ජනප්රිය ‘කෝපිකඩේ’ ටෙලිනාට්යයේ අධ්යක්ෂවරයෙකු මෙන්ම ස්වාධීන රූපවාහිනී සේවයේ වැඩසටහන් නිෂ්පාදකවරයෙකු ලෙස කටයුතු කළ සුදම් චන්දිම දයාරත්න මහතා (53) අභිරහස් ලෙස මියගොස් තිබෙනවා. දෙදරු පියෙකු වන ඔහුගේ දේහය, කොළොන්නාව, සාලමුල්ල ප්රදේශයේ පිහිටි ඔහුගේ නිවසේ තිබී ඊයේ (ජූලි 21) දින සොයාගෙන ඇති බව වැල්ලම්පිටිය පොලීසිය තහවුරු කරයි.
දයාරත්න මහතාගේ බිරිඳ නිවසින් බැහැරව ගොස් සිටි අවස්ථාවක මෙම අවාසනාවන්ත සිදුවීම සිදුවී තිබෙනවා. සිය සැමියා දුරකථන ඇමතුම් වලට ප්රතිචාර නොදැක්වීම නිසා සැක සිතූ ඇය නැවත නිවසට පැමිණ පරීක්ෂා කර ඇත. නිවසේ දොරගුළු ඇතුළතින් වසා තිබීම හේතුවෙන්, දොර කඩා නිවසට ඇතුළු වූ අවස්ථාවේදී ඔහු කාමරයේ ඇඳක් මත මියගොස් සිටිනු ඇය විසින් දැක තිබෙනවා.
හදිසි රෝගී තත්ත්වයක් මෙම මරණයට හේතු වන්නට ඇති බවට පොලීසිය මූලික වශයෙන් සැක පළ කරයි. කොළොන්නාව වැඩබලන හදිසි මරණ පරීක්ෂක, සාමවිනිසුරු ප්රේමලතා අබේවර්ධන මහත්මිය විසින් සිද්ධිය වූ ස්ථානයේ පරීක්ෂණ පවත්වා තිබේ.
මරණයට නිශ්චිත හේතුව සොයාගැනීම සඳහා පශ්චාත් මරණ පරීක්ෂණයක් පැවැත්වීමට නියමිත අතර, දේහය කොළඹ පොලිස් මෘත ශරීරාගාරය වෙත යොමු කරන ලෙස නියෝග කර ඇත. වැල්ලම්පිටිය පොලීසිය සිද්ධිය සම්බන්ධයෙන් වැඩිදුර විමර්ශන සිදුකරයි. සුදම් චන්දිම දයාරත්න මහතාගේ හදිසි වියෝව කලා ක්ෂේත්රයට විශාල පාඩුවක්.
