සින්හල සින්දු පිටුව - Sinhala Sindu Pituwa

[blacktulip]

සිංහල සින්දු කියන
නළලේ තිලක තියන කිරිලිලී
තුඩින් හදවතක් අරගෙන
ගිනිගත් තල් අරඹට ආවාදෝ ඉගිල්ලී

දිව නුහුරු බසින් පෙම් කවි කී කුරුල්ලාට වශීවී
ගිනි මලින් තැනු මල් පොකුරක් අතට ගත්ත මනාලී
මදුසමේ මදුර කටු අතරේ පිපී වැනුන සුරූපී

ගිනි අවීත් එක්ක පෙමින් බැදුන විහග සෙනග අඩා වී
ඒ කදුළු සිංහලට නගන්න නුඹට හැකිය ප්‍රියා වී
ආදරය නුඹට බාරයි රැකගන්න දේවතා වී​

 

[blacktulip]

නින්ද නැති රැයේ සඳ කඳුළු මීදුමේ
හැංගිලා අඬන්නෙ ඇයිද ප්‍රථම ප්‍රේමයේ
තාරකා දියේ ගිලී නිල් එළිය නිවේ
වැහි බිංදු වැටේවි රෝස පෙති කඩා හැලේ

කිළිපොළා සැලී යමින් නොහිටි සීතලේ
තුරුළු වෙමි දෙනෙත් පියා ඔබගෙ උණුසුමේ
ජීවිතය ඉතින් අපේ සිහිනයක් නොවේ
හෙට උදේම අවදිවී යා යුතුව තිබේ

රැය ගෙවේ සඳත් නිවේ දුරයි ජීවිතේ
ඉතින් අවසරයි මගේ පුංචි කුමරියේ
කටුවලට දෙතොල් තියා මලක් නැති ගසේ
සිඹිමි එකම හාදුවයි සොඳුර ඒ මගේ​

 

[blacktulip]

දුක හාදු දෙන රැයේ සිත පතුලටම වෙලා
යෞවනේ අපට විය විරහී හද ගිලන් වෙලා

ගහ කොළද මල් පිපේ ඇල දොල නිල කඩා හැලේ
පෙර දාක මිරිගු සයුරේ ඒ රුවට රැවටුනේ

නන්නාඳුනන ලෙසේ මග තොට යලිත් හමු වෙලා
මහ මෙර හිසින් දරාගෙන අපි යමු දුරස් වෙලා​

 

[ac2000]

 

[blacktulip]

පිහිටක් නැති ... සරණක් නැති
සතුටක් ඇති ... මුහුණක් නැති
මේ සසර දනවුවේ , අපි අසරණ වෙලා වගේ ..

හිතට දැනෙනවා ......බුදුහාමුදුරුවනේ ......

හබලක් නැති ....ඔරුවක් ඇති
මිනිසුන් වෙති ...වෙරළක් ඇති
මේ සසර දනවුවේ , අපි අසරණ වෙලා වගේ ..
හිතට දැනෙනවා ......බුදුහාමුදුරුවනේ ........

නිවනක් ඇති ....ගෙදරක් නැති
ගමනක් වෙති... වෙනසක් නැති
මේ සසර දනවුවේ , අපි අසරණ වෙලා වගේ ..
හිතට දැනෙනවා ......බුදුහාමුදුරුවනේ .......​

 

[blacktulip]

පියමන් කෙරුවෙමු මහ වෙල් මැද්දෙන්
පෙම් බස් දෙඩුවෙමු උයන් කොනෙක හිද
ශිල්ප උගත්තෙමු නැණ ලැබ ගත්තෙමු
දෙපා වාරු නැත ඔබ හැර යන්නට


නිල් තන පලසෙ ගැටුනු දෙපාවයි
කෝල හැගුම් කෙලි කවට සිනාවයි
මල් නැටුමයි කලගෙඩි නැටුමයි
මගේ දෑස තුල යලිත් ඇදේවිද
මගේ දෑස තුල යලිත් ඇදේවිද


නෙත කදුලින් හස කැනින් මුවාකල
සොදුරු පැතුම් පුරවා මනමත් කල
මගෙ කෙලිලොල් විය ගෙවුනු වගයි
මා හැදු පාසල් මවුනි දයාබර
මා හැදු පාසල් මවුනි දයාබර​

 

[blacktulip]

සිහිනෙන් ඔබ මට පෙනෙනවා නම්
අවදි නොවී ඉන්නම්
කිසිදා ඔබේ අත නොලැබේ නම්
හැමදා තනි වෙන්නම්

ආසිරි ගී මැද පෝරුව මත හිඳ
මහපටැඟිලි බැඳ අතපැන් වත්කර
ඔබ කැඳවා යන්නම්
නැති නම් තනි වෙන්නම්

සිහිනෙන් ඔබ මට..

