පසුගිය ජූනි 15 වන දින සූර්යයාට ආසන්නයෙන්ම පිහිටි ග්රහයා වන බුධ (Mercury) ග්රහයා, සූර්යයා උදාවීමට පෙර පැවති හිමිදිරි කාලයෙහි පෘථිවි ආකාසයේ දිස්වූයේ සූර්යයාට ඉතා ඈතින් වන්නට පිහිටා තිබෙන ආකාරයෙනි. මෙම ඡායාරූපයෙහි බුධ ග්රහයා හිරු උදාවට පෙර නැගෙනහිර ක්ෂිතිජයට වන්නට දර්ශනය වූයේ ඇන්ඩීස් (Andes) කදුකර මුදුනට ආසන්නව වන අතර එය කමරා කාචයට හසුකර ගෙන ඇත්තේ චිලී රාජ්යයේ පිහිටි 'Rio Hurtado' නම් තැනිතලා භූමියේ (valley of Rio Hurtado) සිටයි.ජූනි මාසයේ මේ ආකාරයට පෘථිවි ආකාසයේ රේඛීයව දිස්වන අනෙක් ග්රහයින් (Planetary Conjunction) වන සිකුරු, අඟහරු, බ්රහස්පති හා සෙනසුරු ග්රහයින් ද මෙම ඡායාරූපයට හසුකර ගෙන ඇති පුළුල් ක්ෂේත්ර දර්ශනය තුළින් නිරූපණය වන අයුරු නිරීක්ශනය කළ හැක.
මෙම ග්රහයින් පෙළ, පෘථිවියේ දක්ෂිණ අර්ධගෝලයෙහි (southern hemisphere) සිට නිරීක්ශනය කරන්නන්ට දිස්වීම සිදුවන්නේ මෙම ග්රහයින් ආකාසයේ උතුරු දෙසට වන්නට (උතුරු දෙසට නැඹුරුවන කෝණයකින්) වන අතර උතුරු අර්ධගෝලයෙහි (Northern hemisphere) සිට නිරීක්ශනය කරන්නන්ට මෙම ග්රහයින් පෙළ දිස්වනුයේ ආකාසයේ දකුණු දෙසට (දකුණු දෙසට නැඹුරුවන කෝණයකින්) වන්නටත්ය. ජූනි මාසයෙහි හිමිදිරි කාලයේ උතුරු හා දක්ෂිණ අර්ධගෝලයෙහි සිට පියවි ඇසින් නිරීක්ශනය කිරීමට ලැබෙන මෙම අපූරු දර්ශනය තුළින් මෙම ග්රහයින් ඒවාට සූර්යයාට පවතින දුර අනුව පිහිටා තිබෙන ආකාරය ද මනාව පෙන්නුම් කරයි.
Image Credit & Copyright: Elke Schulz (Daniel Verschatse Observatory)
නම් කරන ලද ඡායාරූපය
Rare 5-planet alignment comes into better view this week. Here's what to expect.
