නැව ගිලෙන හැටි (වීඩියෝ)

[Bitter Truth]

 

[banda065]

කොළඹ වරායට ආසන්න මුහුදේ දී ආපදාවට ලක් වූ “එක්ස් – ප්‍රෙස් පර්ල්” නෞකාව ගැඹුරු මුහුදට රැගෙන යාමට ජනාධිපති ගෝඨාභය රාජපක්ෂ මහතා උපදෙස් ලබා දී තිබෙන බව වාර්තා වෙනවා.
ආපදාවට ලක්වූ නෞකාව මුහුදුබත්වීමේ අවදානමක් පවතින බව නාවුක සහ පරිසර ඇතුළු ක්ෂේත්‍ර ගණනාවක නියෝජිතයෝ පෙන්වා දුන් බව සඳහන් වන අතර එහිදී නෞකාව ගැඹුරු මුහුදට රැගෙන යාම සුදුසුම පියවර බව ඔවුන්ගේ යෝජනාව වී තිබෙනවා.
නීතිපතිවරයාගේ ද උපදෙස් මත, සමුද්‍ර පරිසර ආරක්ෂණ අධිකාරියේ සභාපතිට ඇති බලතල ප්‍රකාරව නෞකාව ගැඹුරු මුහුදට රැගෙන යාමට වහාම නියෝගයක් නිකුත් කරන ලෙස ජනාධිපතිවරයා උපදෙස් දී ඇති බවයි වාර්තා වන්නේ.
රටකට අයත් සමුද්‍ර සීමාවක අනතුරට ලක්ව, එරට සමුද්‍රීය පරිසරයකට සිදුකළ හානිය සම්බන්ධයෙන් නැව හිමි සමාගම විසින් ගෙවීමට සිදුවන වන්දිය සුළුපටු නොවන බවයි සමුද්‍රීය පරිසරවේදීන් පවසන්නේ. එවැනි තත්වයකදී විනාශකාරී හානියක් කළ නැවක් එරට මුහුදු සීමාවෙන් ඉවතට රැගෙන යාමෙන් නීතිමය කටයුතු වලදී නැව් සමාගමට බුරුලක් ලැබීය හැකි බවයි පැවසෙන්නේ.
බොහෝ විට සමුද්‍රීය පරිසර හානිය පිළිබඳව නඩු භාණ්ඩයක් ලෙස නම්කර නොමැති හානිකර නැවක් ජාත්‍යන්තර මුහුදු සීමාවට රැගෙන යාමෙන් සුවිශාල වන්දියක් ගෙවීමේ අනතුරින් නැව් සමාගම නිදහස් විය හැකි බවයි වාර්තා වන්නේ. එසේම අදාළ නැවේ කපිතාන් ඇතුළු වගකිවයුතන් කිහිප දෙනෙකුට පමණක් නීතිමය කටයුතු කළ හැකි වන ලෙස කටයුතු කරන ගැලවුම්කරුවෙකුට හිමිවන මුදල ඉහල බවයි නාවුක ක්ෂේත්‍රයේ අත්දැකීම් ඇති අය කියන්නේ. එය ත්‍යාගයක් වන අතර එය නෞකාවේ සහ එහි භාණ්ඩයේ මුළු වටිනාකමෙන් බරපතල කොටසක්.
එම කොටස කොතරම් විශාල මිලක් වුවත් නැව් සමාගම විසින් හානියට පත් වූ මුහුද අයත් රටට ගෙවීමට සිදුවිය හැකි වන්දියට වඩා ඉතාමත් අඩු මුදලක්.
මේ කරුණු සැලකීමේදී “එක්ස් – ප්‍රෙස් පර්ල්” නෞකාව මෙරට මුහුදු සීමාවෙන් ඉවතට රැගෙන ගියහොත් ශ්‍රී ලංකාවේ සමුද්‍රීය පරිසරය හානිකිරීම වෙනුවෙන් ලබාගත යුතු, තවමත් ගණන් බලා නොමැති වන්දිය ලබාගැනීමේ අවදානමක් ඇති බවයි පැවසෙන්නේ.
මෙම අවදානම් සහගත උපදෙස් ලබාදී නැව මෙරට මුහුදු සීමාවෙන් ඉවතට ගෙන යාමේ කොන්ත්‍රාත්තුව ලබාගෙන ඇත්තේ අවි ගබඩා හිමිකරුවෙක් සහ මාධ්‍යජාලා හිමිකරුවෙක් බවයි ආරංචි මාර්ග සඳහන් කරන්නේ.
මෙලෙස නැවක් අනතුරටපත් මුහුදු සීමාවෙන් ඉවතට රැගෙන ගොස් අදාළ සමාගමට වාසි ලබාදෙන ක්‍රියාවලිය නාවුක ක්ෂේත්‍රයේදී හඳුන්වන්නේ Marine salvage නමින්.

 

[Stimulus mind]

 

[malakadss]

අපේ සීමාවේ තියෙනකම් ගෙනියන්න කියලා නහිනවා.. අරන් යන්න හදනකොට වන්දිය නෑති වෙයි කියලා නහිනවා..ස නම් අශ්වයා ගිහිල්ලා සෑහෙන්න කාලයකට පස්සේ තමා දොර වහන්න හිතන්නේ

 

[hodakolla]

 

[shenat]

පොන්නයෙක් අගමැති වෙලා නිවටයෙක් ජනාධිපති උනාම ඔහොම තමයි.

 

[toi]

ටයිටැනික් සින්දුව ඇහෙනවා නැව ගිලෙනව බලන කොට

 

[shameera89]

අපේ රටට වෙලා තියෙන්නෙත් ඔකමද මන්ද

 

[Lakshan-Seram]

 

[chathuramk]

podiyata thibuna ginna niwaganna bariuna kiyanne ratak widiyata patta charter.