මං පොඩි කාලෙ අලුත් අවුරුද්දට අම්මටයි තාත්තටයි බුලත් දීල ඉවර වෙලා පූසටත් බුලත් දීල වැන්ද ඕක අම්මට කිව්වාම බැන්න
පූසට තේරෙන්නෙත් නෑ මේ මොකෑ වෙන්නෙ කියල ඌ බලං ඉන්නව
පස්සෙ කාලෙක ඌ කාලම තමා බෙහෙත් විද්දෙ
අපේ ගෙදර එක පූසෙක් හිටිය උගෙ පදිංචිය මෙහෙම තමා. උගෙ සහෝදරයට තමා මං වැඩියෙන්ම ආස ගෙදර හිටිය එකාට වඩා ඌ හෙන හැඩි දැඩි දරුණු පූස. ඌ මෙහෙන් වැඩිය කන්නෙ බොන්නෙත් නෑ වටේම ගිහිං කාල මෙහෙට එන්නෙ ඔලුව අතගාගන්න විතරයි මං හැමදාම වගේ ඌව අතගෑව. අන්තිමට ඌව පණපිටිං දැකපු දවසෙ වෙන වැඩක හිටියෙ මං ඌව ගනං ගත්තෙ නෑ ඌත් මාව දැක්කෙ නෑ වගේ ගියා එදායිං පස්සෙ ආගිය අතක් නෑ
හැබැයි ඊට කලිනුත් අවස්ථා වල මං ඌව ගනං ගන්නැතුව ඉඳල තියෙනව ඒත් ඌ නොඑන්නම ගියෙ නෑ සති දෙක තුනකට පස්සෙ හරි ආව
ඒත් එදා අපරාදෙ මං නිකං හරි උගෙ ඔලුව අතගෑව නං ඌ සමහර විට මැරෙන්න කලිං අමාරු වෙලා හරි මේ පැත්තෙන් යන්න තිබ්බ මට දැකල මොනාම හරි කරන්න තිබ්බ
එක පාරක් පූසගෙ ඔලුවෙ තුවාලයක් පැසවල බෙහෙත් ගේන්න අරං යන්න ඕනෙ වුනා. බිස්කට් පෙට්ටියක් අරං අර වෙල්ඩිං කරද්දි දාන හයිය ග්ලෞස් දාගෙන අරං ගියෙ පූස වුනාට ඌව ග්ලෞස් දාලත් මෙල්ල කරන්න මාර අමාරුයි. පෙට්ටිය ඉරනව මගෙ කකුලෙ හොඳට ගැඹුරු කානුවක් කැපුව නියපොත්තෙන් හූරල
එතකොට එක පාරක් පූස කවාගෙන කියන්න ගිහිං බැනුම් අහල අත්දැකීම් තිබ්බ බෙහෙත් විදින්න යන්නවත් මොකවත් කිව්වෙ නෑ පිස්සු හැදෙනව නං හැදෙන්නැතෑ කියල නිකං හිටිය. තාම මොකුත් වුන්නෑ
එච්චර කෑවත් කවදාවත් ඒ පූසට ගහන්නවත් හිතිල නෑ
එක පාරක් මං පඩිය උඩ ඉඳගෙන ඉන්දැද්දි මූ ඇවිල්ල මගෙ කකුලට චූ කල්ල ගියා
උට අපි උගෙ වහල්ලු විතරයි උට හිතෙන ඕනෙ දෙයක් ඌ කරනව කව්ද කියල බලන්නෑ හෙන ආඩම්බරකාරය
දෙල් ගහ ගාව තිබ්බ අකුලෙ කුප්පමේණිය ගස් පිරිල ඒ කාලෙ. මං ඒ හරියට යද්දි මූ දූවගෙන එනව මට කියල කුප්පමේනිය ගහක් ගලෝගන්න.
ඉතිං ගලෝල දෙනව ඌ ටිකක් වෙලා ඒකත් එක්ක හුරතල් වෙලා ගහ දාල යන්න යනව
මං ඒ කාලෙ පූසො දෙන්න වෙනුවෙන්ම කුප්පමේනිය පාත්තියකුත් දැම්ම හරිගියෙ නෑ
