කටුනායකට කඩා වැටුන අයිස්ලන්ත ගුවන් යානය

[1sam]

ලෑන්ඩ් කරන පැත්ත. කලපුව පැත්තෙන් රන්වේ 04, කිඹුලාපිටිය පැත්තෙන් රන්වේ 22. ඕක හුළඟ හමන පැත්ත අනුව ලෑන්ඩ් ඇන්ඩ් ටේක් ඕෆ් කරනවා. ලෑන්ඩ් කරන්නේ 04 නං ටේක් ඕෆ් කරන්නේ 22 පැත්තට. ටේක් ඕෆ් කරන්නේ කලපුව පැත්තට නං 04 ලෑන්ඩ් කරන්නේ 22 පැත්තෙන්. ඕක මාළිමාව හැටියට තමයි හැදෙන්නේ

මේ යානය කඩා වැටුනේ කිඹුලාපිටියටයි. ඒ කියන්නේ 22 රනවේ එක පාවිච්චි කරන්න හිතාගෙන තමයි පහතට ඇවිත් තියෙන්නේ.

 

[elajani]

කටුනායකට කඩා වැටුන අයිස්ලන්ත ගුවන් යානය

"කන්දේ හැපුන මහ වනන්තරේ ඩී සී අට අහස් යන්තරේ " ඇන්ටන් ජෝන්ස් මහත්තයා ගායනා කරන මේ ජනප්‍රිය ගීතය අපි කවුරුත් අහල තියෙනවා . ලංකා ඉතිහාසය වෙච්ච දරුණුතම ගුවන් අනතුර ගැනයි මේ ගීතයෙන් කියවෙන්නේ. හැබැයි ලංකාවේ කඩා වැටිච්ච එකම ඩග්ලස් DC -8 ගුවන් යානය 1974 දෙසැම්බර් මාසේ 4 වෙනිදා මස්කෙළියේ සප්ත කන්‍යා කඳුවැටියේ හැපිලා විනාශ වෙච්ච ඩග්ලස් DC -8 ගුවන්යානය විතරක් නෙමෙයි . ඊට අවුරුදු 4 ට විතර පස්සෙ තවත් මාරක් ගුවන් අනතුරක් ලංකාවේ සිද්ධ වුණා. සප්තකන්‍යා ගුවන් අනතුර තරම්ම මිනිසුන්ට මතක නැති මේ ගුවන් අනතුර ගැන ගැනයි අද කතාව .

කුලියට ගත් ගුවන් යානය

ඉන්දුනීසියාවෙ ක්‍රියාත්මක වෙච්ච ගුවන් සමාගමක් වෙච්ච Garuda Indonesia ගුවන් සමාගම විසින් අයිස්ලන්තයේ ක්‍රියාත්මක වෙච්ච පෞද්ගලික ගුවන් සේවයක් වන Icelandic air line සමාගමෙන් ඩග්ලස් DC- 8 වර්ගයේ ගුවන් යානයක් කුලියට ගන්නේ හජ් වන්දනා සමයට බැතිමතුන් ප්‍රවාහනය කරන්නයි. යානය කුලියට ගන්න කොට යානයේ කාර්ය මණ්ඩලය 13 දෙනත් යානය එක්කම ඉන්දුනීසියාවට එනවා .

සෞදියෙන් ඇරඹුණු ගමන

1978 නොවැම්බර් මාසේ 15 වෙනිදා හජ් වන්දනාව ඉවරකරපු ඉන්දුනීසියානු ඉස්ලාමීය භක්තිකයන් 249 දෙනෙක් සවුදි අරාබියේ ජෙඩා ගුවන්තොටුපොළෙන් LL 001 ලෙස නම් කරපු ගුවන් යානයට ගොඩ වන්නේ තමුන්ගේ මව්රට වෙච්ච ඉන්දුනීසියාවේ සුරබායා ගුවන් තොටුපොළට ළඟා වෙන්න හිතාගෙනයි. මෙහෙම පිටත් වෙච්ච ගුවන් යානය ශ්‍රී ලංකාවේ කටුනායක ගුවන් තොටුපළට ගොඩ බස්සන්න සැලසුම් කරල තිබ්බේ යානයට ඕන කරන ඉන්ධන ලබා ගන්නත් කාර්ය මණ්ඩලයට විවේකයක් ලබා ගන්නත් හිතාගෙන .

