ලෝකයේ වේගවත්ම අන්තර්ජාල පහසුකම් ඇති රටවල්

kpg

Well-known member
  • Jun 3, 2008
    3,445
    1,805
    113
    In My Home

    සිංගප්පූරුව

    01-21.jpg


    සිංගප්පූරුව කියන්නෙ ඉතාම කෙටි කාලයකදී සීග්‍ර දියුණුවක් අත්පත් කරගත්තු රටක්. විශේෂයෙන් ඉතා ඉහළ ඒක පුද්ගල ආදායමක් සහිත රටක් තමයි සිංගප්පූරුව කියන්නෙ. ඉතින් මේ ලිස්ට් එකේ පළවෙනි තැනට ආවා කියන එකේ පුදුමෙකුත් නෑ ඒක අතකට. ඉතින් සිංගප්පූරුවේ අන්තර්ජාල වේගය (ස්ථාවර) 226.6 mbps වගේ ඉහළ අගයක පවතිනවා. සිංගප්පූරුවේ ජනගහණය මිලියන 5.9කට කිට්ටුයි. මේ රටේ මොබයිල් ස්පීඩ් එකත් 60.52 mbps වගේ අගයක පවතිනවා. ඒ වගේම සිංගප්පූරුව ඉතාම කුඩා රටක් වීමත් මේ විදිහට වේගවත් අන්තර්ජාල පහසුකම් සඳහා බලපාලා තියෙනවා.



    හොංකොං

    02-21.jpg


    ලෝක ජනගහණ දර්ශකයේ අංක 104 තැන ඉන්න හොංකොං රාජ්‍යය තමයි මේ ලිස්ට් එකේ දෙවෙනි තැන අරන් තියෙන්නෙ. හොංකොං වල ස්ථාවර අන්තර්ජාල සම්බන්ධතාවයේ (Fixed Broadband) වේගය 210.73 mbps ක් වෙනවා. මොබයිල් ස්පීඩ් එක 5.96 mbps ක් වෙනවා. හොංකොං වල ජනගහණය මිලියන 7.5ක් වගේ තමයි වෙන්නෙ. හොංකොං වල 5G තාක්ෂණයත් ක්‍රියාත්මක වෙනවා. විශේෂයෙන් මේ රටේ අන්තර්ජාල සේවාවන් වෙනුවෙන් කරලා තියෙන විශාල ආයෝජන ප්‍රමාණයත් මේ සඳහා ප්‍රබල සාධකයක්.



    රුමේනියාව

    03-21.jpg


    මේ රටේ වැසියන් රට අතහැර යාම නිසා ජනගහණ වර්ධන වේගය ඍණ අගයක් වෙලා තියෙන රටක් තමයි රුමේනියාව කියන්නෙ. කොහොම වුණත් මේ රට වේගවත්ම අන්තර්ජාල පහසුකම් සපයන රටවල් අතරින් තුන්වෙනි ස්ථානයට පත් වෙලා තියෙනවා. රුමේනියාවේ ස්ථාවර අන්තර්ජාල පහසුකම් වල වේගය 193.47 mbps ලෙස සඳහන් වෙනවා. ඒ වගේම ජංගම අන්තර්ජාල පහසුකම් වල වේගය 40.35 mbps ලෙසත් සඳහන් වෙනවා.

    ස්විට්සර්ලන්තය

    04-20.jpg


    අපි හැමෝම දන්න කියන ඉතාම දියුණු රටක් විදිහට ස්විට්සර්ලන්තය හඳුන්වන්න පුළුවන්. ඒ වගේම ඉතාම හොඳ මානව සංවර්ධන දර්ශකයක් තියෙන රටක් තමයි ස්විට්සර්ලන්තය කියන්නෙ. ඊටත් අමතරව, ස්විට්සර්ලන්තය කියන්නෙ ලෝකයේ හොඳම පාස්පෝට් එක තියෙන රටවල් වලින් එකක්. ඒ වගේම අන්තර්ජාල පහසුකම් වෙනුවෙන් ලොකු ආයෝජන කරන රටක්. ඉතින් ස්විට්සර්ලන්තයේ ස්ථාවර අන්තර්ජාල පහසුකම් වල වේගය 178.81 mbps පමණ වෙනවා. ඒ වගේම ජංගම අන්තර්ජාල පහසුකම් වල වේගය 64.1 mbps වගේ වෙනවා.



