මේ තියෙන්නෙ ලෝකේ බිහිසුණුම ෆොටෝ වලින් එකක්.
මේ ෆොටෝ එක විතරක් නෙවේ මේක පිටිපස්සේ තියෙන කතාවත් ගොඩක් බිහිසුණු එකක්.
මේ ෆොටෝ එක ගන්නේ 1985 නොවැම්බර් 15 වන දින ප්රංශ ඡායාරූප ශිල්පී " ෆ්රෑන්ක් ෆෝනියර් " විසින් !
ෆ්රෑන්ක් ෆෝනියර්
ඉතින් මේ බිහිසුණු ජායාරූපය මොකක්ද ?
1985 නොවැම්බර් 13 වන දින නෙවාඩෝ ඩෙල් රුයිස් ගිනි කන්ද පුපුරා යාමෙන් මිනිසුන් විසිපන්දහසකට අධික ප්රමාණයක් මියයනවා.
එම පිපිරීයාමෙන් ගලා ආ රොන් මඩ හේතුවෙන් 13 හැවිරිදි "ඔමයිරා සැන්චෙස් " මේ විදියට සුන්බුන් අතරේ හිරවෙනවා.
ඇයව ගොඩට ගන්න කොතරම් උත්සහ කලත් ඇයගේ ඉනෙන් පහල කොටස යම්කිසි දෙයක සිරවී තිබූ නිසා ඇයව ගොඩගැනීමට හැකිවන්නේ නෑ.
විනාඩි පැය බවට පත් කරමින් කාලය ගෙවී ගියා !
බොහෝ ගලවාගැනීමේ කණ්ඩායම් එකතු වී ඇයව ගොඩට ගැනීමට උත්සහ කලත් නොනවතින වර්ෂාව සහ රොන්මඩ ගලා ඒම නිසා කාර්යය සාර්ථක වුනේ නැහැ.
"ඔමයිරා" මේ ආකාරයෙන් සිරවී පැය 30 ක් පමණ ගතවන විට ඇයගේ ඉනෙන් පහල කොටසේ රුධිර සංසරණය නැවතී ඇති බවට වෛද්යවරුන් විසින් සොයාගන්නවා.
එයට අනුව ඇයගේ ඉනෙන් පහල කොටස තද යම්කිසි දෙයකට හිර වීමෙන් රුධිර ගමනාගමනය පවා ඇහිරී ඇති බවට අනුමාන කරනවා.
රුධිර ගමනාගමනය අඩාල වීම හේතුවෙන් පැය 40 ක් පමණ ගතවන විට ඇයගේ මුහුණ රතු පැහැති වෙමින් ඉදිමෙන්නට පටන්ගෙන තිබුණා .
ඒ වනවිට ඇයගේ ඇස්වල සුදුපැහැය සම්පූර්ණයෙන්ම අතුරුදන් වී ගොස් සම්පූර්ණ කලු පැහැයට හැරී තිබුණා.
කෙසේ හෝ ඇය මෙලෙස සුන්බුන් තුල සිරවී සිටින විට විවිධ මාධ්ය වාර්තා කරුවන් සමඟත් ඇය ඇයගේ අදහස් හුවමාරු කරගත්තා.
කාලය කෙමෙන් ගතවන විට ඇයගේ සිහිය විකල් වෙමින් පියවි සිහිය ඇයගෙන් ගිලීහි යන්නට වුනා.
පැය 60 කට පමණ පසු ඇයගේ අවසන් මොහොත ලඟාවන බව තේරුම් ගත් ඡායාරූප ශිල්පී "ෆ්රෑන්ක්" විසින්, "ඔමයිරා" ගේ ජීවිතයේ අවසාන මොහොත මේ ආකාරයෙන් තමන්ගේ කැමරාවේ සටහන් කරගත්තා.
සුන්බුන් සහ රොන්මඩ අතර පැය 60 කට අධික කාලයක් සිරවී සිට අවසන් හුස්ම හෙලූ "ඔමයිරා" ගේ දේහය ගොඩට ගැනීමටත් වර්ෂාව සහ රොන්මඩ ගලා ඒම නවතින තෙක් සිටින්නට සිද්ධ වුනා.
අවසානයේ ඇයගේ ඉනෙන් පහල කොටස ගඩොල් බිත්තියකට යටවී තිබූ බව සොයාගත් අතර ඇයගේ පාද අසලම ඇයගේ නැන්දාද බිත්තියට යටවීමෙන් මියගොස් තිබුණා.
(උපුටා ගැනීමකි.)
