සදාදරණිය නිවේදක තුමනි.
ඔබේ අවසන් වැඩසටහන දා.. අවසාන වශයෙන් යමක් සටහන් කලේ නැතිනං පුරා පැය හතරක ගුණාත්මක ශුවනයකට සහ පුරා වසරකට ආසන්න රේඩියෝ මාවතක සුපිරිම පුද්ගලයෙක්ට කරන්නා වූ ගුණමකුකමක් සේ සිතමි. එසේහෙයින් මෙය ලියමි.
ක්ලැරන්ස්-
හතු පිපෙන්නා සේ.. ආ මගක් නැති.. ඉන්න තැනක් නැති සහ අවසානයේ යන මං නැති සුපර්ස්ටාලා බිහිවෙන යුගයක , ක්ලැරන්ස් විජේවර්ධන මහතාණෙනි, ඔබ අපට රසවින්දනයේ සුවිසල් ප්රතිමූර්ථයකි. සංගීත ලෝකයේ අත්වැල් අල්ලමින් තනතමින් වෙව්ලන්නාගේ සිට.. සුප්රසිද්ධ වේදිකාවේ ජය කෙහෙලි නැංවූ ප්රබුද්ධයන් දක්වා එයට මොනවට සාක්ශි දරනු ඇත.
ඔබේ ගායන විලාසය, තනු යෙදීමේ විචිත්රවත් හැකියාව හේතුකොටගෙන.. එකදු ගීතය දිනකට සිය සැරයක් වාදනය කෙරෙව්වද කිසි කලෙක එපා නොවන්නේමය. දෙවියන් දුන් අසිරිමත් ගායන කෞශල්යය තවත් වසර ගණනාවක් විහිදුවන්නට නොතබා... රුදුරු මත්පැනට ලොල් වී දිවිය නිස්කාරනයේ කෙටි කරගැනීම ගැන මගේ පුද්ගලික වේදනාවක් තිබුනද... ඔබ ජීවත් වූ කෙටි කාලය තුල මේ තරම් ජනහද දිනාගත් ආකාරය නම් අතිශයින්ම විශ්මය ජනකය.
ඔබ නැතිවී වසර විස්සක් ගතවන්නට ආසන්නවත්... තවමත් ගිටාරය වයමින් කිසි දින නොදුටු ක්ලැරන්ස් ගී ගයන්නන් බොහෝය. එය ඔබගේ ජනප්රියතාව තවත් වසර සියයකටත් වඩා දුර ගෙනියන්නක් බවට පෙරමගලකුනකි. ක්ලැරනස් සුහද කළාකරුවාණෙනි., ඔබට සදා මොක් සුව පතමි. ජන හද තුල සදා වැජඹේවා..!!!
සස්ලිට් නිවේදක තුමනි..-
එළකිරි.කොම් ඔන්ලයින් මිතුරු මිතුරියන් අතරේ.. මාගේ ලගම හිතවතෙකු ලෙස.. දිනෙන් දින මාගේ ලිවීමේ කාර්්යයන් වලට උර දෙමින්... නැතිවී නැසී යන තැනට නොව.. ඇති වී ප්රසාරනය වන තැනට වැඩ කිරීමට මා පොළඹවන්නේ ඔබයැයි , නිහතමානීව පවසනු රිසි වෙමි.
සුවහසක් රසික හදවත් දිනාගත් සිකුරාදා එළකිරි රේඩියෝ වැඩසටහන - මියුරු ගී සර - සස්ලිට් සමග - ඔබ හදුනා ගැනීමට පහසුම මගක් ලෙස දුටිමි. නිතර අසන ගීත වෙනමම ආකාරයකින් රසික හදට ලගා කරවීමට ඔබ යොදාගත් උපක්රම විශිෂ්ඨය. සංයමයෙන් ගීත තෝරාගැනීමත්.. සුමට ලෙස නිවේදනය කරමින් .. ශ්රාවකයා හා නිවේදකයා අතර ඇති දුරස් බව නැති කිරීමත් ඔබගේ රේඩියෝ නිවේදන ක්ශේත්රයේ මා දුටු හොද ගතිගුණය.
සිකුරාදා වැඩසටහන් වලට අමතරව.. සුවහසක් රසික පිරිසගේ වැඩිම ඉල්ලීම පිට කරන්නට යෙදුනු මෙවන් පැය හතරේ මෙගා රේඩියෝ වැඩසටහන් වල අභියෝගය.. සාර්ථකව ඔබ භාරගන්නා ආකාරය අපූරුය. කිසිදු තිගැස්මකින් තොරව, ආතතියෙන් මිදී.. මනා සංයමයකින් පැය හතර කළමණාකරන ආකාරය ගැන ලිවීමට වචනද ප්රමානවත් නොවේ. දත් කිඹුලාට පසුව මා දුටු සොදුරුතම නිවේදකයා ඔබයි.
පුද්ගලික හේතුවක් නිසා තදබදකාරී එළකිරි රේඩියෝවෙන් ඉවත් වන්නට යෙදුනත්.. ඔබද අප මතකයේ සදාකල් රැදෙනු ඇත. ඔබ විසින් පුහුනු කළ ඔබේ ගෝලබාලයන් දිගටම ඔබේ ධනාත්මක කලාව ඉදිරියට රැගෙන යනු ඇතැයි අපේක්ෂා කරමි.
නුදුරු අනාගතයේ ජීවිතේ සුවිශේෂී සංධිස්ථානයක් පසු කරන ඔබට මා ඇතුළු සහෘද එළකිරි රේඩියෝ රසික පිරිසගේ සුභපැතුම් එක් කරමින්....
සාර්ථක ජීවිතයකට ආසිරි ගෙන එමින් සමුගනිමි...
සස්ලිට්... ඔබට දෙවි පිහිටයි....
-දිනූෂ සංකල්ප-
15/06/2013
ඕනම දෙයක් කොපි කරන්නෝ සිටිත්. කොපි කරන්නෝ කොපි කරපුදෙන්....
ආර් සී4 ..........
kohmadha ethin
