රාත්රී කාලයේ භාවිතයට නොගන්නා ඩේටා වෙනුවෙන් යම් සාධාරණයක් ඉටු කිරීම සම්බන්ධයෙන් විදුලි සංදේශ නියාමන කොමිෂන් සභාව සිය අවධානය යොමුකර තිබෙනවා.
ඒ දිගින් දිගටම ලැබෙන පැමිණිල සලකා බැලීමෙන් අනතුරුවයි.
සියළු පාරිභෝගිකයින් වෙත සාධාරණය ඉටුවන පරිදි නව ක්රමවේදයක් හදුන්වාදීමට පියවර ගැනීම විදුලි සංදේශ නියාමන කොමිෂන් සභාවේ අපේක්ෂාවයි.
රාත්රී කාලයේ භාවිතයට නොගන්නා ඩේටා වෙනුවෙන් වැඩිපුර මුදලක් ගෙවීමට පාරිභෝගිකයින්ට සිදුව ඇති බවත්, එය වංචාවක් බව පාරිභෝගිකයින්ගේ විශ්වාසය වී ඇති බවත් රජය පවසනවා.
විදුලි සංදේශ නියාමන කොමිෂන් සභාව ප්රකාශ කළේ මේ කාරණයට විධිමත් විසදුමක් ලබාදීම කාලීන අවශ්යතාවක් වී ඇති බවයි.
මේ සම්බන්ධයෙන් ඊයේ පැවැති කැබිනට් තීරණ දැනුම් දීමේ මාධ්ය හමුවේදී අමාත්ය උදය ගම්මන්පිල මහතා පැවැසුවේ දහවල් කාලයේ අන්තර්ජාලයේ පවතින තදබදය අවම කර ගැනීම සදහා පාරිභෝගිකයා පෙළඹවීමට මෙලෙස රාත්රී කාලයේ සහ දහවලට අදාලවන පරිදි වෙන වෙනම ඩේටා ලබාදෙන ක්රමවේදයක් ක්රියාත්මක බවයි.
කෙසේ වුව ද බොහෝ දෙනෙකු විසින් භාවිතයට නොගන්නා රාත්රී ඩේටා වලට සාධාරණයක් ඉටුකිරීම සම්බන්ධයෙන් ප්රායෝගික විසදුමක් ලබා දීමට විදුලි සංදේශ නියාමන කොමිෂන් සභාව අවදානය යොමු කර ඇති බවද ඇමැතිවරයා පැවැසුවා.
