පුත්තලම – තබ්බෝව ප්රදේශයේදී සිදුවී ඇති වෙඩි තැබීමකින් පුද්ගලයෙකු තුවාල ලබා ඇති බව කරුවලගස්වැව පොලිසිය සදහන් කරයි.
ඊයේ 30 වැනිදා රාත්රි 10.00 ට පමණ වෙඩි තැබීම සිදුවී ඇති අතර තුවාලකරු ප්රතිකාර සදහා පුත්තලම මූලික රෝහලට ඇතුලත් කර ඇත.
තුවාල ලබා ඇත්තේ පුත්තලම – පාවට්ටාමඩූව ප්රදේශයේ පදිංචිකරුවෙකු වන ජයන්ත රෝහණ නම් අයෙකි.
තුවාල ලබා ඇති අය තබ්බෝව ප්රදේශයේ පදිංචි කාන්තාවක් සමඟ අනියම් ඇසුරක් පවත්වා ගෙන ගොස් ඇත.ඔහු එම නිවසට පැමිණෙමින් සිටියදී වෙඩි තැබීම සිදු කර ඇති බව පොලිසිය කියයි.
වෙඩි තැබීම සදහා බෝර 12 ගිනි අවියක් භාවිතා කර ඇති බව විමර්ශන වලදී හෙලිවී ඇත. වෙඩි තැබීම සිදුවී ඇති ස්ථානයේ පදිංචි කාන්තාව සමග මීට පෙර අනියම් ඇසුරක් පවත්වා ඇති අයෙකු සිද්ධියට සම්බන්ධ බවට හදුනාගෙන ඇති බව පොලිසිය කියයි.
නොන්ඩි මහතුන් නමින් හදුන්වන සැකකරු ප්රදේශයෙන් පලා ගොස් ඇති බවද පොලිසිය වැඩිදුරටත් සදහන් කරයි.
කරුවලගස්වැව පොලිසිය වැඩිදුර පරික්ෂණ කරගෙන යයි.
dasathalankanews
