පෙරවදන
රනිල් වික්රමසිංහ යනු දේශ දේශාන්තරයන් හි පතළාවූ කීර්ති නාමයක් ඇති මෙරට දේශපාලන ක්ෂේත්රයේ පහළවූ දැවැන්ත කෘතහස්ථ නායකයෙකි. ඔහු අත්අඩංගුවට පත්වූ මොහොතේ සිට රක්ෂිත බන්ධනාගාරගත වන තෙක් එවැන්නක් සිදුවෙතැයි කිසිවකුත් සිතුවා වන්නට බැරිය. මෙය පුද්ගලිකව ඒ මහතා සම්බන්ධව නොව, මෙරට සමස්ථ නෛතික තත්ත්වය සම්බන්ධව ගතහොත් ඓතිහාසික සිදුවීමක් වන බව නම් නොකියාම බැරිය.
ජ්යෝතිෂ්ය ශාස්ත්රීය විමසුම
මින් කෙටි කලකට පෙර රනිල් වික්රමසිංහ මහතාගේ ජන්ම කේන්ද්රය පිළිබඳ විශේෂ ලිපියක් මවිසින් ලියා පළකර ඇත. ඊට අනුව මේ කාලය තුල ඔහුට සෙනසුරු ගේ ඒරාෂ්ටක තත්වයක් පවතින බව පෙන්වා දුනිමි. ඒ හැරුණු කොට වෙනත් අපල තත්වයන් කිසිවක් පෙනෙන්නට නැත. උපත් කේන්ද්රය ද ග්රහ යෝග බල සහිත බලවත් එකකි. එම ලිපියේ මා සඳහන් කළ ප්රධානම කාරණය වුයේ යමෙකුට සෙනසුරු ගේ ඒරාෂ්ටක තත්වයක් උද්ගතව ඇති විට සෙසු යෝග ඵල දශා ඵල සියල්ල යටපත්වී ඒරාෂ්ටක ඵලය ප්රමුඛව ලැබෙන බවයි. වික්රමසිංහ මහතා සම්බන්ධ සියලු සිදුවීම් සම්බන්ධයෙන් එම ශාස්ත්රීය සිද්ධාන්තය 100%ක් සත්ය බවට සනාථවී තිබේ.
ඒරාෂ්ටකය ලබන්නට පෙර 2014 පමණ දක්වා ඔහු සෙනසුරු ගේ මහදශාව ගෙවමින් සිටියේය. ඒ සමස්ථ කාල වකවානුව තුල පරාජිතයකු ලෙස සිටින්නට ඔහුට සිදුවිය . එහිදී දශා ඵලය බලවත් වූ බව පෙනේ. සෙනසුරු දශාව ගෙවීමෙන් අනතුරුව යහපත් වූ ගුරු ගේ මහදශා කාලය උදාවිය. ඔහු ද රටේ අගමැති ධූරයට පත්ව ඉන් නොබෝ කාලයක දී අටවැනි විධායක ජනාධිපති වශයෙන් රටේ පළමු පුරවැසියා බවට පත්විය. ඉන් සුළු කලක් අවෑමෙන් සෙනසුරු ගේ ඒරාෂ්ටකය උදාවූ අතර මැතිවරණ පරාජයෙන් ඔහු බලයෙන් පහවී ඊයේ දිනයේ අත්අඩංගුවට පත්ව රක්ෂිත බන්ධනාගාර ගත විය. ගුරුට අයිති කාරිය ගුරු ද, සෙනසුරුට අයිති කාරිය සෙනසුරු ඉටුකර තිබේ.. ග්රහයෝ නම් තමන්ට අයත් රාජකාරිය හරියටම අකුරට ඉටුකරන කොට්ඨාශයකි. මිනිසුන්ගේ නිලය, ධනය, බලය, නම්බු නාම කිසිවක් ඔවුනට වැදගත් නොවේ. රනිල් ද මහින්ද ද සුදා ද අදාළ නැත.
මෙහි ඇති තවත් විශේෂ කාරණයක් වන්නේ මේ කාලය තුල සිදුවන සෙනසුරු ගේ වක්ර ගමන වේ. මේ නයින් ඉදිරියේ දී එළඹෙන්නේ රනිල් වික්රමසිංහ මහතා ගේ ජීවන ගමන් මගෙහි ඉතාම තීරණාත්මක කාල වකවානුවක් වනුඇති බව ඉඳුරා කිවහැකිය. ඇප ලබා ගෙදර යාමට ලැබීමෙන් සියල්ල විසඳෙන්නේ නැත. 2026 පෙබරවාරි 18 - 25 අතර කාලය තුල ප්රවේශම් වීම ඉතා වැදගත් වනු ඇති බව විශේෂයෙන් කියන්ටෝන!