    තායිලන්තය

    05-21.jpg


    තායිලන්තය තමයි අපි මේ සඳහන් කරපු ලැයිස්තුවේ වැඩිම ජනගහණයක් ඉන්න රට. ඒ මිලියන 69ක්. ඉතින් කුඩා රටක් වුණත්, ජනගහණයත් සාපේක්ෂව වැඩි වුණත් අන්තර්ජාල පහසුකම් සැපයීම වෙනුවෙන් වැඩි ආයෝජනයක් කරලා තියෙන රටක්. තවමත් රාජාණ්ඩු ක්‍රමය පවත්වාගෙන යන තායිලන්තයේ ස්ථාවර අන්තර්ජාල සම්බන්ධතාවල වේගය 175.22 mbps විදිහට දැක්වෙනවා. ඒ ලෝකයේ පස්වෙනි තැනට වේගවත්ම අන්තර්ජාල වේගය තියෙන රට විදිහට. තායිලන්තයේ ජංගම අන්තර්ජාල වේගය 34.38 mbps පමණ වෙනවා.



    ප්‍රංශය

    06-21.jpg


    අයිෆල් කුළුණ කියන්නෙ ප්‍රංශයේ හැඳුනුම්පත වගේ කියලා කිව්වොත් වඩා නිවැරදියි. ප්‍රංශය කියන්නෙත් ඉතාම හොඳින් සංවර්ධනය වෙච්ච දියුණු රටක්. ඒක පුද්ගල අදායම ඩොලර් 40000ට වඩා වැඩියි. ඉතින් එච්චර දියුණු රටක අන්තර්ජාල පහසුකම් නොදියුණු තත්ත්වයක පවතින්න විදිහක් නෑනේ. ඉතින් ප්‍රංශයේ ස්ථාවර අන්තර්ජාල සම්බන්ධතා වල වේගය 173.05 mbps පමණ වෙනවා කියලා වාර්තා වල සඳහන් වෙනවා. ඒ වගේම ජංගම අන්තර්ජාල පහසුකම් වල වේගය 49.82 mbps පමණ වෙනවා කියලා වාර්තා වෙනවා. ඒ විදිහට ගත්තම මේ ලැයිස්තුවේ හය වෙනි ස්ථානය ප්‍රංශයට හිමි වෙනවා.

    ඩෙන්මාර්කය

    07-20.jpg


    ඩෙන්මාර්කය කියන්නෙත් ඉතාම ඉහළ ආර්ථික ස්ථායීතාවයක් තියෙන ගොඩක් දියුණු රටක්. ඉහළම ජීවන තත්ත්වයක් තියෙන රටවල් අතරින් මුල් ස්ථානවල තියෙන රටක් තමයි ඩෙන්මාර්කය. ඉතින් වේගවත්ම අන්තර්ජාල පහසුකම් තියෙන රටවල් අතර හත් වෙනි ස්ථානය ලබාගන්න ඩෙන්මාර්කය සමත් වෙලා තියෙනවා. ඒ 2021 නවතම වාර්තා වලට අනුව. ඉතින් ඒ වාර්තා වලට අනුව ඩෙන්මාර්කයේ ස්ථාවර අන්තර්ජාල පහසුකම් වල වේගය 162.08 mbps පමණ වෙනවා කියල දක්වලා තියෙනවා. ජංගම අන්තර්ජාල වේගය 63.86 mbps පමණ වෙනවා.