අපි එදිනෙදා පාවිච්චි කරන පෑන් මූඩියේ උඩින්ම තියෙන අර පුංචි හිල ඇත්තටම තියෙන්නේ මොකටද කියලා. අපි ගොඩක් අය හිතන්නේ ඒක පෑනේ තීන්ත වේලෙන එක නවත්වන්න වාතාශ්රය යන්න හදපු එකක්, එහෙමත් නැත්නම් පෑන ලේසියෙන් අරින්න වහන්න පුළුවන් වෙන්න පීඩනය පාලනය කරන්න හදපු එකක් කියලයි. ඒත් මේ පුංචි හිල පිටිපස්සේ තියෙන ඇත්තම කතාව ඊට වඩා ගොඩක් බරපතළයි. ඒක ඇත්තටම මනුස්ස ජීවිතයක් බේරගන්න පුළුවන් විදිහට කරපු ඉතාමත් අපූරු නිර්මාණයක්.
පොඩි ළමයි වගේම සමහර වැඩිහිටියොත් පෑනෙන් ලියන ගමන් පෑන් මූඩිය හැපීම සාමාන්ය පුරුද්දක් කරගෙන ඉන්නවා ඔයාලා දැකලා ඇති. මේ පුරුද්ද නිසාම අත්වැරදීමකින් මේ පෑන් මූඩියක් උගුරේ හිරවෙන්න තියෙන ඉඩකඩ ගොඩක් වැඩියි. එහෙම හිරවුණොත් හුස්ම ගන්න බැරි වෙලා ඒ මනුස්සයාගේ ජීවිතේට වුණත් ක්ෂණිකව ලොකු අනතුරක් වෙන්න පුළුවන්. අන්න ඒ භයානක තත්ත්වයෙන් මිනිස්සුන්ව බේරගන්න තමයි ලෝක ප්රසිද්ධ පෑන් නිෂ්පාදන සමාගම් මේ විදිහට මූඩිය උඩින් විශේෂ හිලක් තියන්න තීරණය කළේ.ෙ
මේ හිල තියෙන නිසා යම් විදිහකින් පෑන් මූඩියක් කෙනෙක්ගේ උගුරේ හිරවුණත්, ඒකෙන් සම්පූර්ණයෙන්ම ශ්වසන නාලය අවහිර වෙන්නේ නැහැ. මේ පුංචි හිල හරහා පෙනහළු වලට අවශ්ය කරන වාතය අඛණ්ඩව ගමන් කරන්න පුළුවන් වෙනවා. ඒ නිසා රෝගියාව ඉක්මනින් රෝහලකට අරගෙන ගිහින් අවශ්ය ප්රතිකාර කරනකම් හුස්ම ගන්න පුළුවන් විදිහට ජීවිතේ බේරගන්න මේක ලොකු උදව්වක් වෙනවා. දහනවයි අනූ එකේදී ප්රසිද්ධ බික් සමාගම තමයි මේ අපූරු වෙනස මුලින්ම ලෝකෙට හඳුන්වලා දුන්නේ.
මීට අමතරව මේ හිල නිසා තවත් ප්රායෝගික වාසි කිහිපයක්ම තියෙනවා. අපි පෑන් මූඩිය වහද්දී ඇතුලේ තියෙන වාතය එළියට යන්න මේක උදව් වෙනවා. එහෙම නොවුණා නම් ඇතුලේ පීඩනය වැඩි වෙලා පෑනේ තීන්ත පිටිපස්සෙන් කාන්දු වෙන්න ලොකු ඉඩක් තියෙනවා. ඒ වගේම මූඩිය ඇරීම සහ වැසීම පහසු කරන්නත් මේ වායු සංසරණය ගොඩක් වැදගත්.
බලන්න අපිට කොච්චර සාමාන්ය දෙයක් විදිහට පෙනුණත් ඒ පුංචි වෙනස පිටිපස්සේ මිනිස් ජීවිත දහස් ගාණක් බේරගන්න පුළුවන් අපූරු විද්යාත්මක පසුබිමක් තියෙනවා නේද කියලා
