Health
වඩාත් ගුණ සුදු සීනිද? රතු සීනිද?
සීනි ශරීරයට ඒ තරම් හිතකර දෙයක් නම් නෙවෙයි. දියවැඩියාව, හෘද රෝග වැනි බෝ නොවන රෝග ඇති වීමටත් සීනි බලපෑම් කරයි. මේ නිසා තේ කෝප්පයකට සීනි හැඳි 1ක් පමණක් එක් කිරීමට සිහි තබා ගන්න. සීනිවල වර්ණ අනුව සුදු හා දුඹුරු ලෙස වර්ග කරයි. මේ අතරින් තරමක් හෝ හිතකර වන්නේ දුඹුරු පැහැ සීනිය.
දුඹුරු සීනි වර්ණය අනුව කොටස් 2කි. එනම් තද දුඹුරු හා ළා දුඹුරු යන වර්ණවලිනි. මෙම සීනිවල වර්ණ වෙනස් වන්නේ ඒවාට යොදන රසායන ද්රව්යවල බලපෑමෙනි. සීනිවල පිරිසුදු සුදු පැහැය ගැනීමට සල්ෆර් ඩයොක්සයිඩ්, පොස්පරික් ඇසිඩ්, කැල්සියම් හයිඩේරාක්සයිඩ්, ඇක්ටිව් කාබන් වැනි රසායන ද්රව්ය එක් කරයි. මේවා ස්වල්ප වශයෙන් හෝ විවිධ ආහාරවලින් ශරීරයට එක්වන්නේ නම් ඇදුම හා පිළිකා වැනි රෝගවලට පසුකාලීනව බලපෑ හැකිය. ඉහත සඳහන් කළ රසායන ද්රව්ය නියමිත ප්රමාණවලින් යොදා ගමිනින් එක් කළද දිගුකාලීනව ආහාරයට ගන්නා විට ඒවා එක් වී අහිතකර බලපෑම් ඇතිකර විය හැකියි.
රතු සීනි
රතු සීනිවලට රසායන ද්රව්ය එක් නොකරයි. නමුත් ළා දුඹුරු වර්ණ සීනි තරමක් පිරිපහදුවට ලක්කර ඇත. නියම සීනි නිපදවන්නේ උක් ගස්වලිනි. එම සීනි තද දුඹුරු පැහැයක් ගන්නා අතරම එහි පොටෑසියම්, කැල්සියම්, අයන්, මැග්නීසියම් හා විටමින් බී වර්ග අඩංගුය. මෙවැනි පෝෂ්ය පදාර්ථ සීනි සුදු පැහැයට ගැනීමට යොදන රසායන ද්රව්ය හේතුවෙන් විනාශයට ලක්වෙයි. රතු සීනිවල කෙඳි සහිත බව ඒවා පිරිපහදුවලට ලක්කරන විට ඉවත්ව යයි. රතු සීනිවල අඩංගු කැලරි ප්රමාණයද සුදු සීනිවලට සාපේක්ෂව අඩු අගයක් ගනියි. රතු සීනි එක් කළ විට ආහාරවල නියම රසයද අත්විඳිය හැකියි.
සුදු සීනිවලට සාපේක්ෂව දුඹුරු සීනිවල කැලරි අඩු වුවද රුධිරගත සීනි මට්ටම වැඩිවීමටද සීනි බලපෑම් කරන නිසා සීනි භාවිතය එතරම් සෞඛ්යසම්පන්න නොවේ.
ශාලිකා රංගනී සමරදිවාකර | සංජීවනී මිරිහාගල්ල පෝෂණ වේදී සෞඛ්ය අමාත්යාංශය
