පුත්තුන්ගේ මන දොල සඳහා කොළඹ නගරය වසා දෙවන වරටත් පැවැත්වෙන රේසිං කාර් තරඟය අද රාත්රී ආරම්භ වෙද්දී ජනතාවගේ කනට ගසමින් වහාම ක්රියාත්මක වන පරිදි අද මධ්යම රාත්රියේ සිට පෙට්රල් ලීටරයක මිල රුපියල් 10 කින් ඉහල දමා
තිබේ. නව මිල රුපියල් 159 කි.
මෙම රේස් එක නිසා කොළඹ අවට පිහිටි හෝටල් හි අද රාත්රී යොදා තිබූ සියළු උත්සව අවලංගු කිරීමට සිදුව ඇත. මන්ද යත් පැ
ය ගණනක් මාර්ග වසා දැමීමට සිදුව ඇති බැවිනි. අද දිනය ශ්රී ලංකාවේ නැකැත් දිනයක් බැවින් හිල්ටන්, ගලදාරි, ඉන්ටර්කොන්ටිනෙන්නටල්, රාමදා, තාජ් ආදී හෝටල් රැසක විවාහ උත්සව යොදා ගෙන තිබුනද ඒවා අවලංගු කිරීමට එම හෝටල් වලට සිදුවූ බවත් ඉන් මහත් පාඩුවක් ලැබූ බවත් හෝටල් සංගමයේ ප්රකාශකයෙකු zලංකා ඊ නිව්ස්Z වෙත පැවසීය.
හෝටල්හි සිට ගුවන් තොටුපොල බලා යන සහ ගුවන් තොටේ සිට හෝටල් බලා එන සංචාරකයන් ද ඉමහත් කරදරයකට පත්ව තිබේ. එක් තරඟ ඉසව්වක් සඳහා මාර්ග පැය දෙකක් පමණ වසා දැමෙන අතර එම කාලය තුල සංචාරකයන්ට තම වාහන තුලට වී කල් මැරීමට සිදුව තිබේ.
මෙසේ රේස් තැබීම හේතු කොට රේස් බැලීමට කියා සංචාරයකයන්ගේ දශමයකුදු වැඩි වීමක් සිදුව නැතැයිද හෝටල් සංගම් ප්රකාශකයා ලංකා ඊ නිව්ස් වෙත වැඩිදුරටත් පැවසීය.
මෙම රේසිං කාර් ධාවන තරඟය සඳහා රාජපක්ෂ පුතුන්ගේ මන දොල පිනවීම සඳහා පියා විසින් රේසිං කාර් බද්දෙන් නිදහස් කළ අතර එම අය වැය යෝජනා සහිත අයවැය විවාදය යද්දීම බදුනැති ලැම්බෝගිනි ලංකාවට ගොඩ බෑවේය.
වාර්තා වන අන්දමට මෙවර රේස් එක සඳහා ලැම්බෝගිනි වර්ගයේ කාර් 14 ක් ද සහිතව සියළුම රේසිං කාර් 34 ක් ලංකාවට බදු රහිතව ගෙන්වා තිබේ. දළ වශයෙන් ලංකාවට අහිමි වූ තීරු බදු මුදල කෝටි 540 කි
ජනාකීර්ණ කොළඹ අගනගරය උත්සව කාලයකදී මෙසේ වසා දැමීම සහ අවහිර කිරීම කිසි සේත්ම ලාබ දායක මෙන්ම ජනතාවට යෝග්ය කි්රයාවක් නොවුනද ඒ වගේ වගක් රාජපක්ෂවරුන්ට තිබුනේ නැත. කොළඹ ව්යාපාරිකයන්ගේ ව්යාපාර වැඩි කාලයේ මාර්ග අවහිරය නිසා තම ව්යාපාර පාඩු ලබන බව ඔව්හු මාධ්ය වෙත පවසා තිබිණ.
මහ දවාලේ නීති විරෝධීව රේස් පුහුණු වූ රථයක් ඊයේ මාර්ගයේ සේවය කරමින් සිටි සේවක පිරිසක් යට කළ අතර ඉන් අයෙක්ගේ තත්ත්වය බරපතල විය. අද දහවලේ දී ද රේස් පුහුණු වූ රථ දෙකක් එකිනෙක ගැටී අනතුරක් සිදුවිය.
සාමාන්ය දුප්පත් දරුවෙකුට දෙන, රුපියල් 400 ක විය යුතු සාමාන්ය කිරිපිටි පැකැට්ටුවක් බදු නිසා රුපියල් 800 ක්ව පැවතෙද්දී රාජපක්ෂ පුතුන් ගේ දොලදුක වෙනුවෙන් බදු රහිත ලැම්බෝගිනි ගෙන්වා අද පැවැත්වෙන රේසිං කාර් තරඟයේ උච්චතම අවස්ථාව නම් අද මධ්යම රාත්රියේ සිට පෙට්රල් ලීටරයක් රුපියල් 10 කින් වැඩි කිරීමය.