කටුනායකට ළඟා වෙයි

රාත්‍රී 11ට විතර වෙනකොට ගුවන් යානය ලංකාවේ ගුවන් සීමාවට ඇතුළු වෙලා කටුනායක බණ්ඩාරනායක ගුවන් තොටුපොළට ළඟා වෙමින් හිටියේ. එනකොටත් කටුනායක අවට තද වර්ෂාවක් එක්ක සැර සුළඟ තිබුණා. ගුවන් යානය ඇමතු කටුනායක ගුවන් පාලක මධ්‍යස්ථානය කියා සිටියේ ගුවන් යානයට ගොඩ බස්සන්න ගුවන් පට අංක 4 සූදානම් කරලා ඉවරයි කියලා. නමුත් ගුවන් යානයේ නියමුවන් කටුනායක ගුවන් පාලක මධ්‍යස්ථානයෙන් ඉල්ලීමක් කරනවා ඒගොල්ලන්ට ගුවන් පත් අංක 22 යානයක් ගොඩ බස්සන ඕන කියලා . ඒ ඉල්ලීමට අවසර දුන්න ගුවන් පාලක මධ්‍යස්ථානය යානය ගොඩබැස්සවීමට අවශ්‍ය උපදෙස් ගුවන් නියමුවන්ට ලබා දුන්නා .

ගොඩ බාන්න නොමද සහාය

රත්‍රි11. 06 විතර යානය ඇමතු ගුවන් පාලක මධ්‍යස්ථානය යානය අඩි 2000 වෙනකම් පහත් කරන්න කියලා ගුවන් නියමුවන්ට උපදෙස් ලබා දුන්නා . එහි උපදෙස් වලට අවනත වෙච්ච ගුවන් නියමුවන් යානය අඩි 2000 දක්වා පහත් කළා. විටින්විට යානය ඇමතුම් ගුවන් පාලක මධ්‍යස්ථානය ලබා දීපු උපදෙස් නියමුවන් විසින් අකුරටම පිළිපැද්ද කාලගුණය තිබ්බ අයහපත් ස්වභාවය නිසාවෙන්.

ඉරණම විසඳෙයි

රාත්‍රී 11.27 විතර යානය අමතක ගුවන් පාලක මධ්‍යස්ථානය නියමුවන්ට උපදෙස් දුන්නේ යානය ගොඩ බැස්වීමට තවත් සැතපුම් දෙකක් තිබෙන බවත් යානය පොඩ්ඩක් වම් පැත්තට හරවන ලෙසටය. තවත් විනාඩියකට විතර පස්සෙ ගුවන් පාලක මධ්‍යස්ථානයට යානය දකින්න පුළුවන් වුනා. යානය දැක්ක ගමන් ගුවන් පාලක මධ්‍යස්ථානයට තේරුම් ගියා යානය ගොඩබස්වන උත්සාහ කරන කෝණය හුඟක් වැඩියි කියලා . වහාම යානය ඇමතූ පාලක මධ්‍යස්ථානය ඒ බව දැනුම් දුන්නත් අවාසනාවකට වගේ ගුවන් පාලක මධ්‍යස්ථානය ඒ වෙලාවේ යානය අමතලා තිබුණේ වැරදි සංඛ්‍යාතයකින් . ඒ නිසා ගුවන් නියමුවන්ට නිසි උපදෙස් ලැබුණේ නැහැ . ඒත් එක්කම ඩග්ලස් DC-8 ගුවන් යානය ගුවන් පාලක මධ්‍යස්ථානයට නොපෙනී ගියා . ඒත් එක්කම 11.28 වෙද්දි ගුවන් පාලක මධ්‍යස්ථානයට ළඟ තියෙන පොල්වත්තකින් විශාල පිපිරුමක් දකින්න ලැබුණා. පාලක මධ්‍යස්ථානයේ හිටිය හැමෝටම යානයේ ඉරණම මොකක්ද කියන එක තේරුම් ගන්න අපහසු වුණේ නැහැ .
යානයේ වම් තටුව පොල් ගස් මුදුනක වැදිලා කැඩිලා ගිහින් තිබුණා . ඊට පස්සේ යානයේ ඉදිරිපස බඳ කොටස පොලොවෙ හැපිල යානය දෙකට කැඩුනා . ඊටත් පස්සේ යානයේ පිටුපස බඳ කොටස තවත් කොටස් හයකට කැඩිලා යානය මුලින්ම පොළොවෙ හැපිච්ච තැන ඉඳල මීටර් 146 ක් විතර ඈතින් නතර වුණා. යානා අනතුරට පත්වෙච්ච ස්ථානය කටුනායක ගුවන්තොටුපොළේ ධාවන පථ අංක 22 ඉදලා කිලෝමීටර් 1.86 ඈතින් පිහිටලා තිබුණා.

