FYI
පන්දුවාර විස්සයි විස්ස ලෝක කුසලාන තරඟාවලිය තුල වඩාත් කතාබහට ලක්වුයේ ලංකාවේ චියර් ලිඩර්ස් ලාය.මේ පිලිබඳ අප විසින් විස්සයි විස්සේ ලෝකල් වැඩ යනුවෙන් ලිපියක් පළකිරීමෙන් හෙළිකොට සිටියේ මුදල් වංචාවක් මේ පිටුපස ඇති බවයි.
එම කරුණු සනාථ කරමින් මේ වනවිට ඇතැම් කරුණු හෙළිදරව් වී තිබේ. ලංකාවේ චියර් ලිඩර්ස් ලා වඩාත් හාස්යයට ලක් කලේ ඉන්දියාව විසිනි.
සමාජ ජාල වෙබ් අඩවි වල ඉන්දියාවේ ක්රිකට් ලෝලිහු ලංකාවේ චියර් ලිඩර්ස් ලාගේ ජායාරුප පල කරමින් සඳහන්කොට තිබුනේ "රාවණාට ඉන්දියාවේ සිටි සිතා පැහැරගෙන යාම සාධාරණ බවයි"
මෙම චියර් ලිඩර්ස් ලා යෙදවීම සම්බන්ධයෙන් වගකිව යුත්තේ කව්රුන්ද?
ශ්රී ලංකා ක්රිකට් ආයතනය මෙම චෝදනාවෙන් ලෙහෙසියෙන් ගැලවෙන්නේ ඔවුන්ට මෙය අදාළ නැති බව පවසමිනි. මෙහි වගකීම දැරිය යුත්තේ අන්තර්ජාතික ක්රිකට් කවුන්සිලයේ මෙරට නියෝජිතයන්ය.
ඒ අනුව කල සොයාබැලීමකදී හෙලිවුයේ අන්තර්ජාතික ක්රිකට් කවුන්සිලය විසින් දේශීය සමාගමකට මෙය බාර කර ඇති බවකි. ශ්රී ලංකා ක්රිකට් ආයතනය පවසන්නේ ඔවුන්ට එය බාරදීමට ප්රථම තමාගේ උපදෙස් ගැනීමට තිබු බවත් හොදම නර්තන කණ්ඩායම් යෝජනා කිරීමට ශ්රී ලංකා ක්රිකට් ආයතනයට හැකියාව තිබු බවය.
නමුත් අවාසනාවකට මෙන් එම දේශීය සමාගම හෝ අන්තර්ජාතික ක්රිකට් කවුන්සිලය මේ පිලිබඳ උපදෙස් ලබාගෙන නැත. මෙහි වගකීම ගත යුතු ලංකාවේ ලෝක T20 අධ්යක්ෂක උපේඛ අභයකෝන් මාධ්යයට මුහුණ දෙන්නේද නැත.