ලසන්ත ඝාතනයට සම්බන්ධ නඩුවේ සැකකරුවන් තිදෙනෙකු නිදහස් කිරීමට දෙන ලද නියෝගය සම්බන්ධයෙන් ප්රශ්න කිරීමට, ජනාධිපති අනුර කුමාර දිසානායක මහතා ඊයේ දිනයේ දී නීතිපවරයා කැදවා තිබුණි.
එහි දී, ප්රජාතන්ත්රවාදය හා ජනතාවගේ මානව අයිතිවාසිකම් තහවුරු කිරීමේ දී හා යුක්තිය හා සාධාරණත්වය ඉෂ්ඨ කිරීමේ දී නීතිපති දෙපාර්තමේන්තුවට පැවරී ඇති විශාල වගකීම ඉටු කිරීමට නොහැකි නම්, එම පුටුවල තව දුරටව් වාඩි වී සිටීම තේරුමක් නැති බව, ජනාධිපති අනුර කුමාර දිසානායක මහතා නීතිපති පාරින්ද රණසිංහට දැනුම් දී ඇති බව වාර්තා වේ.
ලසන්ත ඝාතන නඩුවේ සැකකරුවන් නිදහස් කිරීමට දී තිබෙන නියෝගය පිළිබදව ජනාධිපතිවරයා නීතිපතිගෙන් විමසා තිබේ.
එහිදී නීතිපති පවසා ඇත්තේ අදාල සැකකරුවන් ලසන්ත ඝාතනයට සම්බන්ධ සැකකරුවන් නොවන බවයි. ඔවුන්, සාක්ෂි වසන් කිරීම යන චෝදනාව යටතේ අත්අඩංගුවට ගත් සැකකරුවන් බව පවසා ඇති නීතිපතිවරයා, කෙසේ වෙතත්, පරීක්ෂණ ඉදිරියට යාමේ දී එම සැකකරුවන්ගෙන් යළි සාක්ෂි ලබා ගැනිමට අවශ්ය නම්, ඔවුන් නැවත කැදවිය හැකි බවද ජනාධිපතිට පවසා තිබේ.
