ලිපිය සැකසුම: 2023 වසරේ පෙබරවාරි මාසයෙහි අගභාගයේදී, එනම් මීට සති තුනකට පමණ ඉහතදී ස්පාඤ්ඤයේ, කැනරි දූපතෙහි පිහිටා ඇති "La Palma" අභ්යවකාශ නිරීක්ශනාගාරය මගින් සොයාගනු ලැබූ මෙම ග්රාහකය (Asteroid) නම් කර ඇත්තේ "2023 DZ2" ලෙසය. මීටර 64 ක (අඩි 210) විෂ්කම්භයකින් යුක්ත වූ මෙම ග්රාහකය එළඹෙන මාර්තු 25 වනදා, ජාත්යන්තර වේලාවෙන් (Coordinated Universal Time - UTC) පස්වරු 19:51 ට (ශ්රී ලංකා වේලාවෙන් මාර්තු 26 වනදා උදෑසන 01:21 ට) පෘථිවියට කිලෝමීටර 168 300 ක් ආසන්නයෙන් ගමන් කිරීමට නියමිතව තිබේ.
පෘථිවියේ සිට අපගේ චන්ද්රයාට පවතින ක්ලෝමීටර 384 400 ක දුර ප්රමාණයෙන් 4/10 ක, එනම් පෘථිවියේ සිට චන්ද්රයාට පවතින දුර ප්රමාණයෙන් 0.4 ක දුරකින් මෙම ග්රාහකය මෙදින පෘථිවිය පසුකරමින් ගමන් කරනු ඇත. "Apollo family of asteroids" නැතහොත් "near-earth asteroids" යන ග්රාහක කාණ්ඩයට අයත් වන මෙම "2023 DZ2" නම් ග්රාහකය නැවතත් 2026 වසරේ මාර්තු 27 වනදා පෘථිවිය ආසන්නයෙන් ගමන් කිරීමට නියමිතව ඇත. මෙම 2026 වසරේ සිදුකරන ගමනේදී මෙම ග්රාහකය පෘථිවිය හා ගැටීමට විශාල ඉඩප්රස්ථාවක් පැවතිය හැකි බවට විද්යාඥයන්ගේ විසින් මුලදී මත පළ කළ තිබුණද, මේ පිළිබද සිදුකළ වැඩිදුර අධ්යයනයන්ගෙන් හෙළි වූයේ මෙම ග්රාහකය පෘථිවිය හා ගැටීමට පවතින ඉඩප්රස්ථාව මිලියන 38 න් පංගුවක් (1-in-38 000 000) වැනි ඉතා අවම අගයක් ගන්නා බවයි.
ග්රාහකය කක්ෂගතව ඇති මාර්ගය
සූර්යයා මත හටගත් දැවැන්ත 'ටොර්නේඩෝව' (Solar Tornado) 
නැති වෙයි නේ?
මේ ග්රාහකේ යන්නෙ පෘථිවියෙ ඉදලා කිලෝමීටර 168 300 ක් ඈතින්.
