Challenging to police
අන්තවාදීන් විසින් රඟදැක්වුණු ෆැෂන් බග් නාටකයද දැන් අවසන්ව ඇත. මේ සිද්ධියට අදාල අය හඳුණාගෙන ඇති බව පොලීසිය පවසා ඇත. අප අවධාරණය කරන්නේ මෙම සිද්ධියට අදාල අය පොලීසිය මගින් හඳුනා ගැනුනද ඔවුන්ව අත්අඩංගුවට නොගෙන සිද්ධියට යම්තම් ගෑවුණු කිහිපදෙනෙකු පමණක් අත්අඩංගුවට ගැනෙනු ඇති බවයි. අපේ රටේ නීතිය ක්රියාත්මක වීම යනු මෙයයි. වැරදි කරනවුන් නිදැල්ලේ නොකළවුන් ඇතුලේය. සමහර විට අගතියට පත්වුවන් අත්අඩංගුවට ගන්නටද බැරි නැත.
ෆැෂන් බග් ආයතනයට පහර දීම කිසිදු පිළිගත හැකි හේතුවකින් තොරව වුවක් බව දැන් අනාවරණය වී ඇත. මුස්ලිම් තරුණයෙක් සිංහල තරුණියක සමග පෙම් පටලැවිල්ලක් ඇති වී පසුව එම තරුණියගේ පියා විසින් පොලීසියේ කරන ලද පැමිණිල්ලක් මෙයට හේතුවයි. මෙම තරුණයා විසින් තරුණිය සමග ලිංගිකව හැසිරී ඇති බැව් පැවසෙන අතර ඇය බාලවයස්කාර දැරියකි. තරුණියගේ පියා ඔහුට විරුද්ධව පොලීසියේ පැමිණිලි කර ඇත්තේ තරුණයා විසින් ඇයව මගඅරින්නට වීම නිසයි. මේ සිද්ධිය දෙස බලන කල තරුණයෙක් තරුණියකට පෙම් කිරීම බෞද්ධ සමාජය තුල වරදක් ලෙස නොසැලකේ. එය වරදක් වන්නේ ඉස්ලාමීය ෂරියාවට අනුවයි. ඒ අනුව මේ තරුණයා ෂරියාවට අනුව වැරදි කරුවෙකි.
මේ ෂරියානුකූල වරදට දඬුවම් දෙන්නට ඉදිරිපත් වන්නේ ඒ අසල පංසලක භික්ෂුන් වහන්සේලා සහ තවත් අන්තවාදීන් පිරිසකි. ඔවුන්ගේ දඬුවම කැකිල්ලේ තීන්දුවකට සමානය. ඔහු කලින් පොලිස් අත්අඩංගුවට පත්ව ඇත . ඔවුන්ට අනුව මේ තරුණයාට දඬුවම් දෙන්නට එම තරුණයා සොයා හෝ එම තරුණයා සේවය කළ ෆැෂන් බග් ආයතනය අසල පිහිටි වෙනත් සේවා ස්ථානය හෝ තෝරා නොගෙන ඔවුන්ට කුඩු කරන්නට සහ ගිනි තබන්නට හැකි ලෙස තිබෙන ෆැෂන් බග් ව්යාපාරය තෝරා ගැනීමකි. මොනරාගල බරවාහන ප්රවාහන සේවයක වැඩ කරන ඔහු ඇත්තටම එම තරුණයා ෆැෂන් බග් ආයතනයේ සේවය කළ කෙනෙකු නොවේ. නමුත් ෆැෂන් බග් විශාලව තිබෙන නිසා ජාතිවාදීන්ගේ ඇස් වලට ඇනෙන්නේ කටුය. මේ නිසා එම තරුණයාට විරුද්ධව ඇති චෝදනාවට දඬුවම් කිරීමට ෆැෂන් බග් ආයතනය තෝරා ගන්නට ඇත.
මේ සිද්ධිය සම්බන්ධව තවත් දෙයක් නම් මෙම සිද්ධියට තමන්ගේ කිසිදු සම්බන්ධතාවයක් නැති බව බොදු බල සේනාව, සිංහල රාවය සහ ජාතික හෙළ උරුමය විසින් ප්රකාශයට පත් කිරීමයි. නමුත් අප සියළුම දෙනා දන්නාවු ප්රසිද්ධ කරුණක් නම් මුස්ලිම් ව්යාපාර වලට එරෙහිව ජනතාව උසි ගැන්වීම කළේ මේ සංවිධාන තුනෙහි මුලිකයන් බවයි. ඔවුන් විසින් අන්තවාදය වපුරා දැන් කියන්නේ තමන් මෙයට කිසිසේත්ම සම්බන්ධ නොවු බවයි. නමුත් මේ කිසිවෙකුත් තවම මේ සිද්ධිය හෙලා දැක නැත. එමෙන්ම මෙම සිද්ධියට අදාල ප්රකාශයක් බොදු බල සේනාවේ ලේකම් ගලගොඩඅත්තේ ඥානසාර චීවරධාරියා විසින් පවසා ඇත. ඔහු විසින් කළ එම ප්රකාශය අන්තවාදයට රුකුලක් බව සැවොම පිළිගනිති.
Last edited:
aadambarai puthe
