අපූරු කහ ඉර දෙස බලනු දෙනෙත් හැර....
ඡායාරූපයේ දැක්වෙන මෙම ස්ථානය කුරුණෑගල නගර සමීපයේ ප්රධාන මාර්ගයක රජයේ අත්යවශ්ය සේaවා ස්ථානයක ඉදිරිපිට පිහිටා ඇත.
කුරුණෑගල - මීගමුව ප්රධාන මාර්ගයේ පුවක්ගස් හන්දිය ස්ථානයෙන් පුත්තලම ප්රධාන මාර්ගයට ප්රවිශ්ඨ වන ප්රධාන අතුරු මාර්ගයේ වයඹ පළාත් සෞඛ්ය සේවා අධ්යක්ෂ කාර්යාලය ඉදිරිපිට මෙම කහ ඉරි මෙසේ ක්රියාත්මකය.
සෑම මාර්ගයකම කහ ඉරක් සලකුණු කර ඇත්තේ අනතුරකින් තොරව මගී ජනතාවට නිදහසේ මාර්ගය හරහා මාරුවීම සඳහාය. එහෙත් මෙම ස්ථානයේ මාර්ගයෙන් මාරු වෙන මගීන්ට ඡායාරූපයේ දැක්වෙන ආකාරයට ඉදිරියෙන් සවිකර තිබෙන යකඩ වැට උඩින් පැන ගමන් කළ යුතුය. එසේ නැතහොත් යකඩ වැට ආසන්නයේ පදික වේදිකාවට පිවිසිය යුතුය.
මෙම අපූරු මාර්ග සලකුණ සම්බන්ධව කුරුණෑගල මහ නගර සභාව, කුරුණෑගල පොලිසියේ රථවාහන අංශයේ නිලධාරීන්ගේ නෙත් මෙතෙක් යොමුවී නොමැත.
ආර්. එම්. ඩබ්. බණ්ඩාර - කුරුණෑගල
