ෂක නිළධාරියෙක්ට මුදල් පිරුණු බෑගයක් හම්බවුනා. ඔහු ඒක බැංකු කළමනාකරුට භාරදුන්නා.
ගොඩක් අය ඔහු මෝඩයෙක් කියලා හිතුවා. ඒත් ඇත්ත කතාව නම් ඔහු මුදල් අත නැති ධනවතෙක්.
ඉන් වසරකට පස්සේ ඔහුට ඒ බැංකුවේම පිළිගැනීමේ නිලධාරියෙක් හැටියට වැඩකරන්න ලැබුණා. තෙවසරකින් ඔහු පාරිභෝගික කළමනාකාර ධුරයටත්, එයිනුදු දස වසරකින් ප්රාදේශීය කළමනාකරුවෙක් හැටියටත් සේවානියුක්තිකයින් සිය ගණනක් තමන් යටතේ අපූරුවට කළමනාකරණය කරනවා. දන්නවා ද ඔහුගේ වාර්ෂික බෝනස් මුදලේ අගය? එය ඔහු අර භාරදුන්න මුදල් ප්රමාණයට වඩා විශාලයි!
ඉතින්, ධනය කියන්නේ නිවැරදිව හිතන මනසට!
- newsbreak.ng හි උපුටාගැනීමක සිංහල අනුවර්තනයකි -
Handmade Character Soft Toy Bluey Bingo
Colombo Dahua POE Switch 8 Ports (DH-PFS3010-8ET-65)
Dating Website & Online Chat Room