ජීවනේ ගමනේ බාධක දුක සැප
එකසේ පිලිගෙන හිනැ‍හෙනු මැන ඔබ
තනියට ලඟ ඉන්නම්
නැතිනම් තනි වෙන්නම් ​

 

[blacktulip]

මියුරු කල්පනා, නෙතක දැල්වුනා
අමයුරු රස, හසකැන් මැද
සිතක් හිනැහුනා...
වරෙක නැලවුනා, වරෙක ලතැවුනා
නුපුරුදු ගිනි, දහසක් මැද
සිතක් මැලවුනා...
මියුරු කල්පනා...

හිමගිර මට වැලි අහුරකි
මහ සමුදුර දිය රැල්ලකි
කටු අකුලෙන්, මල් පුබුදමි
ඔබ සැනසේ නම්...

මියුරු කල්පනා...

පිනි බිඳකින් මුතු අමුණමි
දිණිසුරුගෙන් සීතල දෙමි
කඩුතුඩු මත, සැතපෙන්නෙමි
ඔබ සැනසේ නම්...

මියුරු කල්පනා...​

 

[blacktulip]

ආදරය සුන්දර වරදකි
කිසිදා සමාවක් නම් නැති
මට පෙන්නලා ආලේ හැටි
නුඹ දුන්නු දුක හොදටම ඇති

ඉදුවර නුවන් දෑලේ වැටී පැගී
දැහැනේ වෙලී උන්මාද වුයේ මා
වෙනෙකෙකූ දිහා බැලුමට යලි
මට නෙත් නැතැයි කෙදු‍රැවේ කවුරුන්දෝ

ආදරය සුන්දර...

පුළුවර තාලා වීණා බදින් දැවැටී
රතගැලි බැදී නින්නාදයේ අනුරා
හද ස්වර තලා කම්පිත‍ වේවි
මට පවා මා නැති කලේ කවුරුන්දෝ

ආදරය සුන්දර...​

 

[DT Dilan]

ela....

 

[blacktulip]

ගමට කලින් හිරු මුලු තැන් ගෙට වඩනා....
ඒ හිරු එලියෙන් නැන මල් පොඩි පිපුනා...
ඒ මල් සුවදේ අද ලෝ තුරු සුව විදිනා...
කළා වැවේ නිල් දියවර අපෙ අම්මා...

රෑ කලුවර අරගෙන දරුවන් එනතුරු
සිත නෑ නිවන් දකින්නේ
රෑ... කලුවර ඇවිදින් ඉකි බිද හැඩුවට
හිත නෑ නිදි විද ගන්නේ

හෙට අරුනට සැරසෙන තව දවසක් ගැන
නින්දේ සිහින දකින්නේ
මහ මායාවෙනි කවදාදෝ ඔය නෙත්
දරු සෙනෙහසින් මිදෙන්නේ...

විල්, දෙනි වල ඇවිදින දෙපා රිදෙන විට
විහඟ ගීත බණ පද වේවා...
බෝ මලුවක ඇවිලෙන පහන් වැටක් සේ
තුන් සිත නිවී සැදේවා...

මතු උපදින සසරෙ විශාඛාව වී
මෙත් මග නෙත් හමු වේවා...
ඇත් රජිණියනේ ඔබෙ නැලවිලි ගීතය
ලොවම නිවන කවියක් වේවා...​

​

 

[blacktulip]

සොඳුරිය . . .
කාලය කෙතරම් නපුරු ද
දිවි හිමියෙන් කඳුලැලි පුරවාගෙන
රැක ගත් තාලය උදුරා ගෙන ගිය
කාලය කෙතරම් නපුරු ද සොඳුරිය

පෙරුම් පුරා දුකසේ ගලපා ගත්
කවිය ඔබම වී නැලැවුණු යුගයක
හද රැඳි ඔබ රුව සිහිනෙක වත් නැත
ඒ රුව කොතරම් මිහිරි ද සොඳුරිය

ලොවට හොරා විලි ලා බිහි කර ගත්
වසන්තයේ සඳ මියැදුණු දවසක
බෙදා හදා ගත් දුකවත් අද නැත
ඒ දුක කොතරම් මිහිරි ද සොඳුරිය​

 

[gterral]

MARU KOLLO. OHOMA YAMU. MAMA ASHA KARANA SINDU TIKA.

