Lagoon Nebula
"Chandra' අභ්යවකාශ දුරේක්ෂය (Chandra X-ray Observatory) මගින් ලබාගත් X-කිරණ දත්ත යොදාගනිමින් සකස් කළ පහත දැක්වෙන ඡායාරූපයෙන් නිරූපණය කෙරෙනුයේ "Lagoon Nebula" නම් වූ මනරම් විමෝචන නිහාරිකාවයි (emission nebula). පෘ ථිවියේ සිට ආලෝක වර්ෂ 4400 ක් ඈතින්, 'Sagittarius'තාරකා රාශියට අයත්ව පිහිටාතිබෙන මෙම විමෝචන නිහාරිකාව වඩාත් සක්රීය ලෙස නව තාරකාවන් උපැද්දවීම සිදුකරන ප්රදේශයක් (Active star forming region) ලෙස ද සැලකේ. මේ අතර 'Lagoon' නිහාරිකාව අයනීකරණයට ලක්වූ අන්තර්තාරකා පරමාණුක හයිඩ්රජන්වලින් සමන්විතව පවතින "H II ප්රදේශයක්" (H II region) ලෙස ද සලකනු ලබයි. තාරකා පොකුරු හා හයිඩ්රජන් වායුවෙන් ගහණව පවතින 'Lagoon' නිහාරිකාව පෙන්නුම් කෙරෙන පහත දැක්වෙන ඡායාරූපය මගින් ආලෝක වර්ෂ 35 ක් විෂ්කම්භයකින් යුක්ත වූ ප්රදේශයක් නිරූපණය කෙරේ.
"Lagoon Nebula" පිළිබදව මා මීට ඉහතදී ලියා පළ කළ ලිපි
දවසේ නාසා ඡායාරූපය: 2022 අගෝස්තු 08 - තාරකාවන්ගෙන් තොර වූ ස්වරූපයකින් නිරූපණය කරන ලද 'Lagoon' නිහාරිකාව (Lagoon Nebula) 
දවසේ නාසා ඡායාරූපය: 2022 මැයි 25 - "Lagoon" නිහාරිකාවේ ඇති සජීවී මධ්ය කලාපය Trifid Nebula
"Chandra'අභ්යවකාශ දුරේක්ෂය (Chandra X-ray Observatory) මගින් ලබාගත් X-කිරණ දත්ත යොදාගනිමින් සකස් කළ පහත දැක්වෙන ඡායාරූපයෙන් නිරූපණය කෙරෙනුයේ පෘථිවියේ සිට ආලෝක වර්ෂ 5200 ක් ඈතින්, 'Sagittarius' තාරකා රාශියට අයත්ව පිහිටා ඇති "Trifid Nebula" නමින් හදුන්වන මනරම් නිහාරිකාවයි. රතු විමෝචන නිහාරිකා (red emission nebula), නිල් පරාවර්තන නිහාරිකා (blue reflection nebula) සහ අඳුරු නිහාරිකා (dark nebula) යන නිහාරිකාවන් වර්ග ත්රිත්වයෙන්ම පෙන්නුම් කෙරෙන ලක්ෂණයන් මෙම "Trifid Nebula" මගින් පෙන්නුම් කිරීම සුවිශේෂී ලක්ෂණයක් ලෙස සදහන් කළ හැකිය.
"Trifid Nebula" පිළිබදව මා මීට ඉහතදී ලියා පළ කළ ලිපිය
දවසේ නාසා ඡායාරූපය: 2022 අගෝස්තු 05 - "Sagittarius" තාරකා රාශියේ පිහිටා ඇති "Trifid" නිහාරිකාවේ (Trifid Nebula) අසිරිය 
"Chandra' අභ්යවකාශ දුරේක්ෂය මගින් දුටු 'E0102' (1E 0102.2-7219) නම් වූ සුපර්නෝවා අවශේෂයන් (Supernova remnant) 
