දෙහිවල නැදිමාල, ප්රදේශයේ අවමංගල්ය නිවසක පාංශුකූලෙට වැඩමවීම ප්රමාදවීමට උරණ වූ නිවැසියන් කළුබෝවිල ශ්රී සුනන්දාරාම විහාරස්ථානයේ වැඩ වසන හිමිවරු තුන්නමකට සිදුකළ පහරදීමක් සම්බන්ධයෙන් අදාළ නිවසේ කාන්තාවන් දෙදෙනකු ඇතුළු පස්දෙනකු අත්අඩංගුවට ගනු ලැබ ඇතැයි දෙහිවල පොලීසිය පැවසීය.
දෙහිවල හා පිළියන්දල පදිංචිව සිටින වයස අවුරුදු 38 -49 ත් වන කාන්තාවන් දෙදෙනකු හා එම නිවසේ එකම පවුලේ වයස අවුරුදු 19 -24 ත් අතර පසුවන පුද්ගලයන් තිදෙනකු අත්අඩංගුවට පත්වූවන් අතර වන බවද පොලීසිය සඳහන් කරයි.මෙම නිවසේ අයගේ පියාගේ අවමංගල්ය කටයුතු 01 වැනිදා සිදු කිරීමට නියමිතව තිබූ බැවින් කල්වේලා ඇතිව විහාරාධිපතීන් වහන්සේ වෙත ආරාධනා කරනු ලැබ තිබිණි .
එහෙත් එදින පාංශුකූල කටයුතු සූදානම් කර තිබුණත් ස්වාමීන් වහන්සේලා වැඩමවීම ප්රමාදවීමෙන් උරණ එම පිරිස රාත්රියේ විහාරස්ථානයට ගොස් වැඩ සිටි හිමිවරු තුන් නමකට පහරදීමක් සිදු කරනු ලැබ තිබේ.සිද්ධියෙන් තුවාල ලැබූ එක් හිමිනමක් ප්රතිකාර සඳහා දකුණු කොළඹ ශික්ෂණ රෝහලට ඇතුළත් කරනු ලැබ ඇති බවත් පොලීසිය පැවසීය. දෙහිවල පොලීසිය සිද්ධිය පිළිබඳ වැඩිදුර පරීක්ෂණ සිදු කරයි.-GLN
sure ekata tattayo set eka salli illanna ati.. @Al Baik mehe waren..
