සත්ත්වෝද්යානවල සතුන් උග්ර ආහාර අර්බුදයක
දෙහිවල සත්ත්වෝද්යානය ඇතුළු අනෙකුත් සත්ත්වෝද්යානවල සිටින සතුන් උග්ර ආහාර අර්බුදයකට ලක්ව තිබෙනවා.
ඒ දිනපතා ආහාර සැපයීමට අවශ්ය මූල්ය ප්රතිපාදන නොමැතිවීම හේතුවෙන්.
විදේශ සංචාරකයන් පැමිණීම අඩුවීම, ඉන්ධන හිඟය හේතුවෙන් දේශීය සංචාරකයන්ගේ පැමිණීම අඩුවීම සහ ආහාර ද්රව්යවල මිල සීග්රයෙන් ඉහළ යාම මෙලෙස මුල්ය ප්රතිපාදන නොමැතිවීමට හේතු වී ඇති බවයි සත්ත්වෝද්යාන දෙපාර්තමේන්තුව සඳහන් කළේ.
එමෙන් ම සත්ත්ව ආහාර සැපැයුම්කරුවන් සඳහා රුපියල් මිලියන 60කට අසන්න හිඟ මුදලක් ගෙවීමට තිබෙන බව ද සඳහන්.
මෙම වසරේ ඉදිරි කාලය සඳහා සත්ත්ව ආහාර වෙනුවෙන් රුපියල් මිලියන එකසිය විස්සක මුදලක් වැය වන බව ද සත්ත්වෝද්යාන දෙපාර්තමේන්තුව සඳහන් කළා.
එමෙන්ම, නඩු භාණ්ඩ වශයෙන් අධිකරණ භාරයේ සිටින අලින් සඳහා වසරකට රුපියල් මිලියන හතළිස් පහක මුදලක් වැය වන බව ද එම දෙපාර්තමේන්තුව පවසනවා.
මෙම සියලු කරුණු සැලකිල්ලට ගනිමින් මහාභාණ්ඩාගාරය සමග සාකච්ඡා කර එම මූල්ය ප්රතිපාදන ලබා දීම සඳහා පියවර ගැනීමට කෘෂිකර්ම, වනජීවී හා වන සංරක්ෂණ ඇමති මහින්ද අමරවීර මහතා තීරණය කර ඇති බවද සඳහන්.
https://liveat8.lk/සත්ත්වෝද්යානවල-සතුන්-උග/
