ලංකාවේ පොදු ප්රවාහන සේවය ........
ශ්රී ලංකාවේ පොදු ප්රවාහන සේවය පිළිබඳව ජනතාව තුළ ඇත්තේ කෙබඳු ආකල්පයක් ද ?
ශ්රී ලංකාවේ පොදු ප්රවාහන සේවා අතරින් වඩාත් ම ජනප්රිය මාධ්ය වන්නේ බස්රථ සේවයයි ශ්රී ලංකාවේ පළමුවරට බස් රථයක් ගමන් කළා යැයි සැලකෙන්නේ කොළඹ සිට හලාවත දක්වා 1907 වර්ෂයේ දිනකයි .
මුලින් පොදු ප්රවාහන සේවය පෞද්ගලික අංශය සතුව පැවති අතර , ඉතා අවම පහසුකම් යටතේ සිතූ අයුරින් මුදල් අය කිරීම නිසා , 1958 එවකට පැවති රජය විසින් පොදු ප්රවාහන සේවය ජනසතු කරමින් ලංගම ආරම්භ කරනු ලැබුවා . ඒ සමගම ආසියාවේ පොදු ප්රවාහන සේවය ජනසතුසේවයක් බවට පත්කල දෙවන රට ලෙස ශ්රී ලංකාව පත් වුනා .
නමුත් කාලයක් යනවිට පොදු ප්රවාහන සේවය බිද වැටීමත් නිසා 1977 පෞද්ගලික අංශයට පොදු ප්රවාහන සේවය සදහා දොරගුලු විවර උනා .
නමුත් 1977 සිට මේ දක්වා ශ්රී ලංකාවේ පොදු ප්රවාහන ක්ෂේත්රයේ වෙනසක් සිදු වූවානම් එය මගියන්ගෙන් අය කරන මිල පමනි . ගුනාත්මක භාවය අතින් තවමත් එකම තැන පසුවේ . මේ සදහා කියමනක් උපුටා දැක්වීම වටිනේය .
“ඇත්තටම අද ලංකාවේ දුවන බස් ගත්තොත්, ලොරි චැසියට බස් එක ගහලා තියෙන්නේ. අපි දුවන්නේ සොකට්සෝබර් තියෙන බස් එකක නෙමෙයි. අපි දුවන්නේ දුනු තියෙන ඒවායේ. ලෝකයේ අනෙක් රටවල්වල දුනු තියෙන ඒවා පාවිච්චි කරන්නේ භාණ්ඩ ප්රවාහනය කරන්න.“
“බස් එකේ මිල අඩුවුණොත් තමයි, මේ ගාණට යන්න පුළුවන්. ලංකාවේ මිනිස්සුන්ට per capita එක achieve කරනකං, අපිට මේ වගේ බස්වල තමයි යන්න වෙන්නේ. ලංකාවේ ආදායමෙන් සියයට 2 කට වඩා ප්රමාණයක් පබ්ලික් ට්රාන්ස්පෝර්ට් එකට දාන්න බැහැ.“
ප්රසිද්ධ ව්යාපාරික ධම්මික පෙරේරා
උපුටනය අවසන් ....
පොදු ප්රවාහන සේවයේ ගුණාත්මක බව හා කාර්යක්ෂම බව ඉහල යෑමට රජයේ මෙන්ම පෞද්ගලික අංශයේත්, මගී ජනතාවගේත් කැපවීමත්, සහයෝගයත් අවශ්ය වෙනවා. ඒ සඳහා, මේ කාරණා ගැන සියලු දෙනාගේම අවධානය යොමු වෙන්න අවශ්යයි කියලා හිතනවා :
*සුවපහසු ලෙස මගීන්ට බසය තුල ගමන් කිරීමට හැකි පරිසරයක් සකස් කිරීම
*ගෙවන මුදලට වටිනා කම සඳහන් ටිකට් පතක් ලබාදීම. ( ඉතුරු මුදල් ලබා නොදෙන බව දැන් බොහෝ කොන්දොස්තර මහතුනට එරෙහිව නැගී ඇති චෝදනාවක් )
*බසය තුල අනෙකාට පීඩාවක් ඇති නොවන ලෙස ගමන් කිරීමට මගීන් කටයුතු කළ යුතු අතර, මගී ජනතාවට ගෞරවනිය ලෙස සැලකීමට රියදුරු / කොන්දොස්තර වග බලාගැනීම.
*විධිමත් කාල සටහනකට අනුව බස්රථ ධාවනය කිරීම හා නියමිත බස් නැවතුම් පොලවල පමණක් නතර කිරීම.
*බස් ගාස්තු සේවයට සරිලන, දැරිය හැකි මට්ටමක පවත්වාගෙන යාම.
අද වන විට විදේශීය රටවල පොදු ප්රවාහන ක්ෂේත්රය දෙස බලා එය ලංකාවේ පොදු ප්රවාහන ක්ෂේත්රය සමග සසදා බැලීමේදී , ගුනාත්මක භාවය අතින් අප කොතනද යන්න අවබෝධ වනු ඇත .
රටක් සංවර්ධන ඉලක්ක කරා යෑමේදී පොදු ප්රවාහනය දියුණු වීම අත්යවශ්යය වේ . එය සංවර්ධන යේ අංගයකි . ඒ සදහා රජය මෙන්ම මගී ජනතාව ද ඇප කැප විය යුතුය .
කවිදු ......
