"Lagoon" නිහාරිකාවේ (Lagoon Nebula) මධ්යයය චණ්ඩ සුළි සුළගක ස්වභාවය ගන්නා නව තාරකාවන් බිහිවීමේ ක්රියාවලියන් (star formation) සිදුවන කලාපයකි. පෘථිවියේ සිට ආලෝක වර්ෂ "5000" ඈතින් 'Archer' (Sagittarius) නම් තාරකා රාශියේ පිහිටා ඇති 'M8' යන අනුවර්ථ නාමයෙන් ද හදුන්වනු ලබන "Lagoon" නිහාරිකාව මධ්යයට වන්නට පිහිටා තිබෙන ආලෝක වර්ෂ අඩක (1/2) පමණ විශාලත්වයකින් යුක්ත වන දිගු පුනීල හැඩැති වලාකුළු ද්විත්වයක් පිහිටා ඇති ආකාරය මෙම ඡායාරූපය මගින් නිරීක්ශනය කළ හැකි අතර මෙම වළාකුළු, තාරකා සුළං (stellar winds) සහ ප්රබල තාරකාලෝකය ( energetic starlight) මගින් නිර්මාණය කර තිබේ. මෙම වළාකුළු පිහිටි කලාපය ඒකාලෝක කරනු ලබන්නේ ඊට යාබදව පිහිටා ඇති "Herschel 36" නම් තාරකාව විසිනි. මෙහි ඇති අනෙකුත් උණුසුම් යොවුන් තාරකාවන් විශාල දූවිලි ප්රාකාර මගින් ආවරණය කරගෙන පවතින අතර මෙම දූවිලි ප්රාකාර හේතුවෙන් එම තාරකාවන්ට රත් පැහැයක් ලබා දී ඇත. මෙම තාරකාවන්ගෙන් නිකුත් වන ශක්තිය මෙහි ඇති දූවිලි, වායූන් හා විවිධ උෂ්ණත්ව පරාසයන්ගෙන් යුක්ත වන යාබදව පිහිටි කලාපවලට ගලා ඒම හේතුවෙන් හටගත් සුළං හමායාමේදී මෙම පුනීල හැඩැති වළාකුළු නිර්මාණය වීම සිදුවී ඇති බව තාරකා විද්යාඥයන්ගේ මතය වී තිබේ. ආලෝක වර්ෂ 10 ක කලාපයක් පුරා විසිරී පවතින "Lagoon" නිහාරිකාවේ මෙම අපූරු ඡායාරූපය, හබල් දුරේක්ශය (Hubble Space Telescope) විසින් වර්ණ 6 ක් මගින් දිස්වන ආකාරයෙන් ඡායාරූප ගත කර තිබේ.
Image Credit: NASA, ESA, Hubble; Processing & Copyright: Mehmet Hakan Özsaraç
Lagoon Nebula
Last edited:
