http://elakiri.com/forum/showpost.php?p=17234423&postcount=130
සන්ධාන ගත වීම එක රැයකින් සහ එක් සාකච්ඡාවකින් සිදු කල නොහැකිය. එය සාකච්ඡා මාලාවක ප්රතිඵලයක් විය යුතුය. එකඟවීම් එකඟනොවීම් හරහා සිදුවන බුද්ධිමය ව්යායාමයක් විය යුතුය. සන්ධාන ගත වීම දේශපාලනය තුල එක් ආකාරයක කලාවකි. සන්ධානගත වීම මගින් සැමටම අනොන්ය වශයෙන් වාසි සිදුවිය යුතුය. ප්රධාන පක්ෂයට රාජ්ය බලය හිමිවන විට කුඩා පක්ෂවලට තම ප්රමාණය ඉක්මවා ගිය නියෝජනයක් ලැබිය යුතුය. රජයේ බලවත් අමාත්ය ධූර හිමිවිය යුතුය. එහෙත් සන්ධාන ගත නොවුනහොත් සියල්ලන්ටම සිදුවනු ඇත්තේ විපක්ෂයේ සිටීමටය. සන්ධානගත වීමේ සාකච්ඡා සාර්ථක වීමේ ප්රධාන කොන්දේසිය වන්නේ මේ අනොන්ය වාසි වීමේ න්යායයි. එසේම කුඩා පක්ෂ වල ගෞරවය සහ පැවැත්ම සන්ධානය මගින් තහවුරු විය යුතුය. සන්ධාන ගත වීමේ සාකච්ඡා වලදී කිසිම පක්ෂයක් කණ්ඩායමක් පූර්ව නිගමන වල නොසිටිය යුතුය. අපේක්ෂකයා කවරෙක් විය යුතුද?, මැතිවරණයට ඉදිරිපත් වන සලකුණ කුමක්ද? ආදී මූලික දේ පවා සාකච්ඡා අතර තුරදී තීරණය විය යුතුය.
රාජපක්ෂලාගේ උපක්රමය ඉතා පැහැදිලිය. නිල ම්ටමේ එකඟතාවයන් ඇතිවීමට ගත වන ස්වභාවික කාලය විපක්ෂයට නොදී ජනාධිපතිවරණයකට යෑම ඔවුන්ගේ උපක්රමයයි. මේ උපක්රමයට විපක්ෂය ඇතුලේ සිටින සමහර කොටස් දැනුවත්ව උදව් කරමින් සිටිනවාද යන සැකය මේ වන විට දේශපාලනය ගැන උනන්දුවන්නන් අතරේ සාකච්ඡා වේ.
http://elakiri.com/forum/showthread.php?p=17234423#post17234423
Last edited:
