ටාටා අලෙවිනොකරන කාර්

nalinweer · Oct 25, 2011

ටාටා අලෙවිනොකරන කාර්

ටාටා අලෙවිනොකරන කාර්

ජගුවර්, ලෑන්ඩ් රෝවර් වැනි අති සුඛෝපභෝගී ඉහළම වටිනාකමකින් යුත් වෙළඳ නාම තම ආධිපත්‍ය යටතට ගත් ඉන්දියාවේ ටාටා සමාගම තමන්ගේ තරම ලෝකයට ප්‍රදර්ශනය කරපු අලුත්ම තාලේ තමයි මේ.
මෙම නැනෝ කාරය නිපදවා තියෙන්නේ රන් රිදී සහ වටිනා මැණික්ගල්වලින්. වටිනාකම ඉන්දීය රුපියල් කෝටි 22 ක්.

සමාගමට විතරක් නෙවෙයි... ලෝකෙටම එකයි.

අනෙකුත් රථ වගේම පූර්ණ ක්‍රියාකාරීත්වයකින් යුත් මෙම අද්විතීය කාරය GOLD PLUS ආයතනයේ අසමසම වෙළඳනාම ප්‍රවර්ධන වැඩපිළිවෙලක සමාරම්භයයි.

nalinweer · Oct 25, 2011

ගෝල්ඩ්ප්ලස් නැනෝ කාරය රන් ආභරණවලින් සමන්විත එකම මෝටර් රථය ලෙස සැළකෙනවා.

වසර 5000 ක් තරම් ඉතිහාසයක් ඇති ඉන්දීය රත්‍රන් කාර්මාන්තයේ මෙය සිහිවටනයක් ද වනවා.

කැරට් 22 ඉස්තරම් රත්තරන් කිලෝග්‍රෑම් 22ක් රිදී කිලෝග්‍රෑම් 15 ක් සහ දියමන්ති පද්මරාග ඇතුළු තවත් මාහැඟි මැණික්වලින් මෙම මෝටර් රථයේ බඳ (BODY) සැරසිලා තිබෙනවා.

nalinweer · Oct 25, 2011

සියුම්, විචිත්‍රවත් සංකීර්ණ රන්කම්වලින් සැරසුණු මේ මන බඳින රථයට භාරතීය රන් කර්මාන්ත සම්ප්‍රදායේ විවිධ කුලක ඒකරාශී කෙරුණා.
නිෂ්පාදකයන්ට ප්‍රකාශ කළේ ඉන්දියාව පුරා විසිරී සිටින විවිධ රන්කකරුවන්ගේ අසමාන සිරිත් විරිත් සම්ප්‍රදායයන් හා තාක්ෂණය මෙය නිර්මාණයේදී උපයෝගී කරගත් බවයි.
රන් සහ මැණික් යොදා තනන ස්වර්ණාභරණ සෑම ඉන්දීය කාන්තාවකගේම සදාතනික සිහිනයක්.
වර්තමාන ඉන්දීය රන් කර්මාන්තකරුවන් මෙම සංකේතයට නිර්මාණාත්මකව නවාංග එක්කරනවා.
ඉතා සංකීර්ණ කැටයම්වලින්ද එහි අඩුවක් දකින්නට නොහැකියි.
මෙවැනි අති නවීන අති සංකීර්ණ නිෂ්පාදනයක් එළි දැක්වීම සිදුවුණේ විචිත්‍රවත් උළෙලකදී.
ඉන්දියාව පුරා පිහිටුවා ඇති GOLD PLUS ආයතනයේ ශාඛා 29 ක් වෙත මෙම සුන්දරිය ගමන් කිරීමට නියමිතයි.
නමුත් මතක තියාගන්න ඇයව මිලදී ගන්න නම් කාටවත්ම හැකියාවක් නැහැ.
ඒ ඇය අලෙවි කිරීමට නිෂ්පාදකයන්ගේ අදහසක් නොමැති නිසා.