ගලවාගන්න මෙහෙයුමක්

අනතුර වෙලා පැය බාගයක් ඇතුලත ගිනි නිවන රථ 5ක් එක ගලවා ගැනීමේ කණ්ඩාමක් අනතුර වෙච්ච තැනට ආවා . පොල් වත්තක් මැද්දට යානය කඩා වැටිච්ච නිසා ගිනි නිවන රථ අනතුර වෙච්ච තැනට ගෙන්න ටිකක් විතර අමාරු උනා. හැබැයි සහන කණ්ඩායම් වලට සැලකිය යුතු ජීවිත ප්‍රමාණයක් බේරගන්න පුළුවන් වුනා.

ගණන් හිලව්

යානයේ ගමන් කරපු 262 ගෙන් 183 ක්ම අනතුරෙන් මැරුණා. ඒ අතරට මගින් 175 හා කාර්ය මණ්ඩලයේ 8 දෙනෙකුත් හිටියා . 79 දෙනකුට අනතුරෙන් ජිවිත බේරගන්න පුළුවන් වුනා. ජීවිත බේරා ගත්ත අයගෙන් 32 තුවාල සිද්ධ වෙලා තිබුණා . ඔවුන් අතර මගීන් 28 ව සහ කාර්ය මණ්ඩලය 4 දෙනෙක් සිටියා. එහි වගේම 47 දෙනෙකුට කිසිම තුවාලයක් සිද්ධ වුණේ නැහැ .

පසුවදන

යානයේ අනතුර සම්බන්ධයෙන් ශ්‍රී ලංකාව කරපු පරීක්ෂණ වාර්තාවෙන් කියවුනා ගුවන් යානයේ නියමුවන උපදෙස් හරිහැටි පිළිපැද්දේ නැති නිසා ගුවන් අනතුර සිද්ධ වුණා කියලා. හැබැයි Icelandic air ගුවන් සමාගම කිව්වේ අනතුරට හේතුව ගුවන් පාලක මධ්‍යස්ථානය දෝෂ හා ගුවන්තොටුපොළේ උපකරණ වල තිබුණු අඩුපාඩුකම් කියලයි .

වරද කාගේ වුණත් අන්තිමට වරදට වන්දි ගෙවන්න සිද්ධ වුණේ මිනිස් ජීවිත 183 කින්.
View attachment 182181View attachment 182182View attachment 182183View attachment 182184

නොදකින් ලංකාවේ කැරියො
මැලේසියාව තානාපති කාර්යාලය ට කීවනම් හරි ආයෙ පරීක්ෂණ තියල නඩු දාල වන්දි අයකරගන්න කියල
මම දැන් ලියනව... දැන්...

