බදියුදීන්ගේ නිවසේ තවත් ලිංගික අපචාර සිදුවෙලා

SLK_sri

Well-known member
  • Oct 27, 2018
    17,306
    15,576
    113
    පාර්ලිමේන්තු මන්ත්‍රී රිෂාඩ් බදියුදීන්ගේ නිවසේ දී දැරියක් පිළිස්සී මියගිය සිද්ධිය සම්බන්ධයෙන් කරන ලද විමර්ශනවලදී අනාවරණය වූ තවත් ලිංගික අපචාර සිද්ධියක් සම්බන්ධයෙන් බදියුදීන්ගේ බිරිඳගේ සහෝදරයා අත්අඩංගුවට පත්ව තිබේ.

    මේ අනුව අදාළ විමර්ශනවලදී’ මන්ත්‍රීවරයාගේ නිවසේ පසුගිය 2015 සිට 2019 වසර දක්වා කාලය තුළ මෙහෙකාර සේවය නිරතව සිටි තරුණියක් දූෂණය කිරීමේ සිද්ධියක තොරතුරු අනාවරණය වී ඇත.
    ඒ සම්බන්ධයෙන් ආදාළ සැකකරු අත්අඩංගුවට ගත් බව පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිප්ති අජිත් රෝහණ මහතා පැවසීය.
    මේ වන විට 22 හැවිරිදි වියේ පසුවන එම තරුණියගෙන් සිදුකර ඇති ප්‍රශ්න කිරීම්වලදී සිද්ධිය අනාවරණය වී තිබේ.
    එලෙස අත්අඩංගුවට පත්ව ඇත්තේ 44 හැවිරිදි වියේ පසුවන බදියුදීන්ගේ බිරිඳගේ සහෝදරයා වන අතර සැකකරු මැදවච්චිය ප්‍රදේශයේ පදිංචිකරුවෙක් වෙයි.
    පාර්ලිමේන්තු මන්ත්‍රි රිෂාඩ් බදියුදීන්ගේ නිවසේ සේවයේ යෙදී සිටි දැරිය පිළිස්සී මියයාමේ සිද්ධිය සම්බන්ධයෙන් ප්‍රශ්න කිරීම සඳහා මන්ත්‍රිවරයාගේ බිරිඳ වන අයේෂා බදියුදීන් බොරැල්ල පොලිසියට ඊයේ (22 වැනිදා) සවස කැඳවා තිබිණි.
    මේ අනුව සිද්ධියට අදාළව මන්ත්‍රීවරයාගේ බිරිඳ, ඇයගේ පියා සහ දැරිය රැගෙන ආ තැරැව්කරු අත්අඩංගුවට ගෙන තිබේ.
    දැරියගේ මව ඇතුළු ඥාතීන්ගේ ප්‍රකාශනයන් සහ රිෂාඩ් බදියුදීන්ගෙන් බිරිඳ මීට ඉහතදී ලබාදුන් ප්‍රකාශ එකිනෙක පරස්පරවීම හේතුවෙන් මෙලෙස ප්‍රකාශයක් ලබාදීමට බොරැල්ල පොලිසියට පැමිණෙන ලෙස ඇයට දැනුම් දී තිබුණි. ඒ අනුව බොරැල්ල පොලිසියට ඇය ඊයේ (22 වැනිදා) පස්වරුවේ පැමිණියාය.
    මේ අතර මෙම සිද්ධියට අදාළ පරීක්ෂණවලට අවශ්‍ය උපදෙස් ලබාදීම සඳහා නීතිපතිවරයා රජයේ නීතිඥවරු කණ්ඩායමක් පත්කර ඇත. නීතිපති සංජය රාජරත්නම් විසින් ඊයේ (22දා) බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් ඇතුළු මෙම සිද්ධියට සම්බන්ධ විමර්ශන මෙහෙයවන නිලධාරීන් කණ්ඩායම නීතිපති දෙපාර්තමේන්තුව වෙත කැඳවා සාකච්ඡාවක් පැවැත්වීමෙන් අනතුරුව මෙම පියවර ගෙන තිබේ.
    මෙම සාකච්ඡාවේදී අදාළ දැරියගේ මරණයට අදාළව දැනට සිදුකර තිබෙන පරීක්ෂණවල ප්‍රගතිය පිළිබඳව පොලිස් නිලධාරීන් විසින් නීතිපතිවරයා දැනුවත් කර තිබේ.
    ඒ අනුව මීට අදාළ නෛතික කටයුතු සහ විමර්ශන සඳහා පොලිසියට අවශ්‍ය උපදෙස් ලබාදීම සඳහා නියෝජ්‍ය සොලිසිටර් ජනරාල් දිලීප පීරිස්ගේ ප්‍රධානත්වයෙන් යුත් රජයේ නීතිඥ මණ්ඩලයක් පත්කර තිබෙන බවද නීතිපති දෙපාර්තමේන්තු ආරංචිමාර්ග පවසයි.
    මේ අතර බෞද්ධාලෝක මාවතේ පිහිටි හිටපු ඇමැති රිෂාඩ් බදියුදින්ගේ නිවසේ සේවය කළ තවත් සේවිකාවන් දෙදෙනකුගෙන් පොලිසිය ප්‍රකාශ ලබාගෙන ඇත.
    මෙම දෙදෙනා මියගිය දැරිය සේවයට රැගෙන ඒමට පෙර එම නිවසේ සේවය කර ඇත. එම දෙදෙනා දැනට වයස අවුරුදු 21 හා 32 වයස්වල අය බව පොලිසිය කියයි. කොළඹ දකුණ කොට්ඨාස අපරාධ ඒකකය හා ළමා හා කාන්තා කාර්යාංශයත් බොරැල්ල පොලිසියත් බෞද්ධාලෝක මාවතේ නිවසේදී ගිනිගෙන මියගිය දැරියගේ මරණයට හේතු සොයා කරන විමර්ශනයේදී හිටපු මෙහෙකාරියන්ගෙන්ද ප්‍රකාශ ලබාගෙන ඇත. ඩයගම පිහිටි මියගිය දැරියගේ ගමට ගොස් මව, සුළු පියා, සහෝදර සහෝදරියන්ගෙන්ද පෙරේදා (21දා) ප්‍රකාශ ලබා ගැනීමට කොළඹින් ගිය පොලිස් කණ්ඩායම් කටයුතු කළහ. මෙම දැරියගේ මරණ පරීක්ෂණය ලබන 28දා පැවැත්වීමට නියමිතය.

    @nicjosh83

    කොහොමත් අපි නම් කියන්නේ නීතිය හරියට ක්‍රියාත්මක උනේ නැත්නම් මේක පොන්න ආණ්ඩුවක්.
     

    SLK_sri

    Well-known member
  • Oct 27, 2018
    17,306
    15,576
    113
    capture-png.153350

    capture-png.153351

    capture-png.153352