ආරක්ෂක මාණ්ඩලික ප්රධානී ජෙනරාල් ශවේන්ද්ර සිල්වා ආණ්ඩුව පෙරලීමේ කුමන්ත්රණයකට හවුල් වූ බවට පාර්ලිමේන්තු මන්ත්රී විමල් වීරවංශ විසින් අසත්ය සහ පදනම් විරහිත චෝදනා එල්ල කළ බව කියමින් විමල් වීරවංශ මන්ත්රීවරයාට එරෙහිව එන්තරවාසියක් යොමු කොට ඇත.
ආරක්ෂක මාණ්ඩලික ප්රධානී ජෙනරාල් ශවේන්ද්ර සිල්වා විසින් හිටපු අමාත්ය සහ පාර්ලිමේන්තු මන්ත්රී විමල් වීරවංශ සිය නව පොත එළිදැක්වීමේ උත්සවයේදී කළ ප්රකාශයන් සම්බන්ධයෙන් ජෙනරාල් සිල්වාගේ නීතිඥයින් විසින් එම එන්තරවාසිය යොමු කර ඇත.වීරවංශ මන්ත්රීවරයා 2023 අප්රේල් 25 වැනි දින ශ්රී ලංකා පදනම් ආයතනයේ පැවති ‘නමය සැගවුණු කතාව’ ග්රන්ථය එළිදැක්වීමේ උත්සවයේදී කළ කතාවේදී මෙන්ම එම කෘතියේම එම චෝදනා එල්ල කර ඇති බවට මෙහිදී චෝදනා කර ඇත.
හිරු ටීවී නාලිකාවේ විකාශය වූ ‘සලකුණ’ රූපවාහිනී වැඩසටහනකදී සහ තවත් අවස්ථා රැසකදී මන්ත්රීවරයා මෙවැනිම ප්රකාශ කළ බවටද චෝදනා එල්ල වී ඇත
තමාට සහ ශ්රී ලංකා යුද හමුදාවට අදාළව මන්ත්රීවරයා කළ ප්රකාශ සම්පූර්ණයෙන්ම අසත්ය සහ පදනම් විරහිත බව ජෙනරාල් ශවේන්ද්ර සිල්වා සිය එන්තරවාසියේ වැඩිදුරටත් සඳහන් කර ඇත.
වසර 40 කට ආසන්න කාලයක් ජාතියට කළ නොකැළැල් සේවය හේතුවෙන් ජෙනරාල් ශවේන්ද්ර සිල්වා මහතාට අපකීර්තියක් ගෙන දීමටත් දේශීය හා විදේශීය වශයෙන් ඔහු වෙහෙස මහන්සි වී උපයාගත් හොඳ නම සහ කීර්ති නාමයත් කැළැල් කිරීමේ යටි අරමුණක් ඇතිව ඒවා ව්යාජ ලෙස සකස් කර පළ කර ඇති බව එහි තවදුරටත් සඳහන් වේ.
- https://lankasara.com/si/පුවත්/ශවේන්ද්රගෙන්-විමල්ට-එන්/