 

[kinkon]

බම්ප්

 

[lahirufx+]

අඩේ මේක දන්නේ අදනේ...ඇන්ටන් ජොහ්න්ස්ටත් අමතක වෙන්න ඇති ..

 

[dhanuka kumara]

TFS

 

[malakadss]

TFS

 

[Dumbledore]

මෙහෙම එකක් අහල තිබුනේ නෑනේ යකොව්... Air Crash Investigation වල එහෙම ඕක ගැන නැත්ද?

any way TFS

 

[chirart1]

danan hitiye na ne yako :O
thanks share karata

 

[shenat]

1970 ගණන් වල අදට වඩා ලංකාවට ප්ලේන් ඇවිල්ලනේ

 

[mahagedaralaga]

මම මේ අනතුර බලන්න අපේ තාත්තයි තවත් කීප දෙනෙකුයි එක එම ස්ථානයට ගියා. කෑලි හැමතැනම ගොඩ ගැහිලා තිබුණා. සීන් එක පෝලිං පිටින් ඇවිල්ලා බලලා. මීගමුව පැත්තෙන් තමා ගියේ. යන්තම් රූප සේයාවක් වගේ පොල් ගස් වල කරටි ගානට කපලා තිබ්බ වගේ මතකයි. ලංගම බසයක තමයි ගියේ. ඒ හරියට කිව්වේ අඟුරුවාතොට වගේ සමාන නමක් කියලා යන්තම් මතකයි.

 

[Daminda86]

දැනුයි මචo දැන ගත්තේ.

 

[KalanIND]

අපේ සිංහල කැ*යො සිද්ධිය බලන්න වගේ ඩොටේ ඉදන් ඇවිත් මැරුනු මිනිස්සුන්ගෙ මුදු, වළලු,බ්‍රේස්ලට් පිටින් ඉදිමුනු අත්,ඇගිලි කපන් ආපු හැටිත් කියපන් .අපේ තාත්ත කියල තියෙනව ඒ දවස්වල trip යනව වගේ ඕක බලන්න එනවලු.එයා ඇස් දෙකෙන්ම දැකල තියෙනව අත් කපාගෙන යනව වැරදි වලට දඩුවම් නැති කවදාවත් හදන්න බැරි තිරිසන්නු ඉන්න රටක් බං මේක අපි කොච්චර පුන්‍ය භූමිය ගගා වැලලෙන්න හැදුවත්

 

[RIU]

 

[vindi19]

Nice post

 

[Bowman]

අපේ සිංහල කැ*යො සිද්ධිය බලන්න වගේ ඩොටේ ඉදන් ඇවිත් මැරුනු මිනිස්සුන්ගෙ මුදු, වළලු,බ්‍රේස්ලට් පිටින් ඉදිමුනු අත්,ඇගිලි කපන් ආපු හැටිත් කියපන් .අපේ තාත්ත කියල තියෙනව ඒ දවස්වල trip යනව වගේ ඕක බලන්න එනවලු.එයා ඇස් දෙකෙන්ම දැකල තියෙනව අත් කපාගෙන යනව වැරදි වලට දඩුවම් නැති කවදාවත් හදන්න බැරි තිරිසන්නු ඉන්න රටක් බං මේක අපි කොච්චර පුන්‍ය භූමිය ගගා වැලලෙන්න හැදුවත්

පුන්‍ය බුමී කියල එකක් නෑ, ඔය කොයි බුමියත් එකයි.

ආගමයි ජාතියයි ඔලුව උඩ තියා එකේ හෙවනැල්ලෙන් සමාජයේ අධ්‍යාපනය, නීතිය, සමානාත්මතාවය හා අනිත් ස්තරවල් වැහෙන රටවල් තමයි විනාස වෙන්නේ.

77, 83, 89, යුද්දේ, දිගන, අලුත්ගම ඔය ඔක්කොම එකයි. ඉස්සරහටත් එකයි.

 

[buddikagayan]

tfs

 

[PHBhagya]

 

[rumesh.fbi]

TFS