 

[blacktulip]

මින්දද හී සර ‍වැදී සැලෙන හද
නංවන දුක් ගී ඔබ‍ට ඇසෙනවද
චන්දන මල් අතුරා ඇති යහනට
කන්ද කපා පායන් රන් පුන්සඳ

තුරගෙකු පිට නැගි නීල වලාකුලු
ගුවන් ගැබෙන් ඔබ ඇදෙන වෙලේ
පිබිදෙන දෑසින් බලා හිඳිමි මම
කුසුම් සිනා කැන් හද පුරවා

මෙතුවක් කල් මුව මඩල වසා සිටි
අන්ධකාර සලු පටින් මුදා
නෙත් මිණි පහනින් පහන් කරනු මැන
අනාගතේ මං පෙත පාදා​

 

[blacktulip]

මහ වැස්සක පෙර නිමිති පෙනෙනවා
කවුළුව අතරින් හිරිකඩ එනවා
මල්පැණි වඩියක උණුසුම ලබනට
යන්නට ඕනෑ කඩමණ්ඩිය වෙත
කබාය ඉරිලා ඊට කමක් නැහැ
කවුරු බලන්නද කවුරු දකින්නද
මා දැන් මහළු වියේ//

පාරට බැස්සම නොවැ සීතල වැඩි තනිකම ඊට වැඩි
හිරිපොද වැස්සේ එකම කුඩය යට
තෙරපී තෙරපී අර යුවලක් යන හැඩ
මමත් ඔහොම ගිය හැටි මතකයි
මට හොඳ හැටි මතකයි

මීවිතකින් ගත උණුසුම් වූවට සිත උණුසුම් වේදෝ
එපා එපා මීවිත මගෙ දෙතොලට
එපා එපා මීවිත මගෙ දෙතොලට
ආපසු මගෙ කුටියට යනවා මා ආපසු යනවා​

 

[blacktulip]

අඩවන් වූ දෙනෙතින් ගලනා
මෙත් මුදිතා කරුණා දහරා..........//

තෙමා තෙමා හද ගලා ගලා යන
ලොව් තුරු ගුණ මහිමේ
මහමෙවුනා උයනේ
සමාදී බුදු පිළිමේ........

පිරි ඉතිරි යන මහා වතුරක් සේ
ගලා හැලෙන සිහිලැල් ගගුලක් සේ
ගිමන් නිවාලන මේ භව කතරේ
නිවන් සදාලන බුදුගුණ මහිමේ.....​

 

[blacktulip]

සිහින දෙව් දුවේ
ඔබට තුන් ලොවේ
එකම නමයි මා දන්නේ
ඒ නම ආදරේ

සදෙහි ලප තියේ
මලෙහි කටු තියේ
උපමා නෑ සසදන්නේ
ඔබේ නම ආදරේ

චන්දන දියෙන් දොවාලා
ඔය නලලෙ අත තියාලා
මම ඔබ ලගයි කියාලා
දෙමි ලේ වලින් ලියාලා

කල්යානි නමට අමපෙම්
දිවි බදුන පුදකරන්නම්
ඉපදුනිද බවෙක කිසියම්
මුලු සසරෙදිම ඔබෙයි මන්

අවසාන මොහොත වේවා
ඔබ ලගදි ලගා වේවා
ගිනි නතිව මා දෑවේවා
සිහිවටන එහි මෑවේවා​

 

[blacktulip]

මා සඳට කැමති බව දැනගෙන
ඔබ සඳ අයින් කලා අහසින්
මා මලට කැමති බව දැනගෙන
ඔබ මල අයින් කලා නටුවෙන්

නොයිඳුල් තොල්පෙති අතරෙන්
උදුරාගෙන සිනාව
හදවත නැති මිනිසා ඔබ
නෙත කඳූලැලි ගෙනාව

මා සඳට කැමති බව දැනගෙන
ඔබ සඳ අයින් කලා අහසින්
මා මලට කැමති බව දැනගෙන
ඔබ මල අයින් කලා නටුවෙන්

එක්ටැම්ගෙයි සිරගත කල
සමනලියක අනාත
ජීවිතයම ඔබ අරගෙන
ඇති දුන් වේදනාව

මා සඳට කැමති බව දැනගෙන
ඔබ සඳ අයින් කලා අහසින්
මා මලට කැමති බව දැනගෙන
ඔබ මල අයින් කලා නටුවෙන්

Artist : Nanda Malani
Lyrics : Prof. Sunil Ariyarathne
Melody : Rohana Weerasinghe​

 

[GTRZ]

Good work bro!

 

[blacktulip]

Good work bro!

thanx bro..