මෙවර අයවැය යටතේ වාහන සම්බන්ධයෙන් රජය විසින් ගනු ලබන තීරණ පිලිබඳව බොහෝ දෙනාගේ අවදානය යොමු වී තිබු අතර, එම යෝජනා පහත දක්වා ඇත.
* මෝටර් රථ අනතුරුවලට ලක්වන වාහන සම්බන්ධයෙන් ගාස්තුවක් අය කර ගැනීමටද, එම ගාස්තුව රක්ෂණයෙන් ප්රතිපුර්ණ කර ගැනීමට අවස්ථාව ලබා දීමට ද යෝජනා කර ඇත. මේ මගින්, සිදුවන මෝටර් රථ අනතුරු අවම කර ගැනීමට අපේක්ෂා කෙරේ.
* එමෙන්ම, වාහන නවීකරණය, වෙනස් කිරීම හා වැඩිදියුණු කිරිම සඳහා ගාස්තුවක් අය කිරීමටද, සමා කාලයක් ඇතුලත් දඩ මුදලක් ගෙවීමට යටත්ව ධාවනය කිරිමට යෝග්ය නිත්යානුකුලව ලියාපදිංචි කිරීමට ද යෝජනා කෙරේ.
*එසේම , නිදහස් කර ගැනිමට අදාළ බදු මුදල නොගෙවීම හා වෙනත් විවිධ හේතු හේතුවෙන් ශ්රී ලංකා රේගුවේ නවත්වා තිබෙන සියලුම වාහන නිදහස් කිරීමට ද යෝජනා කෙරේ. මෙලෙස නිදහස් කරනු ලබන්නේ අදාළ බදු මුදල් සහ දඩ මුදලක් ගෙවීමට යටත්වය.
* මෙම යෝජනා මගින් රුපියල් බිලියන 04ක අතිරේක ආදායමක් උපයා ගැනීමට අපේක්ෂා කෙරේ.
