දිනය: 2022 දෙසැම්බර් 30
මෙම වසරේ අවසන් දිනයන්හීදී ඔබ රාත්රී ආකාසය හොදින් නිරීක්ශනය කළහොත් "Taurus" තාරකා රාශියට අයත් කලාපය තුළ දීප්තිමත්ව දිස්වන අඟහරු ග්රහයා දැක ගත හැකිය. පහත දැක්වෙන ඡායාරූපයෙහි දීප්තිමත් කහපැහැයකින් යුක්තව දිස්වන අඟහරු ග්රහයාට අමතරව "Taurus" තාරකා රාශියට අයත් ඇල්ෆා තාරකාවක් (alpha star) වන "Aldebaran' තාරකාවත්, "Hyades' තාරකා පොකුර හා "සොයුරියන් සත්දෙනා" යන අනුවර්ථ නාමයෙන් හදුන්වනු ලබන "Pleiades" නම් විවෘත්ත තාරකා පොකුරු ද (open star clusters) දිස්වන අයුරු නිරීක්ශනය කළ හැකිය. "Aldebaran' තාරකාව මෙහිදී කහපැහැයෙන් දිස්වුවද එය රතු දැවැන්ත තාරකාවක් (Red Giant Star) වන අතර "Hyades' තාරකා පොකුරට අයත් තාරකාවක් නොවුන ද එම තාරකා පොකුරෙහි පවතින "V' අකුරෙහි හැඩයෙහි පහළ ලක්ෂයට වන්නට පිහිටා ඇති ආකාරයෙන් දිස්වේ.
පෘථිවියේ සිට ආලෝක වර්ෂ 151 ක් ඈතින් පිහිටි "Hyades'තාරකා පොකුර පෘථිවියට ආසන්නයෙන්ම පවතින විවෘත්ත තාරකා පොකුර වුවද එම තාරකා පොකුරට අයත්ව ඇති තාරකාවක් ලෙස මෙහිදී දිස්වන "Aldebaran' තාරකාව පිහිටා ඇත්තේ "Hyades'තාරකා පොකුරට පෘථිවියේ සිට පවතින දුරින් හරි අඩක ප්රමාණයකිනි. මේ අතර ඡායාරූපයෙහි දකුණු පසට වන්නට දිස්වන "Pleiades" විවෘත්ත තාරකා පොකුර පිහිටා ඇත්තේ පෘථිවියේ සිට ආලෝක වර්ෂ 400 ක් පමණ දුරකින් වන අතර මෙම තාරකා පොකුර "Messier 45" (M45) යන නාමයෙන් ද හදුන්වනු ලබයි. ග්රීක පුරා වෘත්තයන්ගේ එන "ඇට්ලස්' (Atlas) නම් දෙවියන්ගේ හා "Pleione" නම් දිව්යාංගනාවගේ දූවරුන් සත් දෙනා හදුන්වනු ලබන "Pleiades" යන නාමයෙන් මෙම තාරකා පොකුර හැදින්වීම සිදු කරයි.
Image Credit & Copyright: Gabor Balazs
Aldebaran (Red Giant Star)
Pleiades (Open Star Cluster)
Hyades (star cluster)
බම්ප්
, ISS එක නම් බලන්න පුළුවන්. මේඒ වගේ පෙනුන වෙලාවල ගත්තු ෆොටෝස් ගැන මං දාපු ත්රෙඩ්ස් ටිකක්.
දවසේ නාසා ඡායාරූපය: 2022 සැප්තැම්බර් 03 - සූර්යයා සහ චන්ද්රයා ඉදිරියෙන් ගමන් කළ ජාත්යන්තර අභ්යවකාශ මධ්යස්ථානය 
දවසේ නාසා ඡායාරූපය: 2022 නොවැම්බර් 12 - මැන්හැටන් නගරයට ඉහළින් දිස්වූ පූර්ණ චන්ද්රග්රහණය (Blood Moon lunar eclipse) 
සිතූ පැතූ අයුරින් ම හරියන, මිල මුදල් ලෙසටම ලැබෙන නිදුක් නිරෝගී සුභ නව වසරක් ම වේවා!!
