කෙළවරක් නැති වැස්ස. ඒ අස්සෙ මේ වගේ පරණ කතාත් මට මතක් වෙනවා.
මදුරාවෙ ඉඳං ලංකාවට වැඩම කරපු අයියනායක දෙවියන්ගෙ ප්රධාන ම කටයුත්ත වුණේ වියලි කලාපයේ ඒ වෙද්දි විනාශ වෙලා ගියපු වැව් ටික පිළිසකර කරවන එකලු. ඕං ඔය විදියට අයියනායක බණ්ඩාර හාන්දුරෝ තබ්බෝව වැවත් පිළිසකර කරවමින් හිටියා. ඒත් වැඩේ හිතපු තරම් ලේසි වුණේ නෑ. වැස්ස තද වුණා. වැව් බැම්මේ හදන හදන තැන් කඩාගෙන යන්න පටන් ගත්තා.
වැවේ රාජකාරි කරාපු අය මේ ගැන අයියනායක දෙයියන්ට සැල කළා. උන්නාන්සේ මේකට හේතු හෙව්වා. අමනුෂ්යයො වැවේ රාජකාරි කෙළවරක් කරන්න දෙන්නෑ. අයියනායක හාන්දුරෝ කපුවට ඇහෙන්න මෙහෙම කීවලු.
ජල වීරිය වැඩි වුණා
කළ වීරිය මදි වුණා
හක් බොන්දිය ගං කපුවේ
වර කපුවේ වරෝ
අයියනා බණ්ඩාර දෙයියන්ගෙ අණ තෙද සත්ත තියෙන දේවාභරණයක් තමයි හක් බොන්දිය. හක් බොන්දිය අරගෙන වැව හදන තැනට යන්ඩ කියල යි ඒ විදියට උන්නාන්සේ කීවෙ. කපු උන්නැහේ දෙයි හාන්දුරෝ කියාපු විදියට වැඩේ කළා. ආයෙ තබ්බෝව වැවට ආන්තරාවක් උනේ නැතිලු.
වියලි කලාපයේ වැව් ආශ්රිත කටයුතුවල දි අයියනායක දෙවියන්ට මුල් තැන දෙන්නෙ උන්නාන්සේ සම්බන්ධ ඉතිහාසය මේ විදියට වැව් එක්ක ම බැඳිලා තියෙන නිසා වෙන්න ඇති. එන්න එන්න ම වෙන වැස්සෙන් වැවකට හානියක් වෙන්න පුළුවන් බව තේරුණොත් හත්කෝරලේ, නුවරකලාවියෙ මිනිස්සු මෑතක් වන තුරු ම (ඇතැම්විට අදටත්) අයියනායක දෙවියන්ගෙ නම සිහි කරනවා. පූජා වෙඩිලි තියනවා. කවිවලින්, යාදිනිවලින් පිහිට බලාපොරොත්තු වෙනවා.
එන්නා රළ කඳු අලි ඇතු වාගේ වෑ කඳු ජලයෙන් උතුරන්නා
වෙන්නා කාරිය දන්නා හින්දා වෑ කඳු මුදුනට නගිමින්නා
හුන්නාකඩ වෙඩි මුර තුන දුන්නා කානාකාරිය කියමින්නා
යන්නා රලගෙඩි ආපිට යන්නා අප දෙවි සාමිගෙ බල පෙන්නා
Shakila Rajakaruna
- ඡායාරූපය ෆේස්බුක් මඟිනි.
මදුරාවෙ ඉඳං ලංකාවට වැඩම කරපු අයියනායක දෙවියන්ගෙ ප්රධාන ම කටයුත්ත වුණේ වියලි කලාපයේ ඒ වෙද්දි විනාශ වෙලා ගියපු වැව් ටික පිළිසකර කරවන එකලු. ඕං ඔය විදියට අයියනායක බණ්ඩාර හාන්දුරෝ තබ්බෝව වැවත් පිළිසකර කරවමින් හිටියා. ඒත් වැඩේ හිතපු තරම් ලේසි වුණේ නෑ. වැස්ස තද වුණා. වැව් බැම්මේ හදන හදන තැන් කඩාගෙන යන්න පටන් ගත්තා.
වැවේ රාජකාරි කරාපු අය මේ ගැන අයියනායක දෙයියන්ට සැල කළා. උන්නාන්සේ මේකට හේතු හෙව්වා. අමනුෂ්යයො වැවේ රාජකාරි කෙළවරක් කරන්න දෙන්නෑ. අයියනායක හාන්දුරෝ කපුවට ඇහෙන්න මෙහෙම කීවලු.
ජල වීරිය වැඩි වුණා
කළ වීරිය මදි වුණා
හක් බොන්දිය ගං කපුවේ
වර කපුවේ වරෝ
අයියනා බණ්ඩාර දෙයියන්ගෙ අණ තෙද සත්ත තියෙන දේවාභරණයක් තමයි හක් බොන්දිය. හක් බොන්දිය අරගෙන වැව හදන තැනට යන්ඩ කියල යි ඒ විදියට උන්නාන්සේ කීවෙ. කපු උන්නැහේ දෙයි හාන්දුරෝ කියාපු විදියට වැඩේ කළා. ආයෙ තබ්බෝව වැවට ආන්තරාවක් උනේ නැතිලු.
වියලි කලාපයේ වැව් ආශ්රිත කටයුතුවල දි අයියනායක දෙවියන්ට මුල් තැන දෙන්නෙ උන්නාන්සේ සම්බන්ධ ඉතිහාසය මේ විදියට වැව් එක්ක ම බැඳිලා තියෙන නිසා වෙන්න ඇති. එන්න එන්න ම වෙන වැස්සෙන් වැවකට හානියක් වෙන්න පුළුවන් බව තේරුණොත් හත්කෝරලේ, නුවරකලාවියෙ මිනිස්සු මෑතක් වන තුරු ම (ඇතැම්විට අදටත්) අයියනායක දෙවියන්ගෙ නම සිහි කරනවා. පූජා වෙඩිලි තියනවා. කවිවලින්, යාදිනිවලින් පිහිට බලාපොරොත්තු වෙනවා.
එන්නා රළ කඳු අලි ඇතු වාගේ වෑ කඳු ජලයෙන් උතුරන්නා
වෙන්නා කාරිය දන්නා හින්දා වෑ කඳු මුදුනට නගිමින්නා
හුන්නාකඩ වෙඩි මුර තුන දුන්නා කානාකාරිය කියමින්නා
යන්නා රලගෙඩි ආපිට යන්නා අප දෙවි සාමිගෙ බල පෙන්නා
Shakila Rajakaruna
- ඡායාරූපය ෆේස්බුක් මඟිනි.
